ÉXODO 39:32 - Enhlit Bible

³² Apquilpenasquic nic nat apquillanay santuario carpa apponquinomap, acno ilhnic nat apcanama siclho Visqui ingac napato Moisés.

ÉXODO 39:32 Iomraidhean Croise

1 REYES 6:38

Vocmec nic nat once años aptimem apvisqui Salomón, apvocmo piltin octavo, moc apvisay piltin Bul. Apquilpenasquis nic nat apquillanay tingma apponquinomap, najan acyovoclhojo asoc allanomalhca, acno ilhnic nat aclhanma apvalhoc Salomón. Apquilpenasquic nic nat apquillanay tingma apponquinomap acvaycmo siete años.

1 REYES 7:40

Apquillanac nic nat Hiram apquilmaycam ollas vaynca, najan palas, najan tazones ingjaycoc. Appenasquic nic nat acyovoclhojo asoc tingma apponquinomap, ayinyema ilhnic nat apcanama Salomón.

1 CRÓNICAS 28:19

Eycaso aptalhescama najan apquilcajascama ilhnic nat David, ayinyema Dios Visqui ingac apquiltimnascama. Inlhenalhquic nic nat acyovoclhojo apquiltamjaycam, yavamlha ellanac sat tingma apponquinomap.

ÉXODO 12:28

Apquilyajaclhoc nic nat enlhitaoc Israel. Apquilyiplovcasquic nic nat actemaclha apcanama Moisés najan Aarón ayinyema Dios Apyimtalhnamo.

ÉXODO 25:40

Iyitquis sat mataa maclhicmoscama lhip payjoc inquilhe acvinatem— nic nat aptomjac Dios.

ÉXODO 31:7

carpa aplhancoc apponquinomap, najan yamit aysicsic acyitnamaclha Dios appayvam najan maa ayapma atong, najan acyovoclhojo apquilmaycam,

ÉXODO 39:31

Apquilmec nic nat aplhataoc morado coyipitsalhcac placa netin turbante, acno apcanama siclho Visqui ingac napato Moisés.

ÉXODO 39:33

Aplhocac nic nat Moisés apyovoclhojo carpa apponquinomap najan apquilmaycam acnaycaoc congne: ganchos, tablas, travesaños, postes najan bases,

ÉXODO 40:1

Aptomjac nic nat Dios apcanya Moisés:

ÉXODO 40:3

Ipquin sat lhip congne carpa apponquinomap lhama acvisay yamit aysicsic acyitnamaclha Dios appayvam. Illana sat apava apjalhtamomap, coyilhalhcac sat yamit aysicsic.

ÉXODO 40:32

Apliquic nic nat mataa yingmin actema nac lha, yicpintama apquilantalhnayclha carpa apponquinomap. Najan yicpintama apquilyoyam acvatnamalhquilha. Apyiplovcasquic nic nat apcanamaclha siclho Dios.

NÚMEROS 3:31

Apquiltomja ilhnic apquiltamilquiscama yamit aysicsic acyitnamaclha Dios appayvam, najan mesa, najan ayapongmateyquiclha, najan altares apquilvatnamaclha, najan acyovoclhojo apquilmaycam alponquinomalhca, najan apava acjalhtamomalhca maa.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

DEUTERONOMIO 12:32

Elyiplovcasojo acyovoclhojo singanamaclha Dios siltimnascama quellhip acnim nac jay. Noelayim nasa moc, noelyeycajas nasa moc.

HEBREOS 3:2

Apquilyajaclhoc mataa Jesús actemaclha apcanama Dios. Acno ilhnic nat actemaclha apquilyajayquiclho Moisés nipyesicsa enlhitaoc Dios apmolhama.

HEBREOS 8:5

Apquiltamjaycam Dios apquilancam congne tingma apponquinomap acyitsomalhca quilaycmasquiscama, malha pisquisca ancaoc asoc acnaycaoc netin. Aptomjac nic nat Dios apcanya Moisés naysicsa apquillanay appaclhanma apponquinomap: “Quip ilanojo, illana sat lhip aclhamoclhojo asoc appaclhanma apponquinomap, actemaclha alhta sillhicmoscama lhip netin inquilhe acvinatem” —nic nat aptomjac.

1 SAMUEL 15:22

Aptomjac nic nat profeta Samuel apcanya Saúl: ¿Apyispaqui ya Dios asoc ningmescama najan asoc acticyovam yoyam ongilmesic? ¿Am ya colcac apvalhoc Dios actemaclha ningilyajayquiclho appayvam? Nasoc anco, actamila anco actemaclha ningilyajayquiclho, am colhnoc acticyovam ningmescama Dios. Actamila anco ningiljalhenma Dios appayvam, am colhnoc aptipilhmoc ayinyema nipquesic.