ÉXODO 36:1 - Enhlit Bible

¹ Apquiltimesam nic nat apvisay Bezaleel, najan aptamjaycamó lhama Aholiab najan poc apquilmopvancaa ellana lhama asoc. Visqui ingac nic nat ayinyema acyascamco apquilvalhoc najan acyicpilquemo apquilvalhoc, yoyam ellana asoc ayaymomalhca apquilmaycam carpa apponquinomap, acno apcanama siclho Visqui ingac.

ÉXODO 36:1 Iomraidhean Croise

1 REYES 7:14

Inquin nic nat tampeyi ayinyema apquilmolhama Neftali. Apyap nic nat co Tiro. Apyap nic nat apmopvan aptamjaycam bronce tava apac. Apyascamco apanco ilhnic nat Hiram, apmopvan ellana apquilmaycam de bronce. Apvaac nic nat apnaclha apvisqui Salomón, aptimesacpo apquimja apmamyi allanomalhquilha bronce.

1 CRÓNICAS 2:20

Hur apquitca ilhnic nat Uri. Uri apquitca ilhnic nat Bezaleel.

1 CRÓNICAS 28:21

Apnam así grupos sacerdotes eltimesam sat congne tingma. Apnam enlhit apquilmopvan ellanac moclhama asoc. Elpasmiclhac sat enlhit apnaymacoc moclhama apquiltamjaycam. Elpasmiclhac sat apquilviscaa najan apyovoclhojo enlhitaoc, eltamjam sat acno lhip apcanamaclha — nic nat aptomjac David.

SALMOS 119:6

Momancayc mataa sicyiplovquisa acyovoclhojo singanamaclha.

ÉXODO 12:28

Apquilyajaclhoc nic nat enlhitaoc Israel. Apquilyiplovcasquic nic nat actemaclha apcanama Moisés najan Aarón ayinyema Dios Apyimtalhnamo.

ÉXODO 25:8

Jelanesquis lhama carpa apponquinomap, yoyam olhic sat coo nipyesicsa israelitas.

ÉXODO 28:3

Itingya sat lhip enlhit apquilmopvan apquillanay apava apquilantalhnama aptema nac jay, ayinyema coo sicmescama apquilmopvan. Ellanac sat apava apquilantalhnama Aarón, aptomja sacerdote apyimtalhnamo najato.

ÉXODO 31:11

Najan ayingmenic acmasis ningatsisquiscama asoc, najan asoc acmasis colhic alvatna talha netin altar. Ellanac sat as enlhit apquilmopvan, acno siyanama alhta siclho, yoyam ellana — nic nat aptomjac.

ÉXODO 36:2

Apcansaclhec nic nat Moisés as apcanit: Bezaleel, najan Aholiab najan apyovoclhojo apquilmopvancaa ellana asoc apquilmaycam najan apquilnatanma, ayinyema ilhnic nat Visqui ingac apquilmopvan. Najan apyovoclhojo apquilsayquinta ofrendas macmescama Dios, elpasmoc sat apquiltamjaycam.

ÉXODO 38:23

Aptamjaycamó lhama ilhnic nat Aholiab, Ahisamac apquitca, tribu apquilmolhama Dan, apmopvan tava ápac apvisay herrero, najan tejedor apyipnatem apava, najan bordador apava morada, najan apava púrpura, najan apava apyilhvasem, najan apava lino.

ÉXODO 39:1

Apquillanacpec nic nat apava apquilantalhnama sacerdotes: apava morada, apava púrpura, najan apava apyilhvasem. Najan apquilantalhnama apanco Aarón, acno apcanama siclho Visqui ingac napato Moisés.

NÚMEROS 7:9

Am nic nat ellhocac carretas najan vayqui Coat aptovana. Apquilanyacpec nic nat mataa elpatmaoclhac apanco asoc alponquinomalhca.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

SAN LUCAS 1:6

Appeyvomo alhta as enlhit najan aptava napato Dios Ingyapam. Am alhta esilhnanacpoc. Am alhta cosilhnanalhcac najan aptava. Apquilyajaclhoc alhta mataa Zacarías najan aptava actemaclha apcanamaclha najan singanamaclha Visqui ingac.

HEBREOS 8:2

Jesús aptimem Dios apquilancam congne tingma apponquinomap netin. Jave enlhit apquillanay tingma apponquinomap netin, Dios eyca aptomja apquillanay.