FILEMON 1:1 - Enhlit Bible

¹ Coo nac Pablo sicma singilpilhtetomaclha ayinyema siclingascama apvisay Jesucristo. Siclhalhma coo ingyalhing Timoteo. Inlhenquic ingilvalhoc lhip Filemón, aptomja ingyalhing ningasicjayo najan ningiltamjaycamo lhama.

FILEMON 1:1 Iomraidhean Croise

LOS HECHOS 16:1

Apquilvoclhec alhta Pablo najan tingma Derbe najan tingma Listra. Apquilvitangvoclhec alhta maa lhama enlhit meyasquiyam tasic amyaa apvisay Timoteo. Co Judea alhta inquin, coyasquiyam tasic amyaa alhta. Griego alhta apyap.

1 CORINTIOS 3:9

Acvamlha nincoo ningiltomja ningiltamjaycamo lhama Dios. Quellhip apquiltomja malha Dios amyip apác yoyam ecniclhac appayvam apquilvalhoc. Quellhip apquiltomja malha tingma Dios apquillanay.

2 CORINTIOS 1:1

Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios. Najan siclhalhma ingyalhing Timoteo. Actalhescasquic as vaycajac actema aclhanma evalhoc apquiltomja Dios apmolhama apnaycam tingma Corinto. Najan aplhamoclhojo apquiltomja Dios apquilyacyescama apnaycam yoclhilhma Acaya.

GALATAS 3:26

Quellhip apquiltomja Dios apquitquic apquilpasmeyquiclha Jesucristo ayinyema melyasquiyam.

EFESIOS 3:1

Coo sicvisay Pablo. Almalhnescasquic coo mataa Dios. Sictomja sicmomalhca ayinyema Cristo Jesús quellhip acyanmongam apquilinyema lhalhma anco.

EFESIOS 4:1

Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam.

EFESIOS 6:20

Acnec coo singilpilhtetomaclha ayinyema siclingascama tasic amyaa ayinyema Dios seyasinaycam. Jelmalhnesquis coo yoyam olngacsic tasic amyaa mepqui siyay actemaclha siyanyomalhca otnejic.

FILIPENSES 1:1

Coo nac Pablo najan Timoteo ningiltomja Jesucristo apquilancam. Ningiltalhescasquic as vaycajac actemaclha aclhanma ingvalhoc aplhamoclhojo Jesucristo apmolhama apnaycam tingma Filipos. Najan maa apquilimja apmamyi najan apquiltomja apquilancam. Ayinyemaclha aplhamoclhojo apquiltomja apquilpasmeyquiclha Cristo Jesús.

FILIPENSES 2:25

Ayanayc coo incaymalhquic ongvapajacsic siclho ingyalhing Epafrodito nipyesicsa quellhip. Aptomja mataa siclhalhma sictamjaycamo lhama, malha silnapomalhco lhama. Quellhip alhta apquilapajascama ingyalhing Epafrodito, yoyam jesantimsic asoc alaymomalhca coo.

FILIPENSES 4:3

Lhip ingyalhing sictamjaycamo lhama. Actomjac coo siyanya lhip: Ipasim sat mataa as quilvanaa. Avanjec alhta mataa altamjaycam yoyam jelpasmoc naysicsa siltimnaycam tasic amyaa. Apnoc alhta ingyalhing Clemente najan poc siltamjaycamo lhama. Yitnec apquilvisay acnatalhesomalhca vaycajac acyitna apquilvisay enlhitaoc acyimnatem apnenyaoc.

COLOSENSES 1:1

Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios. Najan siclhalhma ingyalhing Timoteo.

COLOSENSES 4:11

Inlhenquic najan apvalhoc Jesús, moc apvisay Justo. Eycaso apnatqui ingilyalhinga apquiltomja judíos apanco. Apquiltomja siltamjaycamo lhama Dios apquilnancascama. Apquiltomja alhta apquiltamilquisquiyam evalhoc.

1 TESALONICENSES 3:2

Ningiltamjoc ongilapajacsic nipyesicsa quellhip ingilyalhing Timoteo. Ayinyemaclha Timoteo aptomja Dios apquilancam najan aptomja ningiltamjaycamo lhama naysicsa ninlingascama tasic amyaa ayinyema Cristo. Apvanquic eyimnatesquisic apquilvalhoc quellhip najan epayesiclhac apquilvalhoc naysicsa melyasquiyam.

2 TESALONICENSES 1:1

Coo nac Pablo najan siclhalhma Silvano najan Timoteo. Ningiltalhescasquic nincoo as vaycajac yoyam elyipsitic Jesucristo apmolhama apnaycam tingma Tesalónica. Apquiltomja apquilpasmeyquiclha Dios Ingyapam najan Jesucristo Visqui ingac.

2 TIMOTEO 1:8

Nonconova nasa lhip elngacsic apvisay Visqui ingac. Nonconova nasa lhip elngacsic coo sicvisay, sictomja sicmomalhca ayinyema siclingascama apvisay Visqui ingac. Ilngamcojo sat lhip lha acmasca ayinyema aplingascama tasic amyaa. Dios sat eyimnaticsic lhip.

FILEMON 1:23

Inlhenquic apvalhoc ingyalhing Epafras aptomja sicmomalhco lhama singilpilhtetomaclha ayinyema ninlingascama apvisay Cristo Jesús.

FILEMON 1:24

Inlhenquic najan apvalhoc ingyalhing Marcos, najan ingyalhing Aristarco, najan ingyalhing Demas, najan ingyalhing Lucas apquiltomja seltamjaycamo lhama.

FILEMON 1:9

Inlhenquic evalhoc lhip aptemaclha apcasicjayo. Najan sictomja coo sicvanyam sicma singilpilhtetomaclha ayinyema siclingascama apvisay Jesucristo.