ÉXODO 7:17 - Enhlit Bible

¹⁷ Eycaso Dios appayvam: Eyicpilcangvomoc sat lhip sictomja Dios. Omoc sat yamit ayitcoc ajac. Oticpong sat yingmin vatsam. Ema sat cotniclhac yingmin.

ÉXODO 7:17 Iomraidhean Croise

1 REYES 20:28

Apmiyantac nic nat profeta apnaclha apvisqui co Israel, aptomja apcanya: Eycaso appayvam ayinyema Dios: —Aclhenalhquic coo nipyesicsa sirios sicma netin inquilhe, mepqui sicmaclha amyip acvanyam. Eyasamcojoc sat lhip sicvisay Visqui Sicyimtalhnamo, apvita inlhojo apquilmomap appintalhnama co Siria quellhip apquilmam — nic alhta Dios Visqui ingac — nic nat aptomjac profeta.

2 REYES 19:19

Lhip Dios Apyimtalhnamo, jingmiyov nincoo napatavo co Asiria. Elyasingvomoc sat apyovoclhojo enlhitaoc as nalhpop, lhip aptomja apvamlha pac lhama Dios Apyimtalhnamo — nic nat aptomjac Ezequías.

SALMOS 105:29

Intomjaclhec nic nat ema acyovoclhojo yingmin (vatsam) yoclhilhma Egipto. Inquilitsepmec nic nat quilasma lhalhma anco.

SALMOS 78:44

Ema ilhnic nat actomjayclho yingmin vatsam, mongmovan ongyinamcoc.

SALMOS 83:18

Alyasingvomoc sat: Lhip aptomja Visqui apyimtalhnamo apvamlha pac lhama. Apvamlha lhip aptomja apyimtalhnamo apanco as nalhpop.

SALMOS 9:16

Apvitacpec alhta Visqui ingac actemaclha apyicpilquemo. Apmacpec apanco quiljanma enlhit apmapsom.

ÉXODO 1:22

Apcasinnaquic nic nat apvisqui faraón enlhit apancaoc. Aptomjac nic nat apquilanya: —Elyinyov sat nayingmin vatsam moclhama sicaa quilhvoc appaliyam. Elmiyov sat moclhama quilvana ayitcoc acpaliyam — nic nat aptomjac.

ÉXODO 10:2

Lhip sat elngacsic amyaa nipyesicsa apquitquic najan aptovana. Elngacsic sat sictamjaycam simpilapquiscama yoclhilhma Egipto. Elyasamcojoc sat mataa quellhip, coo sicvamlha sicvisay Dios.

ÉXODO 4:9

Apquilyascacmec sat ancoc anit asoc monquinatquiscama. Am sat ancoc elaylhojoc lhip appayvam, iyava sat yingmin vatsam. Iyanquin sat nalhpop yingmin. Cotniclhac sat ema yingmin ayinyema vatsam Nilo — nic nat aptomjac.

ÉXODO 5:2

Apcatingmavoc nic nat apvisqui faraón: —¿Soc apvisqui apvisay Dios yoyam olyejiclhojo appayvam, yoyam olapajacsic enlhitaoc Israel? Am oyasamcoc apvisay Dios. Molapajacsejec sat enlhitaoc Israel — nic nat aptomjac.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ÉXODO 7:20

Apquilyajaclhoc nic nat Moisés najan Aarón actemaclha apcanama Dios Apyimtalhnamo. Apticponquic nic nat yingmin yamit ayitcoc pac napatoc apvisqui faraón napatavo apquilancam. Intomjaclhec nic nat ema acyovoclhojo yingmin vatsam.

ÉXODO 7:5

Elyasingvomoc sat sictomja Dios. Otnejic sat sicyimtalhnamo, malha sicpayescama emic yoclhilhma Egipto sat cotnejic. Olyinyovsic sat enlhitaoc Israel nipyesicsa co Egipto — nic nat aptomjac.

EZEQUIEL 25:17

Oyanmongsiclhac sat apquiltemaclha apancaoc, ayinyema siclom coo. Natamin jelyicpilcangvomoc sat sicvisay Visqui apancaoc — alhta aptomjac Visqui ingac.

EZEQUIEL 29:9

Cotniclhac sat yoclhilhma actamopeycaoc apquileyvomaclha. Jelyicpilcangvomoc sat sicvisay Visqui apancaoc. Apquiltomjac alhta apquilpayvam quellhip: Nincoo ningillanay vatsam Nilo — alhta apquiltomjac quellhip.

EZEQUIEL 30:19

Coo sicyanmongsayclha apquiltemaclha apancaoc co Egipto. Jelyicpilcangvomoc sat coo sicvisay Visqui apancaoc — alhta aptomjac.

EZEQUIEL 30:8

Colhic sat alvatna talha aclhamoclhojo asoc as yoclhilhma, enatovasacpoc najan eticyoc sat apyovoclhojo apquiltomja apquilpasmeyquiclha co Egipto. Natamin jelyicpilcangvomoc sat sicvisay coo Visqui apancaoc — alhta aptomjac.

