ÉXODO 8:16 - Enhlit Bible

¹⁶ Aptomjac nic nat Dios Apyimtalhnamo apcanya Moisés: —Itne sat ingyanic Aarón: Ilic sat yamit ayitcoc pac. Iticpong sat lhopactic. Cotniclhac sat paga lhopactic lhalhma anco yoclhilhma Egipto — nic nat aptomjac.

ÉXODO 8:16 Iomraidhean Croise

SALMOS 105:31

Inpayjingvocmec nic nat ascoc, sempeje najan paya, acno apcanama siclho Dios.

ÉXODO 4:23

Actomjac coo siyanya lhip: Noelmiyov nasa elyinyoc enlhitaoc Israel apquiltomja malha sictamongvoyam. Altamjoc coo yoyam jelpayicsojo. Apmiyovquic sat ancoc lhip, olnapoc sat co Egipto apquitquic, malha lhip apquitca aptiyam apmamyi — nic nat aptomjac Dios Apyimtalhnamo.

ÉXODO 5:1

Apvoclhec nic nat Moisés najan Aarón apnaclha apvisqui faraón. Aptomjac nic nat apcanya: —Eycaso appayvam Dios, Apvisqui apancaoc enlhitaoc Israel: Nomyov nasa elyinyoc as yoclhilhma enlhit ajancaoc. Ellanac sat fiesta yoclhilhma actamopeycaoc, yoyam jelpayicsojo coo — nic nat aptomjac.

ÉXODO 8:15

Lhama ilhnic nat apvita apvocmo tap apvisqui faraón. Am nic nat cotamilam apvalhoc. Am nic nat elyajaclhoc actemaclha apcanama Dios Apyimtalhnamo.

ÉXODO 8:17

Apquilyajaclhoc nic nat. Apmec nic nat yamit ayitcoc Aarón. Apticponquic nic nat lhopactic. Intomjaclhec nic nat paga. Appayjeclhec nic nat nipyesicsa enlhitaoc najan naysicsa apnatoscama. Intomjaclhec nic nat paga acyovoclhojo lhopactic yoclhilhma Egipto.

ÉXODO 8:18

Apquililtamjoc nic nat apquilyojolhma elantipsic paga ayinyema apquilyascamco apquiltemaclha. Am nic nat colapvancaac. Apquiltaclhamquic nic nat plaga enlhitaoc najan apnatoscama.

ÉXODO 8:5

Aptomjac nic nat Dios Apyimtalhnamo apcanya Moisés: —Itne sat ingyanic Aarón: Ilic sat yamit ayitcoc. Iyasquis sat apmic tacjalhit vatsam najan tacjalhit acyitnamaclha yingmin najan tacjalhit vatsam actingaoc. Elantepoc sat napnicting. Epayjiclhac sat yoclhilhma Egipto — nic nat aptomjac.