ÉXODO 4:14 - Enhlit Bible

¹⁴ Aplovquic nic nat Dios Apyimtalhnamo. Aptomjac nic nat apcanya: —¿Naso ya lhip apipma Aarón, Leví apmolhama? Acyasamcoc coo actemaclha apmopvan apquilyataycam apipma. Quip ilanojo, apquilhyacme apipma yoyam emoc tacja. Copayjiclhac sat apvalhoc apipma apvita sat lhip.

ÉXODO 4:14 Iomraidhean Croise

2 SAMUEL 6:7

Aplovquic nic nat Dios apvita aptomjaclha Uza. Apcajac nic nat Dios ayinyema apsilhnanomap apanco Uza. Apyaninquic nic nat apquitsepa nicja yamit aysicsic.

1 REYES 11:9

Aplovquic nic nat Dios Visqui apancaoc Israel, apvita apquilvatescama Salomón. Anit nic nat intomjac appayvam ayinyema Dios.

1 CRÓNICAS 21:7

Am nic nat colcac apvalhoc Dios Visqui ingac aptomjaclha David. Apcapajasquic nic nat Dios ellingamcojo acyimtalhnama enlhitaoc Israel.

SALMOS 105:26

Apcapajasquic nic nat Dios lhama apquilancam apvisay Moisés. Aplhalhma ilhnic nat Aarón, Dios apcasinancama.

ÉXODO 4:13

Apcatingmavoc nic nat Moisés: —Nacalhaja. Visqui 'jac. Jave coo, ingyapajas sat poc, apquiltamjoclha ingyapajacsic — nic nat aptomjac.

ÉXODO 4:17

Isov sat mataa as yamit ayitcoc. Sat conyemac apquillanay lhip asoc monquinatquiscama — nic nat aptomjac Dios Apyimtalhnamo.

ÉXODO 4:27

Aptomjac nic nat mocjam Visqui ingac apcanya Aarón: Ipeyvojo sat lhip yoclhilhma actamopeycaoc, etac sat maa Moisés— nic nat aptomjac. Apmiyaclhec nic nat Aarón, apvita ilhnic nat Moisés payjoc inquilhe apanco Dios. Appayvasquic nic nat maa, appitsisa apmalhimpenic.

NÚMEROS 12:2

Mocjam amyaa: Jave apvamlha Moisés aptomja aplingascama appayvam ayinyema Dios, yitnec singilpamejitquiscama nincoo lha Dios — nic nat aptomjac. Aplingac nic nat Dios.

LOS HECHOS 15:28

Inlhenquic nincoo ingvalhoc najan maa Espíritu Santo, mongilpatimseje quellhip apquilpatam. Acvamlha anco as asoc ayaymalhco:

2 CORINTIOS 2:13

Eyca intamjam alhta evalhoc, ayinyemaclha am alhta otac ingyalhing Tito. Yejemoc alhta sicyeycajangvoclho. Acmiyaclhec alhta yoclhilhma Macedonia.

FILIPENSES 2:21

Apquiltemaclha mataa poc ingilyalhinga collhenic apquilvalhoc asoc apancaoc. Am eyca collhenac mataa apquilvalhoc ningilanyomalhca ontimjic ayinyema Jesucristo.

JOSUÉ 24:5

Ayapajasquic nic nat Moisés najan Aarón. Alnapquic nic nat co Egipto. Acyinyovcasquic nic nat quellhip yoclhilhma Egipto.

1 SAMUEL 12:8

Apmiyaclhec nic nat ningilyeyjamcaa Jacob yoclhilhma Egipto. Apquillhalhma ilhnic nat apyovoclhojo apquilmolhama. Apquillingamcoc nic nat acyimtalhnama ayinyema egipcios. Apquilinmelham nic nat apquilyeyjamcaa napato Dios. Apcapajasquic nic nat Dios, etnejic apyimtalhnamo Moisés najan Aarón. Apquilyinyovcasquic nic nat yoclhilhma Egipto apquilyeyjamcaa, apquilvoy as yoclhilhma nac jay.

1 SAMUEL 2:27

Apvaac nic nat profeta Dios aplingascama apnaclha Elí. Aptomjac nic nat apcanya: Eycaso appayvam ayinyema Dios: Yoclhilhma Egipto alhta apnam lhip apquilyeyjamcaa, apquiltimesaycam apvisqui faraón. Acpasmec alhta enlhitaoc Israel.