EZEQUIEL 32:15

Otnesquisic coo yoclhilhma cotniclhac sat actamopeycaoc, mepqui enlhit apquileyvam. Jelyicpilcangvomoc sat egipcios sicvisay Visqui apancaoc — alhta aptomjac.

EZEQUIEL 32:6

Cotalhcac sat ema apancaoc nalhpop, conyejic sat malha vatsam ayitcoc ayinyema netin inquilhe.

EZEQUIEL 38:23

Cotalhcac sat sictemaclha sicmovan najan mayayoclha coo napatavo enlhitaoc lhalhma anco. Jelyicpilcangvomoc sat sicvisay Visqui apancaoc — alhta aptomjac.

EZEQUIEL 39:28

Ayilhpancasquic alhta israelitas nipyesicsa cotnaja ingmoc, onalovsingvoclhac sat mocjam, eltajiclhac sat apquilaoclha. Moyinyovejec sat lhama israelita. Jelyicpilcangvomoc sat sicvisay Dios Visqui apancaoc.

DANIEL 4:17

Eycaso ayinyema siclho apquilpamejitsomap ángeles Dios apquilasinancama. Elyasingvomoc sat apyovoclhojo enlhitaoc, aptemaclha Dios apna netin apyimtalhnamo. Apvanquic etnesquisic apvisqui apjalhnancoc, apvanquic elvatesquisic apvisqui nipyesicsa enlhitaoc. Apvanquic etnesquisic apvisqui apjalhnancoc enlhit mepqui ayajamalhco apvalhoc.

DANIEL 4:32

Eyinyovacpoc sat lhip, yoyam epalhavomoc lhip asoc navjac najan ninatoscama. Etoc sat lhip paat, acno actom vayqui. Cotnejic sat acvaycmo siete años. Eyicpilcangvomoc sat lhip apmopvan apanco Dios apna netin. Apyimtalhnamo apanco nipyesicsa enlhitaoc apyovoclhojo as nalhpop. Apvanquic etnesquisic apvisqui apjalhnancoc, apvanquic elvatesquisic aptimem apvisqui, acno aclhanma apvalhoc apanco — nic nat intomjac amyaa ayinyema netin.

DANIEL 4:37

Coo sicvisay Nabucodonosor. Actimec coo siyayo Dios apna netin, apvisay Mayayo najan Apyimtalhnamo. Aptomja appeyvomo najan nasoc anco aptemaclha. Apvanquic eyinyovsic (elvatesquisic) apquiltemaclha apancaoc enlhit apquilyimtalhnamo.

DANIEL 5:21

Apyinyovacpec alhta nipyesicsa enlhitaoc, aptomjayclho asoc navjac. Aptomjaclhec alhta yamelyeyjaycoc navjac actom paat. Najan malha vayqui actom paat. Intiyacmec tiyam etin apyitnamaclha. Invocmec alhta acnim apyicpilcangviyam Dios apna netin, mayayo najan apmopvan nipyesicsa enlhitaoc. Dios ayinyema aptimesquiscama apvisqui apjalhnancoc, najan aptomja apquilvatesquiscama apvisqui, acno aclhanma apvalhoc apanco Dios.

DANIEL 5:23

Lhip visqui apyimtalhnamo aptomja apvenneycam Dios apna netin. Lhip lhac apcanama, colhic acsantimquisa apquilmaycam ingjaycaoc najan alhanaoc alinyema alhta Dios tingma pac apponquinomap. Apmaycam lhac lhip najan apnaymacoc apquilyimtalhnamo, elyinamcoc vino uva ayingmenic as ingjaycaoc. Apquiltimec lhac apquilayo quilaycmasquiscama allanomalhca oro, moc najan plata, moc najan bronce, moc najan hierro, moc najan yamit, moc najan mataymong. Mepqui ataoc as quilaycmasquiscama, mepqui ajaycaoc, mepqui acyascamco avalhaoc. Am etnajac lhip apcayo Dios apna netin, ayinyemayaclha lhip acyimnatem apnenyic.

EL APOCALIPSIS 11:6

Apquilmopvan innac as apquillingascama sicvisay. Apvancaac elmeyvoc acmamay, malha apquilapayclha atong netin yoyam comacyejec naysicsa apquillingascama amyaa ayinyema Dios. Apvancaac najan etnescasiclhac ema acyovoclhojo yingmin. Apvancaac najan elasquisic apyimpeoc enlhitaoc lhalhma anco, aclhamoclhojo actemaclha alasquiscama apyimpeoc. Cotnejic sat mataa acvamlha actemaclha apquilmayjayoclha apcanit apquillingascama sicvisay.

EL APOCALIPSIS 8:8

Appayvasquic alhta poc ángel trompeta appayvascama, apcanit alhta apvocmoc. Acvitac alhta inquilhe acvinatem acmeta. Inyinyovalhquic alhta as inquilhe acvinatem nayingmin. Intomjaclhec alhta ema nicja yingmin, malha tercera parte.