ÉXODO 34:7 - Enhlit Bible

⁷ Silasicjayo aplhamoclhojo aptovana niptamin enlhitaoc. Siyasicjayquiclho mocjam apquilsilhnanomap apanco enlhitaoc, najan apquilinmelhaycam enlhitaoc, najan apquiltemaclha apancaoc apquilmapsomcaa, ongvasicjiclhojo sat mocjam. Oyanmongsiclhac sat apquiltemaclha apquilsilhnanomap apanco. Najan apquiltemaclha apancaoc apyapmayc. Najan apquiltemaclha apancaoc apquitquic. Najan aplhamoclhojo aptovana, najan aplhamoclhojo aptovana niptamin — nic nat aptomjac Dios.

ÉXODO 34:7 Iomraidhean Croise

GÉNESIS 19:16

Am nic nat appecjesam Lot. Yejemoc nic nat apquilma apmic apquilinyajasa Lot. Ayinyemaclha apquiltamjoc nic nat evomsic tap Dios. Apquilmec nic nat amic yoyam elvomsic tap Lot aptava najan apquitquic. Apquilyinyajasquic nic nat aptava najan apquitquic tap tingma.

1 REYES 8:30

Ingyeylhojo sat mataa silmalhnancama coo najan apquililmalhnancama enlhitaoc Israel apquilvoycta as tingma apnaclha lhip. Elngojoc sat lhip apmaclha netin. Ingyeylhojo sat mataa lhip. Ilasicjiclhojo sat mataa lhip enlhitaoc.

1 REYES 8:32

Ingyeylhojo sat lhip apma netin. Iyicpilcojo sat lhip actemaclha acpeyvomo. Ilhen sat apvisay aptomja apsilhnanomap apanco yoyam colhic acyanmongsaclho aptemaclha. Mepqui acyanmongayclha sat cotnejic aptomja aptamilcasomacpo apanco.

2 CRÓNICAS 30:9

Apvitac sat ancoc Dios apquiltemaclha quellhip apquilyanmonquiscama moc apquilvalhoc, elanic sat cotnaja ingmoc, yoyam elapajacsic mocjam eltajiclha ingilyalhinga apquilmomap nipyesicsa maa. Elvotac sat mocjam ingilyalhinga ningyesicsa, actomja ningilaoclha, ayinyema apcamliyam Dios najan apcapeycam, mepqui aptovascama quellhip, apvita inlhojo apquilpaycomap quellhip — nic nat apquiltomjac apquilsoycam amyaa.

NEHEMÍAS 1:5

Actomjac alhta silmalhnancama: Lhip, Dios Apyimtalhnamo. Lhip aptomja apyimnatem najan apyimtalhnamo ningiltomja ningilay'o. Lhip aptomja aptamilquiscama asoc monquinatquiscama actemaclha apmayjayoclha. Aptomja aptamilquiscama enlhitaoc apquilyiplovquiscama lhip apcanamaclha.

NEHEMÍAS 9:32

Lhip Dios Visqui ingac, aptomja apyimtalhnamo, apmopvan, najan apmopvan jingiltovacsic. Am eyeycajasac mataa lhip aplhanma pacto ningmiyovmalhca najan aptemaclha singasicjayo. Noncolvonquim nasa apquillingaycamco acyimtalhnama ningilyeyjamcaa najan apquilviscaa ingnaymacoc, najan mayayo, najan sacerdotes, najan profetas, najan apyovoclhojo ingnaymacoc, ayenmo ilhnic nat apquiltimem apquilviscaa co Asiria acvaycmo as ningvamlha nac jay.

JOB 10:14

Apquiltamjoc lhip jeyipconic coo, acyitna inlhojo sicsilhnanomalhca ajanco.

SALMOS 103:3

Visqui ingac aptomja apmascoscama molyascalhma. Aptomja setamilquisquiyam acmasca eyimpejic.

SALMOS 109:14

Colhic sat acyanmongseclho acmasom aptemaclha apyeyjamcaa (apyap ningá). Comascosalhquejec sat mataa actemaclha anco inquin ningá.

SALMOS 130:4

Lhip aptomja apmascoscama mongilyascalhma. Ontimjic sat mataa ningilayo lhip.

SALMOS 136:10

Apquilnapma nic nat aptiyam sicaa co Egipto. Comasquejec mataa singasicjayo Visqui ingac.

