ÉXODO 4:15 - Enhlit Bible

¹⁵ Ipamejitquis sat lhip apipma. Illhicmos sat lhip appayvam yoyam elyatam. Coo sat olhicmocsic sicpayvam yoyam elyatam lhip najan yoyam elyatam apipma. Coo sat olyascasingvomoc yoyam eltimjic quellhip.

ÉXODO 4:15 Iomraidhean Croise

2 SAMUEL 14:3

Coyoclhojo sat apnaclha apvisqui, coltimnas sat acpayvam sevjaneycaoc lhiya quilhvo nac jay — nic nat aptomjac Joab. Apquiltimnasquic nic nat Joab appayvam, yoyam covjanamcoc quilvana.

SALMOS 25:12

Jalhco aptema enlhit apcayo mataa Visqui ingac: Colhic sat allhicmosa yoyam eyiplovcasojo amay actemaclha actamila aptomja apquilyacyescama.

SALMOS 51:15

Visqui ajac, itipquis sicpayvam. Olngacsic sat apvisay naysicsa siyayo lhip.

ÉXODO 3:12

Aptomjac nic nat Dios Apyimtalhnamo apcanya: —Coo sat otnejic siclhalhma. Etac sat lhip asoc monquinatquiscama actomja siyapajascama lhip. Enalovsingvoclhac sat lhip enlhitaoc Israel yoclhilhma Egipto. Enalantac sat as inquilhe yoyam jelpayicsojo coo — nic nat aptomjac Dios Apyimtalhnamo.

ÉXODO 4:12

Aptomjac nic nat mocjam: —Iyas maa. Opasmoc sat lhip najan oyascasingvomoc sat lhip appayvam — nic nat aptomjac.

ÉXODO 4:28

Apquiltimnasquic nic nat Moisés apnaclha Aarón aclhamoclhojo appayvam aplhanma Visqui ingac, yavamlha etnejic. Najan actemaclha asoc monquinatquiscama apcanyomap etnejic Moisés.

ÉXODO 4:30

Apquiltimnasquic nic nat Aarón aclhamoclhojo appayvam ayinyema siclho Moisés. Pilapcasquic nic nat apquilvita asoc monquinatquiscama, apcanyomap Moisés etnejic napatavo.

ISAÍAS 51:16

Coo silanay nat netin acyovoclhojo, najan as nalhpop acyovoclhojo. Actomjac coo silanya co Jerusalén: ¡Quellhip nac silyacyescama coo, enlhit ajancaoc! Quellhip sat eltimjic apquillingascama sicvisay, coo eyca olmeyvoc mataa quellhip — alhta aptomjac Visqui — nic nat aptomjac profeta.

ISAÍAS 59:21

Mocjam appayvam Dios Apyimtalhnamo: Ollanac sat actemaclha ningmiyovmalhca ningyesicsa nincoo. Sicmovan ajanco najan sicpayvam coo colhic sat apquilvalhoc quellhip najan apquilvalhoc aptovana quellhip, cotmongvoycamlha nelha — alhta aptomjac Dios Apyimtalhnamo — nic nat aptomjac profeta.

JEREMÍAS 1:9

Appeyvasquic alhta apmic Dios Apyimtalhnamo apmongvavo ejatong. Aptomjac alhta seyanya coo:

JEREMÍAS 36:32

Apmec nic nat moc vaycajac Jeremías, yoyam etalhocsic Baruc secretario, acyovoclhojo appayvam Jeremías. Acno ilhnic nat actalhesamalhca vaycajac apquilvatnama talha apvisqui Joacim. Apyipitcasquic nic nat mocjam appayvam Jeremías, mactalhescama as vaycajac.

NÚMEROS 16:28

Aptomjac nic nat mocjam Moisés: —Melquinatsejec sat quellhip quilhvo nac jay, actomja nasoc anco selyacyescama Dios ollanac as asoc, jave sictomjaclha ajanco.

NÚMEROS 22:38

Apcatingmavoc nic nat Balaam: —Acvoctac lhac coo. Altamjo inyicje otac. Mepqui sicpayvam ajanco. Evanqui inyicje ovjanamcoc appayvam ayinyema Dios — nic nat aptomjac Balaam.

NÚMEROS 23:12

Apcatingmavoc nic nat Balaam: —Movanquejec coo moc actemaclha. Acvamlha Dios appayvam siyanyomalhca oltimnacsic — nic nat aptomjac Balaam.

NÚMEROS 23:16

Aptomjac nic nat appayvam Dios, yavamlha elhenic Balaam. Aptomjac nic nat apcanya: —Itajojo sat lhip apnaclha Balac. Iltimnas sat siclhanma lhac — nic nat aptomjac.

NÚMEROS 23:5

Aptomjac nic nat appayvam Dios, yavamlha elhenic Balaam: —Itajojo sat lhip apnaclha Balac. Iltimnas sat sicpayvam siclhanma lhac — nic nat aptomjac Dios.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

SAN LUCAS 21:15

Olmesic sat apquilpayvam najan apquilyascamcolhma quellhip. Colapvanquejec sat cotnaja ingmoc elatingmojo najan elyacsilhma apquilpayvam.

1 CORINTIOS 11:23

Elhicmosquic alhta coo Visqui ingac, acno actemaclha sillhicmoscama quellhip: Alhtaa alhta intomjac yicpintama apmomap Visqui ingac Jesús. Apmec alhta quilpasmongam Jesús.

1 CORINTIOS 15:1

Quellhip elyalhinga. Altamjoc elyasingvoclhojo quellhip tasic amyaa sillhicmoscama alhta quellhip. Inquilmec alhta apquilvalhoc. Apquilinlhanacmec quellhip apquilyiplovquiscama tasic amyaa.

DEUTERONOMIO 18:18

Ongvanic sat profeta apno lhip nipyesicsa apnaymacoc, etnejic sat aplingascama siyanamaclha najan aplingascama sicpayvam.

DEUTERONOMIO 5:31

Ilha sat lhip sicnaclha coo. Osavojoc sat siltimnascama lhip sicpayvam siyanamaclha najan siyascamaclha. Iyascasingvom sat lhip apnaymacoc, yoyam elyiplovcasojo mataa yoclhilhma apquilvoycamlha — alhta aptomjac seyanya.

1 SAMUEL 16:3

Ingyane sat etasomoc vayqui ayitcoc enlhit Isaí. Olhicmocsic sat lhip yoyam etnejic. Olhicmocsic sat lhip apyimnanic. Ingyatsisquis sat maa yoyam otnesquisic apvisqui — nic nat aptomjac Dios.