ÉXODO 8:10 - Enhlit Bible

¹⁰ Apcatingmavoc nic nat apvisqui faraón: —Jingilmalhnesquis sat secaseclha — nic nat aptomjac.

ÉXODO 8:10 Iomraidhean Croise

2 SAMUEL 7:22

Lhip Dios Apyimtalhnamo. Apyimtalhnamo nac lhip. Paj poc apno lhip. Paj poc Dios apyimtalhnamo yoyam onlingac aptamjaycam simpilapquiscama.

1 CRÓNICAS 17:20

Visqui ajac, paj poc apyimtalhnamo Dios, apvamlha lhip Visqui ingac. Am onlingayac mocjam nincoo.

SALMOS 83:18

Alyasingvomoc sat: Lhip aptomja Visqui apyimtalhnamo apvamlha pac lhama. Apvamlha lhip aptomja apyimtalhnamo apanco as nalhpop.

SALMOS 86:8

Mepqui lhama apyimtalhnamo nipyesicsa poc dioses (quilaycmasquiscama). Mepqui poc apmopvan aptamjaycam, apvamlha lhip Visqui ingac.

SALMOS 9:16

Apvitacpec alhta Visqui ingac actemaclha apyicpilquemo. Apmacpec apanco quiljanma enlhit apmapsom.

ÉXODO 15:11

Apvamlha pac lhama apyimtalhnamo lhip Dios Apyimtalhnamo. Mepqui acyimtalhnamo quilaycmasquiscama acyitsomalhca dios. Apyimtalhnamo apanco lhip, mayayo santo, am elhno poc. Apmopvan lhip ellana asoc simpilapquiscama, acyiplomo acyivey ningay.

ÉXODO 8:9

Aptomjac nic nat Moisés apcanya apvisqui faraón: —Apvanquic lhip jeyasquisamcojo acvamlha acnim yoyam olmalhnesquisic lhip najan apquilancam najan aplhamoclhojo enlhit. Comascoc sat apquileyvam napnicting apnaclha lhip najan tingma apancaoc. Eleyoc sat acvamlha vatsam — nic nat aptomjac.

ÉXODO 9:14

Apmiyovquic sat ancoc lhip, osavojoc sat silapajascama asoc alyimtalhnama. Elngamcojoc sat lhip najan apquilasinancama najan apyovoclhojo enlhitaoc. Eyasamcojoc sat lhip sicvamlha coo sicyimtalhnamo as nalhpop, paj poc.

ÉXODO 9:29

Apcatingmavoc nic nat Moisés: —Otyapoc sat as tingma. Omyasiclhac sat netin ectingaoc. Olmalhnesquisic Dios Apyimtalhnamo. Comascoc sat ayilhtingyavoyam. Comascoc sat yingmin alyayem. Eyasingvomoc sat lhip, aptomja apyimtalhnamo Dios Apyimtalhnamo as nalhpop.

PROVERBIOS 27:1

Mongvanquejec ongillhenic asoc alyivey, yoyam ongillana secaseclha. Paj ongilyasamcoc yavamlha cotnejic secaseclha.

ISAÍAS 40:18

¿Yitne ya lhama asoc ningyesicsa macyitquiscama Dios? ¿So actema quilaycmasquiscama acyitsomalhca Dios?

ISAÍAS 40:25

¿Soc asoc selyitsa quellhip? — alhta aptomjac Dios apyimtalhnamo.

ISAÍAS 46:9

Colyitnam apatic sictomjaclha nanoc alhta. Coo sicvisay Dios, paj poc. Coo sicvisay Dios, paj poc apyitsomacpo coo (seyitsomalhca coo).

DEUTERONOMIO 3:24

Lhip Dios Apyimtalhnamo, sicvisay coo silancam lhip. Elhicmosquic alhta apmopvan apanco najan aptemaclha apyimtalhnamo. Paj poc dios maa netin, paj poc as nalhpop yoyam ellana asoc simpilapquiscama, ningvita inlhojo apvamlha pac lhip.

DEUTERONOMIO 32:31

Apquilyasingvocmec cotnaja ingmoc aptemaclha Dios aptomja apyimnatem apanco, am colhno quilaycmasquiscam acyitsomalhca dios.

DEUTERONOMIO 33:26

Aptomjac nic nat mocjam Moisés: Apvamlha pac lhama Dios Apyimtalhnamo, mepqui poc nipyesicsa israelitas. Apmiyaclhec netin yipjopay aptomja apyimtalhnamo, evotac sat yoyam jingilpasingvota.

DEUTERONOMIO 4:35

Innec alhta allhicmosa quellhip, yoyam melyascamejec quellhip Dios apvamlha pac lhama, aptomja nasoc anco, mepqui poc Dios.

DEUTERONOMIO 4:39

Elyasamcojo quellhip, colhen mataa apquilvalhoc, Dios apvamlha pac lhama apna netin najan as nalhpop. Paj poc yoyam ontimjic ningayo.

SANTIAGO 4:14

Am eyca elyasamcoc quellhip yoyam cotnejic secaseclha sat. ¿Jalhco actemaclha nintiyascam as nalhpop? Actomja malha acpanma acyavataclhojo ningvitay, yejemoc acmasca.