FILEMON 1:17 - Enhlit Bible

¹⁷ Nasoc sat ancoc lhip jetnejic aptimem poc coo, ingyasicjiclhojo mocjam Onésimo, acno lhip aptomja seyasicjayo coo.

FILEMON 1:17 Iomraidhean Croise

SAN MATEO 10:40

‘Aptomjac alhta mocjam Jesús: Apquilmacpec sat ancoc tacja quellhip, eyca as enlhit aptomja semam tacja coo. Acmalhquic sat ancoc tacja coo, eyca as enlhit aptomja apmam tacja coo Tata aptomja seyapajascama.

SAN MATEO 18:5

Apmec sat ancoc tacja sicaa apno as ayinyema aplhanma sicvisay eyca as enlhit aptomja semam tacja coo —alhta aptomjac.

SAN MATEO 25:40

Sat etnejic mocjam Apvisqui elanic: “Actomjac coo silanya quellhip: Naso, moclhama asoc apquiltimesquiscama quellhip eyalhing meyimtalhnamo. Eyca as asoc seltimesquiscama coo” —sat etnejic Apvisqui.

LOS HECHOS 16:15

Yejemoc alhta actingyaa yapasquiscama yingmin najan acmolhama. Intomjac alhta singilanya: —Apquilyasamcoc sat ancoc quellhip sictomja moyasquiyam Visqui ingac, elvota sat tingma ajac —alhta intomjac. Ingilinlhanacmec alhta nincoo, yoyam ongnam tingma ac.

2 CORINTIOS 8:23

Ningiltamjoc nincoo yoyam elmoc tacja quellhip apnatqui ingilyalhinga ningilapajascama: Lhama apvisay Tito aptomja sictamjaycamo lhama naysicsa ningiltamjaycam najan ningillhicmoscama quellhip. Najan poc ingilyalhinga apcanit apquiltomja apquilapajasomap ayinyema Jesucristo apmolhama. Eycaso apnatqui ingilyalhinga ayinyema apquiltamjaycam yoyam colhic ayaco Cristo.

EFESIOS 3:6

Eycaso actomja asoc acyilhomalhca: Apquillhoyó lhama intomjac asoc altamila judíos najan poc apquilinyema lhalhma anco. Lhama apmolhama aptomjaclha judíos najan poc apquilinyema lhalhma anco, aptomjaclhec malha lhama apyovoclhojo. Apquillhoyó lhama intomjac ayinyema aplhanmaclha Dios actomja nasoc anco ayinyema Cristo Jesús.

FILIPENSES 1:7

Inpeyvoc anco actemaclha aclhanma evalhoc quellhip. Avanjec anco acliclama evalhoc quellhip. Elpasmec mataa quellhip naysicsa sicma singilpilhtetomaclha. Elpasmec najan mataa naysicsa sicmasma tasic amyaa napatavo singyicpilquemo. Ayinyemaclha noc moc coyeycajamalhca ingilvalhoc ayinyema singaycaoc Visqui ingac.

1 TIMOTEO 6:2

Apquillhenacpec apquilviscaa apquiltomja Jesucristo apmolhama. Incaymalhquic apquilancam elavojo mataa apquilviscaa apancaoc. Ayinyemaclha apquiltomja malha apquilpipma. Dios najan aptomja apquilasicjayo. Incaymalhquic coyangvomoc apquiltamjaycam apquilancam yoyam colhic ayasicjavo. Eycaso illhicmos sat lhip najan iyascasingvom ingilyalhinga.

FILEMON 1:10

Pac olmalhnesquisic lhip Filemón yoyam ingyasicjiclhojo mocjam lhip apquilancam Onésimo ayinyema apyanmonquiscama apvalhoc singilpilhtetomaclha.

FILEMON 1:12

Ongvapajacsic sat mocjam etajojo Onésimo apnaclha lhip, ayinyemaclha innoc actemaclha evalhoc.

FILEMON 1:18

Yitnec sat ancoc acyimtalhnama lhama asoc ayinyema aptemaclha alhta Onésimo. Yitnec sat ancoc apmaycaoc nasa, jetalhosquis sat coo. Coo sat omascosquisic.

HEBREOS 3:1

Quellhip elyalhinga, Dios apquilyacyescama. Quellhip apquiltomja apquilanyomap malha apquevoycam Dios. Quip elanojo quellhip Jesús, aptomja Dios apcapajascama najan Dios apquilancam apyimtalhnamo ningiltomja ningyiplovquiscama.

HEBREOS 3:14

Ningilinlhanacmec sat ancoc ningyiplovquiscama acvocmo actamongvomlha nelha naysicsa mongyasquiyam acyitna nincoo siclhoc anco, ongilpasmoc sat nincoo Cristo.

SANTIAGO 2:5

Quellhip elyalhinga. Dios Ingyapam aptomja apquilyacyescama enlhit mepqui apquilnatam as nalhpop. Apquiltamjoc coytic acyiviy melyasquiyam, malha acyitna apquilnatam. Apquiltamjoc ellhovangvomoc sat Dios apquilnancascama. Aplhanma ilhnic nat actomja nasoc anco yoyam elmesic apquiltomja apquilasicjayo.

1 SAN PEDRO 5:1

Yitnec coo sicpayvam actamila yoyam oltimnacsic apquilimja apmamyi Jesucristo apmolhama. Ayinyemaclha coo najan sictimem siyimja emamyi. Sictomja najan sicvitaycamco aplingaycamco acmasca Cristo. Olhojoc sat lhama ayitsayoclhilhma Cristo apvactamo sat, sicno apquilimja apmamyi.

1 SAN JUAN 1:3

Ninlingasquic nincoo nipyesicsa quellhip actemaclha ningvitay najan ninlingay nat nincoo. Ningiltamjoc eltimjic quellhip lhama ningilpasmeyquiclha nincoo. Acno nincoo ningiltomja ningilpasmeyquiclha Dios Ingyapam najan Apquitca Jesucristo.