ÉXODO 9:14 - Enhlit Bible

¹⁴ Apmiyovquic sat ancoc lhip, osavojoc sat silapajascama asoc alyimtalhnama. Elngamcojoc sat lhip najan apquilasinancama najan apyovoclhojo enlhitaoc. Eyasamcojoc sat lhip sicvamlha coo sicyimtalhnamo as nalhpop, paj poc.

ÉXODO 9:14 Iomraidhean Croise

2 SAMUEL 7:22

Lhip Dios Apyimtalhnamo. Apyimtalhnamo nac lhip. Paj poc apno lhip. Paj poc Dios apyimtalhnamo yoyam onlingac aptamjaycam simpilapquiscama.

1 REYES 8:38

Elvotac sat as tingma enlhitaoc yoyam elilmalhna ayinyema apquillingaycamco apquilvalhoc acyanmongayclha apquiltemaclha. Elyasiclhac sat netin apmeoc naysicsa apquililmalhnancama as tingma.

1 CRÓNICAS 17:20

Visqui ajac, paj poc apyimtalhnamo Dios, apvamlha lhip Visqui ingac. Am onlingayac mocjam nincoo.

SALMOS 86:8

Mepqui lhama apyimtalhnamo nipyesicsa poc dioses (quilaycmasquiscama). Mepqui poc apmopvan aptamjaycam, apvamlha lhip Visqui ingac.

ÉXODO 15:11

Apvamlha pac lhama apyimtalhnamo lhip Dios Apyimtalhnamo. Mepqui acyimtalhnamo quilaycmasquiscama acyitsomalhca dios. Apyimtalhnamo apanco lhip, mayayo santo, am elhno poc. Apmopvan lhip ellana asoc simpilapquiscama, acyiplomo acyivey ningay.

ÉXODO 8:10

Apcatingmavoc nic nat apvisqui faraón: —Jingilmalhnesquis sat secaseclha — nic nat aptomjac.

ÉXODO 8:6

Apyasquic nic nat netin apmic Aarón tacjalhit yingmin Egipto. Apquilantipquic nic nat napnicting. Appayjeclhec nic nat yoclhilhma Egipto.

ÉXODO 9:15

Evanqui inyicje omascoscomoc aptiyascam lhip najan apyovoclhojo enlhitaoc as nalhpop. Actemaclha sicyanmongsayclha apquiltemaclha quellhip.

ISAÍAS 45:5

Coo sicvamlha Dios, paj poc Dios lhalhma anco. Acpasmec alhta lhip malha sictejitquiscama niplhit apyapmam naysicsa mejeyicpilquem coo.

ISAÍAS 46:9

Colyitnam apatic sictomjaclha nanoc alhta. Coo sicvisay Dios, paj poc. Coo sicvisay Dios, paj poc apyitsomacpo coo (seyitsomalhca coo).

JEREMÍAS 10:6

Lhip Visqui ingac, apmopvan innac lhip najan apyimtalhnamo, am elhno poc.

JEREMÍAS 10:7

Lhip Visqui apyimtalhnamo nipyesicsa enlhitaoc lhalhma anco, colapvanquejec mataa mepqui apquilay napato lhip. Lhip apvamlha pac lhama nipyesicsa enlhit apquilyascamco najan nipyesicsa apquilviscaa lhalhma anco.

JEREMÍAS 19:8

Cotniclhac sat yoclhilhma actamopeycaoc as tingma. Cotyamoc sat apquilvalhoc apquilvita inlhojo enlhit. Cotlapsic sat apquilyeycajay, apquilvita tingma aptovasomap.

DANIEL 5:21

Apyinyovacpec alhta nipyesicsa enlhitaoc, aptomjayclho asoc navjac. Aptomjaclhec alhta yamelyeyjaycoc navjac actom paat. Najan malha vayqui actom paat. Intiyacmec tiyam etin apyitnamaclha. Invocmec alhta acnim apyicpilcangviyam Dios apna netin, mayayo najan apmopvan nipyesicsa enlhitaoc. Dios ayinyema aptimesquiscama apvisqui apjalhnancoc, najan aptomja apquilvatesquiscama apvisqui, acno aclhanma apvalhoc apanco Dios.

LEVÍTICO 26:18

Am sat ancoc jelyajaclhoc mataa quellhip, olhamasiclhac sat acvaycmo siete silyanmongsayclha apquiltemaclha apancaoc.

LEVÍTICO 26:21

Apquilinlhanacmec sat ancoc selinmelhaycam coo. Olhamasiclhac sat acvaycmo siete silyanmongsayclha apquiltemaclha apancaoc.

LEVÍTICO 26:28

Otanovac sat apquiltemaclha quellhip. Olvoc sat coo. Olhamasiclhac sat acvaycmo siete silyanmongsayclha apquiltemaclha apancaoc.

MIQUEAS 6:13

Oyanmongsiclhac sat apquiltemaclha apancaoc quellhip, ayinyema apquilsilhnanomap apanco.

DEUTERONOMIO 3:24

Lhip Dios Apyimtalhnamo, sicvisay coo silancam lhip. Elhicmosquic alhta apmopvan apanco najan aptemaclha apyimtalhnamo. Paj poc dios maa netin, paj poc as nalhpop yoyam ellana asoc simpilapquiscama, ningvita inlhojo apvamlha pac lhip.

DEUTERONOMIO 4:35

Innec alhta allhicmosa quellhip, yoyam melyascamejec quellhip Dios apvamlha pac lhama, aptomja nasoc anco, mepqui poc Dios.

EL APOCALIPSIS 18:8

Incovac sat lhama acnim yoyam elngamcojo acmasca: actemaclha ningitsepma najan acyitnocjayo apquilvalhoc najan ayajem mayc najan emyetic sat as tingma. Ayinyemaclha apyimnatem apanco Dios aptomja apyanmongsayclha apquiltemaclha enlhitaoc as tingma —alhta intomjac siclingay.

EL APOCALIPSIS 22:18

Actomjac coo silanya quellhip apquiltomja apquillingay Dios appayvam actalhesomalhca as vaycajac: Apyipitcasquic sat ancoc enlhit moc amyaa as vaycajac actalhesomalhca, coyangvomoc sat aplingaycamco acmasca ayinyema Dios, acno aclhanma as vaycajac.

1 SAMUEL 4:8

¡Nincoo layi! ¿Soc sat jingilvomsic tap napato Dios Apyimtalhnamo najan apyimnatem? Aptomja Dios Apyimtalhnamo, aptovascama ilhnic nat co Egipto yoclhilhma actamopeycaoc. Aptimesquiscama ilhnic nat apquillingaycamco acyimtalhnama maa.