ÉXODO 5:21 - Enhlit Bible

²¹ Apquiltomjac nic nat apquilanya: —Eyanmongsiclhac sat apquiltemaclha quellhip Dios Visqui ingac. Ingiltimescasquic quellhip ningilmasom napato apvisqui faraón najan napatavo yatapquilviscaa. Quellhip ayinyema singilsilhnanoncama yoyam jingilajic co Egipto — nic nat apquiltomjac.

ÉXODO 5:21 Iomraidhean Croise

GÉNESIS 16:5

Intomjac nic nat Sarai ayanya Abram: —Lhip inquinyemac seveneycam quilvana Agar. Coo alhta siyanem etnejic aptava. Inyasamcoc as quilvana yoyam cotimsic ayitca. Inyimtalhnesalhcoc anco mataa sevennéycam. Incaymalhquic eyicpilcojo Dios: ¿Coo ya inquinyemac? ¿Inlhojo eyca ayinyema lhip?— nic nat intomjac Sarai.

GÉNESIS 31:53

Eyicpilcojoc sat ingvalhoc Dios aptomja apvisqui pac lhip apyata Abraham najan aptomja apvisqui pac coo seta Nacor— nic nat aptomjac. Aplhenquic nic nat Jacob actemaclha yoyam colhejec acyascacmo. Aplhenquic nic nat apvisay Dios Apyimtalhnamo aptomja apvisqui pac apyap Isaac.

GÉNESIS 34:30

Aptomjac nic nat Jacob apcanya Simeón najan Leví: —Ayovsec evalhoc coo sicvita apquiltemaclha quellhip. Jeltanmovac sat coo enlhitaoc cananeos najan ferezeos apquiltomja apquilaoclha. Ingyaniclhac sat yoyam jingilnapoc nincoo. Paj nincoo ingmoc. Omatong sat coo, eticyoc sat najan sicmolhama— nic nat aptomjac Jacob.

2 SAMUEL 10:6

Apquilyasingvocmec nic nat amonitas aptemaclha David aclom apvalhoc. Apquiltingyac nic nat yoyam elpasingvota singilpilhtetemo co Siria, apquilinyema Bet-rehob najan tingma Soba, malha veinte mil enlhitaoc. Mocjam mil singilpilhtetemo apquilinyema apvisqui Maaca. Mocjam dos mil singilpilhtetemo apquilinyema Is-tob.

1 CRÓNICAS 19:6

Apquilyasamcoc nic nat amonitas actemaclha aclom apvalhoc apvisqui David. Apquilpamejitsacpec nic nat Hanún najan apnaymacoc amonitas. Apquilapajasquic nic nat soycam amyaa yoclhilhma Mesopotamia, najan Siria, najan Maaca najan Soba. Apquilpatmaoclhec nic nat treinta y tres toneladas (33.000 kg) plata acyanmongam, yoyam elpasingvotac singilpilhtetemo netin carros najan nolhing apcapaoc.

ÉXODO 14:11

Apquiltomjac nic nat apquilanya Moisés: —Lhip alhta singilyinyovquiscama yoclhilhma Egipto. Pac ongilmasquingvomoc sat yoclhilhma actamopeycaoc. ¿Soctomja singilyinyovquiscama nac yoclhilhma Egipto? ¿Am ya colyitnac maa malhcaa singilatoynma?

ÉXODO 15:24

Apquilinmelham nic nat enlhitaoc apnaclha Moisés: —¡Paj yingmin! ¿Co la'ontimjic? — nic nat apquiltomjac.

ÉXODO 16:2

Apquilpametam nic nat aplhamoclhojo enlhitaoc Israel. Moisés nic nat apquilinmelhac najan Aarón.

ÉXODO 4:31

Am nic nat elyascacmoc israelitas apquillinga appayvam. Nasoc anco apyascamco Dios Visqui apancaoc actemaclha apquillingaycamco siclho acyimtalhnama. Apquiljalhec nic nat alticlhicvocmo payjaclha napataa nalhpop, apquilayo Visqui apyimtalhnamo.

ÉXODO 5:20

Apquilvitac nic nat enlhitaoc apquilantiyapma apquilimja apmamyi apquiltajanyaa apvisqui tingma pac.

ÉXODO 6:9

Eycaso ilhnic nat actemaclha appayvam Moisés. Am nic nat eljalhnoc enlhitaoc Israel ayinyema acyimtalhnama apquiltamjaycam. Inmasquec nic nat alyimnaa apquilvalhoc.

ECLESIASTÉS 10:1

Casomcojoc sat asoc acmasis, ayinyema yapa apquitsepma congne alhancoc. Comascoc sat actemaclha singayo, acyitna inlhojo acyeyjamelhma ingvalhoc.

ISAÍAS 30:6

Profeta appayvam allhenamalhca asoc navjac yoclhilhma Néguev: Apquilpatmaoclha enlhit apnatoscama cotlaycaoc asoc alyascama nipiyam. Payjoc aleyvomaclha asoc navjac aclom yamacmeyva, najan acyeyva aclom, najan sinavocpo nimisma acyivey aleyvam netin. Netin acpoc yamelyeyjaycoc najan camello voncayispoc apquilpatmaoclha apquilviscaa apquilmescama nasa enlhitaoc cotnaja nintemolhama.

JOEL 2:20

Omascoscomoc sat sová apquilinyema nilhqueyja. Olapajacsic sat elmasquingvomoc (elitsapoc) yoclhilhma actamopeycaoc. Elvayvamcoc sat napocja yingmin acvanyam acvisay Mar Muerto. Elvayvamcoc sat napocja apquilimjaycaoc yingmin acvisay Mediterráneo. ¡Eltajapoc sat maa, som sat cotnejic! Cotlapsic sat elvita sicmovan sictamjaycam — alhta aptomjac Dios Apyimtalhnamo.

NÚMEROS 14:22

Apquilvitac alhta as enlhitaoc gloria actemaclha sicyimtalhnamo. Apquilvitac alhta asoc monquinatquiscama silanay alhta yoclhilhma Egipto najan yoclhilhma actamopeycaoc. Am alhta elilyajaclhoc sicpayvam, malha diez intomjac seltovascama as enlhitaoc.

NÚMEROS 14:3

Pa jingnaliclha Dios yoclhilhma yoyam onticyo. Colmalhcac sat ingnatamcaa najan inquitquic. Incaymalhquic nincoo ongiltajojo yoclhilhma Egipto — nic nat apquiltomjac.

1 SAMUEL 13:4

Apquillingac nic nat israelitas aptomjaclha Saúl tingma Gabaa. Apquillovquic nic nat filisteos, apquillinga. Apcaneclhec nic nat tingma Gilgal apyovoclhojo apnaymacoc Saúl.

1 SAMUEL 27:12

Am nic nat eyascacmoc mataa Aquis aptomjaclha David. Inlhenquic nic nat mataa apvalhoc: Aptanovacpec mataa David nipyesicsa co Israel. Comasquejec sat mataa setnesaycam David — nic nat intomjac apvalhoc Aquis.