ÉXODO 6:7 - Enhlit Bible

⁷ Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

ÉXODO 6:7 Iomraidhean Croise

GÉNESIS 26:3

Ilinlhanmojo sat mocjam aptiyascam as yoclhilhma. Coo sat mataa opasmoc najan ongvimlimojo. Lhip sat elhcac aclhamoclhojo yoclhilhma najan aptovana niptamin. Osavojoc sat siclhanma alhta actomja nasoc anco napatoc lhip apyap Abraham.

GÉNESIS 28:13

Apnec nic nat netin Dios Apyimtalhnamo. Aptomjac nic nat appamejitsa: —Coo nac sicvisay Dios Abraham apvisqui pac najan Isaac apvisqui pac. Omquecsic sat lhip najan aptovana as yoclhilhma aptiyanvoclha.

1 REYES 20:28

Apmiyantac nic nat profeta apnaclha apvisqui co Israel, aptomja apcanya: Eycaso appayvam ayinyema Dios: —Aclhenalhquic coo nipyesicsa sirios sicma netin inquilhe, mepqui sicmaclha amyip acvanyam. Eyasamcojoc sat lhip sicvisay Visqui Sicyimtalhnamo, apvita inlhojo apquilmomap appintalhnama co Siria quellhip apquilmam — nic alhta Dios Visqui ingac — nic nat aptomjac profeta.

1 REYES 8:60

Elyicpilcangvomoc sat aplhamoclhojo enlhitaoc lhalhma anco aptemaclha lhip aptomja Dios Visqui ingac, mepqui poc Visqui ingac.

NEHEMÍAS 1:10

Lhip apquilancam nincoo najan lhip enlhitaoc apancaoc. Lhip aptomja singilvomquiscama tap ayinyema acyivey lhip apmopvan najan ayinyema apmic acyimnatem.

SALMOS 100:3

Elyasingvom sat quellhip, apvamlha pac lhama aptomja Visqui ingac Dios. Aptomja singilantipquiscama nincoo, ningiltomja enlhit apancaoc. Ningiltomja enlhit apancaoc, malha apnatoscama apquileyvam actamilaclha paat.

SALMOS 81:6

—Aljalhyovasquic coo asoc apquilpatmeycam quellhip. Acmascosquic coo apquillingaycamco quellhip apquiltamjaycam acyimtalhnama.

ÉXODO 13:14

Moc acnim sat etnejic ingyanic apquitca: —¿Tata, so acvisay qui? — sat etnejic ingyanic. Ingyatingmojo sat lhip: —Dios Apyimtalhnamo apmopvan apanco singnalovsingveclho yoclhilhma Egipto, ningiltimesaycamcaclha alhta malha ningilmomalhca.

ÉXODO 13:3

Aptomjac nic nat Moisés apquilanya apnaymacoc: —Colyit apatic (noncolvonquim nasa) as acnim apquilantiyapma quellhip as yoclhilhma Egipto. Apquiltimesaycam alhta quellhip malha apquilmomap. Apmopvan apanco Dios Apyimtalhnamo apquilyinyovquiscama quellhip Egipto. Noeltovaoc nasa quilpasmongam ayincajay apquimpascaoc.

ÉXODO 14:18

Elyasingvomoc sat co Egipto sictemaclha sicyimtalhnamo napato apvisqui faraón najan napatavo apquilquinamtem carros najan nolhing apcapaoc — nic nat aptomjac Dios.

ÉXODO 14:4

Otnesquisic sat cotamilaycam apvalhoc faraón yoyam eminlhinam enlhitaoc Israel. Olhicmosalhcoc sat ajanco actemaclha sicyimtalhnamo napato apvisqui faraón najan napatavo apquillhalhmaa. Elyasingvomoc sat co Egipto sictomja Dios Visqui sicyimtalhnamo — nic nat aptomjac. Apquilyajaclhoc nic nat enlhitaoc Israel.

ÉXODO 15:16

Dios Apyimtalhnamo. Ingyane sat colpilapmoc apquilvalhoc apyovoclhojo. Ingyane sat elacac enlhitaoc. Colhic sat alyitquisa malha mataymong. Ayinyema lhip apmopvan, malha apmic acyimnatem. Yoyam elmilanic lhip apnaymacoc. Apquilvisay enlhitaoc lhip apquilyacyescama.

ÉXODO 15:2

Omnaycmacsic siyayo Dios Apyimtalhnamo, aptomja seyimnatescama najan sevomquiscama tap. Otnejic mataa siyayo apvisay Dios Apyimtalhnamo. Otnejic siyayo apvisay apyimtalhnamo, apvisqui apancaoc sicyeyjamcaa.

ÉXODO 16:12

—Aclingac alhta apquilpameteycam enlhitaoc Israel selinmelhaycam coo. Itne sat elanic lhip: Actalhnam sat eltovamcoc apitic quellhip. Secaseclha sat eltovamcoc nintom yoyam elyipcanmoc quellhip. Elyasingvomoc sat quellhip sictomja Dios Apvisqui apancaoc — nic nat aptomjac.

