FILEMON 1:19 - Enhlit Bible

¹⁹ Eycaso sictalhescama ajanco sicvisay Pablo, nasoc anco, coo sat oyanmongsic. Am oltamjoc coo olhenic asoc ayaymomalhca, malha apmaycaoc nasa lhip. Incaymalhqui inyicje jeyipitcojoc lhip, malha yoyam otnejic ajancoc.

FILEMON 1:19 Iomraidhean Croise

GÉNESIS 43:9

Coo sat otnejic sicyamonquiscama eyalhing. Am sat ancoc oyantementac mocjam, osilhnanalhcac sat napato lhip cotningvoyam nelha.

ROMANOS 16:22

Coo sicvisay Tercio sictomja sictalhesquiscama as vaycajac. Inlhenquic evalhoc quellhip ayinyema Visqui ingac.

1 CORINTIOS 4:15

Apnam sat ancoc aplhamoclhojo apquillhicmoscama nipyesicsa quellhip, am elhnam aplhamoclhojo apquiltomja malha apquilyap nipyesicsa quellhip ayinyema Cristo. Coo eyca apquiltomja malha apquilyap quellhip ayinyema melyasquiyam Jesucristo. Ayinyema najan siclingascama tasic amyaa nipyesicsa quellhip.

2 CORINTIOS 10:1

Coo sicvisay Pablo. Altamjoc oltimnacsic quellhip sicpayvam. Inlhenquic evalhoc aptemaclha Cristo actemaclha actamilaycam apvalhoc. Pac olhnasojoc coo lha naysicsa siclhanma. Aclingac coo siclhenomalhca sictomja mepqui sicyimnatem naysicsa sicma nipyesicsa quellhip. Apquiltomjac alhta selhena: Aplhinquic sat ancoc mocjay poc tingma, coyiplovjoc sat apyimtalhnesomacpo apanco Pablo —nic alhta apquiltomjac selhena coo.

2 CORINTIOS 3:2

Ayanayquic coo paj. Ayinyemaclha quellhip apquiltomja malha vaycajac ningiltalhesquiscama quellhip. Yitnec apquilvalhoc quellhip actalhesomalhca. Apquilvitac sat ancoc poc enlhitaoc, malha apquilyipsatem sat cotnejic apquilvalhoc quellhip. Melquinatsejec sat poc enlhitaoc apquiltemaclha quellhip.

2 CORINTIOS 9:4

Incacoc enquenyic melpenacsoy quellhip ningvoclho inlhojo nipyesicsa quellhip, sellhalhmaa napocja ingilyalhinga co Macedonia. Ongilmancac sat nincoo. Jave lhaja yoyam ongilmancac nincoo, quellhip eyca yoyam elmancac.

GALATAS 5:2

Quip elaylhojo. Actomjac coo silanya quellhip: Apquilyiplovcasquic sat ancoc quellhip apquiltemaclha judíos yoyam colhic asoc monquinatquiscama apyimpeoc, ayajemo sat cotnejic quellhip melyasquiyam Cristo.

GALATAS 6:11

Quip elanojo actemaclha alyiviy actalhamavo sictalhescama ajanco.

1 TIMOTEO 1:2

Actalhoscasquic as vaycajac actemaclha aclhanma evalhoc lhip Timoteo. Ayinyemaclha lhip aptomja malha sictamongvoyam ayinyema mongyasquiyam. Altamjoc yoyam epasmoc lhip Dios Ingyapam najan Jesucristo Visqui ingac yoyam najan ingyimlimojo najan coytic actamilaycam apvalhoc.

FILEMON 1:18

Yitnec sat ancoc acyimtalhnama lhama asoc ayinyema aptemaclha alhta Onésimo. Yitnec sat ancoc apmaycaoc nasa, jetalhosquis sat coo. Coo sat omascosquisic.