ÉXODO 4:31 - Enhlit Bible

³¹ Am nic nat elyascacmoc israelitas apquillinga appayvam. Nasoc anco apyascamco Dios Visqui apancaoc actemaclha apquillingaycamco siclho acyimtalhnama. Apquiljalhec nic nat alticlhicvocmo payjaclha napataa nalhpop, apquilayo Visqui apyimtalhnamo.

ÉXODO 4:31 Iomraidhean Croise

GÉNESIS 17:3

Yejemoc nic nat apquilpolintamo nalhpop Abram. Apticlhiquic nic nat acpayjaclha napaat nalhpop. Aptomjac nic nat Dios apcanya Abram:

GÉNESIS 24:26

Inquilticlhiquic nic nat aptapnaoc apquilancam appamejitsa Dios Apyimtalhnamo.

GÉNESIS 29:32

Inlovsoc nic nat intomjac Lea. Aptiyacmec nic nat ayitca. Inquiltimec nic nat apvisay Rubén, Sictamongvoyam. Intomjac nic nat avalhoc Lea: —Apvitac Dios actemaclha acyitnocjayo evalhoc. Jeyasicjiclhojoc sat mocjam etava— nic nat intomjac avalhoc.

GÉNESIS 50:24

Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.

1 CRÓNICAS 29:20

Aptomjac nic nat mocjam apvisqui David apquilanya enlhitaoc: Eltime sat apquilayo Dios Visqui ingac — nic nat aptomjac. Yiplovcoc nic nat apquilayo Visqui apancaoc apquilyeyjamcaa. Apquiljalhec nic nat, apquilticlha aptapnaoc napato Dios najan napato apvisqui rey.

2 CRÓNICAS 20:18

Apticlhiquic nic nat aptapnaoc Josafat, apjalhec nic nat apticlhicvocmo nalhpop payjaclha napaat. Apquilnasoc nic nat apyovoclhojo co Juda najan co Jerusalén, apquilayo Dios Visqui ingac.

2 CRÓNICAS 32:8

Apcanayquic mataa apvisqui cotnaja ingmoc, conyemac sat apquilmopvan enlhit singilpilhtetemo. Nincoo eyca ningmovan ayinyema Dios Visqui ingac aptomja singilpasmom naysicsa ningilnapomalhca— nic nat aptomjac apvisqui. Inquilmec nic nat apquilvalhoc enlhitaoc apquillinga Ezequías appayvam.

2 CRÓNICAS 7:3

Apquilticlhiquic nic nat aptapnaoc apyovoclhojo, apnalhpolintamo yoyam eltimjic apquilayo najan gracias Dios Visqui ingac apquilpamejitsa: ¡Aptasi nac Dios Visqui ingac, aptomja singasicjayo cotmongvoycamlha nelha! — nic nat apquiltomjac. Ayinyema ilhnic nat apquilvitay talha acpalentama tacjaplhit tingma najan gloria apcapongmatem apanco Dios.

NEHEMÍAS 8:6

Aptimec alhta apcayo Esdras aplhanma apvisay Dios Apyimtalhnamo. Apquilatingmavoc alhta aplhamoclhojo: —Amén. Amén — alhta apquiltomjac. Apquilyaseclhec alhta netin apmeoc enlhitaoc. Apquiljalhec alhta, apnalhpolintac alhta nalhpop apquilpayaso Dios.

JOB 1:20

Intiyacmec nic nat apvalhoc Job, avanjec acmayovsa apvalhoc. Apyaptec nic nat apava aptalhnama. Apyesesquic nic nat apva apcatic. Apjalhec nic nat apticlhicvocmo nalhpop payjaclha napaat, etnejic apcayo Dios.

ÉXODO 12:27

Elatingmojo sat quellhip: Acvisay asoc ningmescama Dios Apyimtalhnamo actemaclha pascua ningilvoyam alhta tap. Apyeycajangvoclhec alhta tingma ingancaoc yoclhilhma Egipto naysicsa apyanmongsayclha Dios apquiltemaclha co Egipto. Ingilmiyovquic alhta aplhamoclhojo ningilmolhama — sat eltime elanic — nic nat aptomjac Moisés. Apquiljalhec nic nat enlhitaoc, apquilpayasoc nic nat Dios Apyimtalhnamo.

ÉXODO 14:31

Apquilvitac nic nat actemaclha apmopvan Dios Apyimtalhnamo naysicsa apquilinmelhma co Egipto. Apquilacoc nic nat Dios Apyimtalhnamo enlhitaoc Israel. Am nic nat elyascacmoc apmopvan Dios Apyimtalhnamo najan Moisés aptomja apquilancam.