ÉXODO 16:6

Aptomjac nic nat Moisés najan Aarón apquilanya enlhitaoc: —Elyasingvomoc sat actalhnam aplhamoclhojo quellhip aptomja alhta singilyinyovquiscama yoclhilhma Egipto Dios Apyimtalhnamo.

ÉXODO 2:11

Apvanamyic nic nat Moisés. Nalhit acnim nic nat intomjac. Aptiyaningveclhoc nic nat apnaymacoc. Apquilanoc nic nat actemaclha acyimtalhnama apquiltamjaycam. Apvitac nic nat nipyesicsa apnaymacoc enlhit hebreo yoyam ematong. Co Egipto ilhnic nat apticpaycam.

ÉXODO 6:6

Iltimnas sat lhip enlhitaoc Israel: Coo sicvisay Dios. Olyinyovsic sat quellhip actemaclha acyimtalhnama apquiltamjaycam ayinyema co Egipto. Olvomsic sat tap quellhip naysicsa apquiltimesaycam. Olvoclhac sat quellhip ayinyema sicyimtalhnamo naysicsa sicyanmongsayclha apquiltemaclha apancaoc.

ÉXODO 7:17

Eycaso Dios appayvam: Eyicpilcangvomoc sat lhip sictomja Dios. Omoc sat yamit ayitcoc ajac. Oticpong sat yingmin vatsam. Ema sat cotniclhac yingmin.

ISAÍAS 41:20

Elvitac sat aplhamoclhojo, elyicpilcangvomoc sat. Colhenic sat apquilvalhoc sicvisay Dios Apvisqui apancaoc apyimtalhnamo silantipquiscama aclhamoclhojo as asoc — alhta aptomjac Dios.

ISAÍAS 49:23

Apquilviscaa metnaja israelitas eltamilsic sat apquitquic quellhip, malha apquiltimesaycam sat eltimjic. Eljalhic sat, acticlhicvocmo payjaclha napataa nalhpop napatavo quellhip. Elyamilam sat lhopactic apmancoc quellhip. Elyicpilcangvomoc sat quellhip, sicvisay Visqui apancaoc quellhip. Melyinimsacpejec sat mataa aquiltomja mejelyasquiyam — alhta aptomjac.

ISAÍAS 49:26

Elnatovasacpoc sat apanco cotnaja ingmoc, eticyoc sat apancavo maa, malha anmin alnapma. Elyasamcojoc sat apyovoclhojo enlhitaoc as nalhpop, sicvisay Visqui sicyimtalhnamo, silvomquiscama tap quellhip, sicyinyovquiscama actemaclha apquilmomap quellhip — alhta aptomjac — nic nat aptomjac profeta.

ISAÍAS 51:15

Coo sicvisay Dios Visqui sicyimtalhnamo, mepqui poc. Coo sictomja sicpatipquiscama yingmin acvanyam, colvitalhcac sat alyayajayam.

ISAÍAS 60:16

Ellhovamcoc sat quellhip nintom actamila najan apquilnatam acmamnave, ayinyema enlhitaoc najan apquilviscaa metnaja israelitas. Elyicpilcangvomoc sat quellhip, sictomja silvomquiscama tap quellhip, najan sicmasma quellhip sicvisay sicmovan najan sicyimtalhnamo nipyesicsa Jacob aptovana niptamin.

ISAÍAS 63:8

Aptomjac alhta mocjam Dios Apyimtalhnamo: Enlhit ajancaoc, eyitquic mepqui selyinimquiscama — alhta aptomjac. Aptomjac alhta apquilvomquiscama tap.

JEREMÍAS 30:22

Aptomjac mocjam Visqui ingac: Otnejic sat enlhit ajancaoc, sictimem Dios Visqui apancaoc. Eycaso sicpayvam sicvisay Visqui apancaoc — alhta aptomjac.

JEREMÍAS 31:33

Cotnejic sat pacto ningmiyovmalhca alhnancoc nipyesicsa enlhitaoc: Opquinic sat apquilvalhoc siyanamaclha coo, comoc sat apquilvalhoc, malha mactalhescama apquilvalhoc sat cotnejic. Otnejic sat Dios Visqui apancaoc, otnejic sat enlhit ajancaoc. Naso coo sicpayvam sicvisay Dios.

EZEQUIEL 20:19

Actomjac alhta silanya: ¡Coo sicvisay Dios Visqui apancaoc quellhip! Elsavojo apquilyiplovquiscama siyanamaclha najan siyascamaclha.

OSEAS 1:10

Ellhamiclhac nanoc sat apquilmolhama Israel, mongmovan ongilyipsitic. Comascoc sat apquilpayvam: Metnaja enaymacoc quellhip — sat cotnejic. Etnejic sat Dios Apyimtalhnamo: Quellhip nac eyitquic, sicvisay Dios momasquingvoyam — sat etnejic.

