ÉXODO 9:27 - Enhlit Bible

²⁷ Innec nic nat altimnasa Moisés najan Aarón. Aptomjac nic nat apvisqui faraón apcanya: —Naso, moyascalhma coo. Sicsilhnanomalhca ajanco najan enaymacoc. Appeyvomo Dios Apyimtalhnamo.

ÉXODO 9:27 Iomraidhean Croise

2 SAMUEL 12:13

Apcatingmavoc nic nat apvisqui David: —Sicsilhnanomalhca ajanco coo. Ayinmelham coo Dios — nic nat aptomjac. Aptomjac nic nat profeta apcanya: —Apmascosquic lhip apsilhnanomap Dios. Mengyitsepejec sat lhip.

2 CRÓNICAS 12:6

Inmancaquic nic nat apquilvalhoc apquilviscaa apquillinga, apquiltomja apquilatingmavo: —¡Payjoc aplhanma Dios Visqui ingac! — nic nat apquiltomjac.

SALMOS 129:4

Visqui ajac aptomja appeyvomo. Emyovquic alhta napatavo apquilmapsomcaa.

SALMOS 145:17

Inpeyvoc anco aptemaclha Visqui ingac. Najan aptemaclha mataa singasicjayo.

SALMOS 9:16

Apvitacpec alhta Visqui ingac actemaclha apyicpilquemo. Apmacpec apanco quiljanma enlhit apmapsom.

ÉXODO 10:16

Pilapcasquic nic nat maltimnaseclho Moisés najan Aarón. Aptomjac nic nat apvisqui faraón apcanya: —Moyascalhma coo napato Dios najan napatavo quellhip.

ÉXODO 10:17

Jelasicjiclhojo sat mocjam quilhvo nac jay. Jelmalhnesquis co napato Dios, quellhip Dios apvisqui apancaoc. Jingyinyovsic sat singiltovascama sová — nic nat aptomjac faraón.

ÉXODO 8:25

Apquevam nic nat apvisqui faraón Moisés najan Aarón. Aptomjac nic nat apquilanya: —Noc maa. Elsaclhes sat yoclhilhma ningileyvomaclha apcaycaoc actemaclha apquilpayescama Dios Apvisqui apancaoc — nic nat aptomjac.

ÉXODO 8:8

Yejemoc nic nat apquevamcaa apvisqui faraón. Aptomjac nic nat apvisqui apcanya Moisés najan Aarón: —Jingilmalhnesquis sat Dios quellhip yoyam emascocsic apquileyvam napnicting sicnaclha coo najan nipyesicsa enlhitaoc ajancaoc. Momyovejec sat elyinyoc enlhitaoc apancaoc as yoclhilhma. Elmecsic sat apcaycaoc actemaclha apquilpayescama Dios Apyimtalhnamo — nic nat aptomjac.

LAMENTACIÓNES 1:18

Peyvoc aptemaclha Visqui ingac, aptomja apyanmongsayclha nintemaclha inganco, ayinyema alhta mepqui ningilyajayquiclho appayvam. ¡Quip elaylhojo quellhip actemaclha ninlingaycamco acmasca! Apquilmacpec alhta apquilyimnanic, najan maa quilvana ayitcavoc, macnalayclha cotnajaclha alaoclha.

DANIEL 9:14

Lhip Dios aclhanma apvalhoc, yoyam onlingamcojoc acyimtalhnama nincoo. Lhip aptomja appeyvomo mataa, nincoo eyca mepqui aclhanma ingvalhoc, yoyam ongilaylhojo mataa lhip.

NÚMEROS 21:7

Apquilmiyaclhec nic nat poc apnaclha Moisés. Apquiltomjac nic nat apquilanya: —Nincoo ningilsilhnanomalhca inganco napato Dios, najan napato lhip. Jingilmalhnesquis sat Dios, yoyam jingilyinyovsic acyeyva acyovoclhojo. Apquilmalhnescasquic nic nat Moisés, yoyam elasicjiclhojo mocjam Dios.

NÚMEROS 22:34

Apcatingmavoc nic nat Balaam: —Naso, sicsilhnanomalhca ajanco. Paj coo otac lhip apquinmamcaa amay. Apquiltamjo inlhojo lhip, quilhvoc sat otajojo — nic nat aptomjac.

SAN MATEO 27:4

Aptomjac alhta Judas apquilanya: —Moyascalhma nac coo ayinyema siyanem emacpoc enlhit appeyvomo —alhta aptomjac. Apquilatingmavoc alhta apquilviscaa: —Jave eyca nincoo. Iyasamcojo sat lhip yoyam etnejic —alhta apquiltomjac.

ROMANOS 2:5

Acyimnatem apvalhoc lhip. Copvanquejec eyanmongsic apvalhoc. Etac sat apyanmongsayclha Dios acvocmo sat acnim ningyicpilcomalhcoclha. Etacpoc sat Dios aptomja appeyvomo.

ROMANOS 3:19

Ningyasamcoc nincoo, inpeyvoc aclhanma singanamaclha actalhesomalhca. Apquillhenacpec enlhitaoc acyitna singanamaclha. Copvanquejec lhama etnejic appayvam: “Mepqui sicsilhnanomalhca coo”. Ayinyemaclha aplhamoclhojo enlhitaoc lhalhma anco apquiltomja apquilsilhnanomap napato Dios.

JOSUÉ 7:20

Apcatingmavoc nic nat Acán: —Naso. Pac olhenic sicsilhnanomalhca ajanco napato Dios Apyimtalhnamo. Olhenic sictomjaclha alhta:

1 SAMUEL 15:24

Apcatingmavoc nic nat apvisqui Saúl: —Sicsilhnanomalhca nac coo. Actovasquic coo singanamaclha Dios. Actovasquic coo lhip appayvam. Alyajaclhoc alhta enlhitaoc apquilpayvam ayinyema alhta siyay enlhitaoc. Jeyasicjiclhojo sat mocjam, imascos sicsilhnanomalhca ajanco.

1 SAMUEL 15:30

Apcatingmavoc nic nat Saúl: —Moyascalhma nac coo. Altamjoc coo jetnejic seyay'o napatavo apquilimja apmamyi najan napatavo apquilimja apmamyi najan napatavo aplhamoclhojo enlhitaoc. Itne sat lhip siclhalhma yoyam opayicsojo Dios, lhip Apvisqui pac — nic nat aptomjac Saúl.

1 SAMUEL 26:21

Aptomjac nic nat Saúl apcanya: —¡Lhip eyitca David! ¡Naso, sicsilhnanomalhca ajanco! Aclhinganacmec coo, sictomja malha enlhit ayanem. Ipalhavota sat mocjam, ayinyema lhip lhac semasma coo. Motnejec sat mocjam sicmasom — nic nat aptomjac Saúl.