ÉXODO 19:8

Apquiltomjac nic nat apquilatingmavo apquilpasmeyquiclha enlhit Israel: —Ongilyejiclhojoc sat aclhamoclhojo actemaclha appayvam Dios Apyimtalhnamo — nic nat apquiltomjac. Apquiltimnasquiclhec nic nat Moisés apnaclha Dios actomjaclha apquilpayvam enlhitaoc Israel.

ÉXODO 19:9

Aptomjac nic nat Dios Apyimtalhnamo apcanya Moisés: —Quip ingyeylhojo. Opamejitsic sat mataa lhip naysicsa yipjopay acpasyam. Elaylhojoc sat enlhitaoc actemaclha sicpamejitquiscama lhip. Melyascamejec sat mataa enlhitaoc siyapajascama lhip cotmongvoycamlha nelha — nic nat aptomjac Dios.

ÉXODO 2:25

Apvitac nic nat Dios enlhitaoc Israel. Inlhenquic nic nat apvalhoc yoyam epasmoc.

ÉXODO 3:16

Noc, ingyansiclha sat apquilviscaa enlhitaoc Israel. Itne sat elanic: Acvitac alhta coo Dios Apyimtalhnamo. Aptomja Apvisqui apancaoc quellhip apquilyeyjamcaa. Aptomja Abraham Apvisqui pac najan Isaac Apvisqui pac najan Jacob Apvisqui pac — sat itne ingyanic. Naso, acvitac alhta quellhip actemaclha apquileyvam najan actemaclha apquillingaycamco yoclhilhma Egipto — sat itne.

ÉXODO 3:18

Elilyejiclhojoc sat enlhitaoc Israel lhip appayvam. Itne sat apquillhalhmaa apquilviscaa enlhitaoc Israel. Iyas sat apnaclha apvisqui co Egipto. Eltime sat elanic maa: Ningvitac nincoo Dios Apyimtalhnamo aptomja Visqui ingac ningilvisay hebreos. Ingyane sat ongilyacsic amay yoclhilhma actamopeycaoc acvocmo tres acnim. Ningiltamjoc ongilmecsic asoc actemaclha ningilpayescamo Dios Apyimtalhnamo aptomja Visqui ingac — sat eltime elanic.

ÉXODO 3:7

Aptomjac nic nat Dios Apyimtalhnamo apcanya: —Acvitac lhac enlhit ajancaoc hebreos yoclhilhma Egipto. Acvitac lhac actemaclha apquillingaycamco. Aclingac lhac apquilpalhamaycam ayinyema apquilyicpilhquetaycaoc co Egipto. Acyasamcoc coo actemaclha apquillingaycamco acmasca.

ÉXODO 33:10

Pilapcasquic nic nat enlhitaoc apquilvita yipjopay ayimja payjoc apatong carpa apponquinomap. Apquilticlhiquic nic nat aptapnaoc tingma apancaoc, actemaclha apquilayo Dios.

ÉXODO 34:8

Apjalhec nic nat Moisés, apticlhicvocmo napaat nalhpop. Aptimec nic nat apcayo Dios.

ÉXODO 4:5

Melyascamejec sat enlhitaoc Israel apvitay lhip Dios Apyimtalhnamo aptomja apquilyeyjamcaa Apvisqui apancaoc najan Abraham Apvisqui pac najan Isaac Apvisqui pac najan Jacob Apvisqui pac — nic nat aptomjac.

SOFONÍAS 2:7

Elhnam sat as yoclhilhma apquilaymomap co Judá, apvaa inlhojo Dios yoyam epasingvota naysicsa apquileyvam. Eltamilsic sat mataa apnatoscama, elhnam sat tingma Ascalón, ellovsic sat apquilyampay alhtaa — alhta aptomjac.

SAN LUCAS 1:68

Aptasi nac Visqui ingac, Israel Dios apancaoc. Apvaac ningyesicsa ningiltomja enlhit apancaoc. Ingiljalhyovascasquic ningilpilhtetomalhca.

SAN LUCAS 8:13

Poc enlhit acyitsomalhco mayinayclha actic tacjalhit mataymong. Apquillingac ancoc amyaa apquilsovascamo almam apquilvalhoc. Mepqui quipmenaoc apquilvalhoc enlhit. Apquilinlhanacmec siclho actemaclha melyasquiyam. Apquillingamcoc sat ancoc mactovascama, eyca pa elvatsamcoc.

RUT 1:6

Inlingalhquic nic nat amyaa acyitna nintom ayaoclha Noemí. Ayinyema ilhnic nat apcamliyam Dios Apyimtalhnamo. Inmasquec nic nat mayic ataoc yoclhilhma Judá.