LEVÍTICO 11:44

Coo sicvisay Dios Visqui apancaoc quellhip. Elalhnasiclhojo apanco quellhip eltimjic sat mepqui apquiltanovmap najato. Eltimjic sat quellhip santo mayayo, sicno coo lha santo mayayo. Noeltanovmap nasa quellhip napato Dios, ayinyema aptoycaoc asoc alpilhyevaycam nalhpop.

LEVÍTICO 11:45

Coo sicvisay Visqui apancaoc quellhip, sicyinyovquiscama nat yoclhilhma Egipto, otnejic sat nipyesicsa quellhip Dios Visqui apancaoc. Eltime sat quellhip santo mayayo, sicno coo lha santo mayayo — nic nat aptomjac.

NÚMEROS 15:41

Coo sicvisay Dios Visqui apancaoc quellhip, sicyinyovquiscama alhta yoclhilhma Egipto, yoyam otnejic Visqui apancaoc quellhip. Coo nac Dios Visqui apancaoc — nic nat aptomjac Dios.

SAN MATEO 22:32

“Coo nac Abraham Dios apanco najan Isaac Dios apanco najan Jacobo Dios apanco” —nic nat aptomjac. Dios Ingyapam aptomja Apvisqui apancaoc enlhit apjalhnancaoc. Am etnajac Apvisqui apancaoc apquilitsepma —alhta aptomjac Jesús.

ROMANOS 8:31

¿Jalhco sat ongiltimjic nincoo? Aptomjac sat ancoc Dios singmasma nincoo, copvanquejec lhama enlhit jingilinmelham nincoo.

DEUTERONOMIO 14:2

Apquilyacyesquic alhta Dios eltimjic quellhip apquilponquinomap nipyesicsa enlhitaoc lhalhma anco, eltimjic apquitquic apancaoc Dios.

DEUTERONOMIO 26:18

Aplhenquic lhac acnim nac jay Dios apquiltomja quellhip malyacyescama, ayinyema aplhanma alhta siclho. Apquilanyacpec quellhip elsavojo apquilyiplovquiscama singanamaclha.

DEUTERONOMIO 29:12

Ongillhenic sat mepqui ningyeycajascaoc ongyiplocasojoc sat mataa singanama pacto ningmiyovmalhca, ayinyema appayvam Dios Apyimtalhnamo quilhvo nac jay.

DEUTERONOMIO 29:13

Quellhip apquillhanma nasoc anco Dios aptomja Visqui apancaoc quellhip, apquiltomja Dios apquilyacyescama, najan apquilmasma quellhip Dios, acno ilhnic nat aplhanma Dios mepqui apyeycajascaoc napato Abraham, najan Isaac, najan Jacob, apquilyeyjamcaa ilhnic nat quellhip.

DEUTERONOMIO 29:5

Coo alhta sicnalayclha quellhip yoclhilhma actamopeycaoc acvaycmo cuarenta años ningileyvam. Am alhta elyaptacpoc mataa apava apquilantalhnama quellhip, am alhta colyancalhcatac mataa tiyayipeoc apmancoc quellhip.

DEUTERONOMIO 4:20

Apyinyovcasquic nic nat yoclhilhma Egipto Dios, apquilantipquiscama apnaycam quellhip naysicsa talha acvanyam. Colhic sat allaná quellhip apyisponcama Dios: apquilvisay quellhip apquilmolhama Dios.

DEUTERONOMIO 7:6

Quellhip apquilvisay malyacyescama Dios Apyimtalhnamo. Apquilvisay quellhip enlhitaoc apquilponquinomap nipyesicsa enlhitaoc as nalhpop — nic nat aptomjac Moisés.

HEBREOS 11:16

Inquillhenquic nic nat mataa apquilvalhoc apquilaoclha actamila anco, am colhnoc nalhpop. Inlhenalhquic nic nat ningaoclha netin. Am nic nat emancac Dios apquiltomja as enlhitaoc apvisay Visqui apancaoc. Apquillanesquic nic nat Dios tingma apyiviy yoyam elhnam as enlhitaoc acma melyasquiyam.

1 SAN PEDRO 2:10

Intomjac nic nat apquillhenamap quellhip: Jave sicmolhama —nic nat aptomjac Dios. Quilhvo eyca apquiltomja quellhip Dios apmolhama. Najan moc aclhanma ilhnic nat: Mongvimlimoyc sat coo —nic nat aptomjac Dios. Quilhvo eyca aptomja apquimlaycmo quellhip.

EL APOCALIPSIS 21:3

Aclingac alhta appayvam acyimnatem ayinyema Visqui aptajanem. Intomjac alhta: —Quip ilanojo Dios apma nipyesicsa enlhitaoc. Elhic sat mataa nipyesicsa eltimjic sat enlhit apancaoc. Eltimjic sat enlhitaoc Dios Visqui apancaoc.

EL APOCALIPSIS 21:7

Apquilinlhanacmec sat ancoc enlhit, elhquiclhac sat aclhamoclhojo asoc. Coo sat otnejic sictamongvoyam as enlhit. Coo sat otnejic Dios apanco malha apyap.