SALMOS 136:15

Yingmin nic nat inquilnapac faraón najan apquillhalhmaa. Comasquejec mataa singasicjayo Visqui ingac.

SALMOS 25:11

Visqui, avanjec anco sicsilhnanomalhca ajanco. Jeyasicjiclhojo sat mocjam naysicsa siclhanma lhip apvisay.

SALMOS 86:15

Lhip eyca Visqui ajac. Aptomja seyasicjayo najan seyimlaycmo. Actamila anco apvalhoc lhip najan aplhanma mepqui apyeycajascaoc.

SALMOS 99:8

Dios Visqui ingac. Apjalhnoc nic nat lhip yoyam ingyatingmojo. Apcasicjaclhec nic nat lhip apquilsilhnanomap apanco. Apyanmongsaclhec nic nat lhip apquiltemaclha apancaoc acmasom.

ÉXODO 23:21

Elilyejiclhojo sat ángel appayvam. Noelinmelham nasa, mengyasicjiclhejec sat mataa. Etnejic sat apvisqui apancaoc seyamonquiscama coo — nic nat aptomjac Dios.

ÉXODO 23:7

Noelpasim nasa enlhit apquilyinimquiscama. Noelyitnocjas nasa amyaa mepqui apsilhnanomap apanco, yoyam etanovacpoc. Momyovejec sat coo enlhit apsilhnanomap apanco etnesacpoc appeyvomo.

ÉXODO 33:19

Apcatingmavoc nic nat Dios: —Gloria siyapongmatem ajanco coyeycajac sat napato lhip. Olngacsic sat sicvisay ajanco Dios. Ongvimlimojoc sat acvamlha aclhanma evalhoc coo. Ongvasicjojoc sat acvamlha aclhanma evalhoc coo.

ÉXODO 34:9

Aptomjac nic nat appayvam Moisés: —¡Visqui ingac! ¡Visqui ingac! Nasoc sat ancoc seyasicjayo coo, itne sat ninlhalhma. Yitnec apquiltemaclha apancaoc acmasom as enlhitaoc. Jingilasicjiclhojo sat mocjam ningiltomja ningilinmelhaycam lhip. Jingilpalhaquis sat lhip apmolhama (ongiltimjic ningilmolhama) — nic nat aptomjac Moisés.

ISAÍAS 45:21

Jelyota, jeltimnasquita quellhip. Elpamejitsacpojo aplhamoclhojo. ¿Jalhco ayinyema apquilyasingvoyam nano quellhip? ¿Soc alhta aplingascama as asoc? Coo ayinyema sicvisay Dios, paj poc Dios, sicvamlha coo. Paj poc apquilvomquiscama tap enlhitaoc, sicvamlha coo.

JEREMÍAS 30:11

Naso coo sicpayvam sicvisay Dios, siclhalhma coo, yoyam olvomsic tap quellhip. Onatovacsic sat enlhit apquilinmelhaycam maa naysicsa apquilmomap quellhip. Momascocsejec sat quellhip, ellingamcojoc sat quellhip sicyanmongsayclha apquiltemaclha apancaoc. Colapvanquejec quellhip mepqui sicyanmongsayclha apquiltemaclha apancaoc — alhta aptomjac Dios.

JEREMÍAS 32:18

Lhip aptomja apcasicjayo enlhitaoc najan aptovana cotmongvoycamlha nelha. Najan aptomja apyanmongsayclha apquiltemaclha apancaoc enlhit ayinyema apquiltemaclha apquilyapmayc. Lhip Dios Visqui ingac apyimtalhnamo, acmovan innac lhip apvisay.

JEREMÍAS 9:24

Yitnec sat ancoc ayajamalhco apvalhoc enlhit, elhenic sat sicvisay sictomja Visqui apanco. Coo sictimesquiscama as nalhpop nintemaclha ningasicjayo, najan actemaclha acpeyvomo, sictomja sicyisponcama as actemaclha — alhta aptomjac Visqui ingac.

DANIEL 9:4

Almalhnaquic alhta Dios acyiplomo aclhanma evalhoc: Dios, lhip nac Visqui ingac Apyimtalhnamo. Mepqui apyeycajascaoc mataa lhip aplhanma, aptomja apquilmasma enlhitaoc apquilyiplovquiscama singanamaclha ayinyema lhip.

DANIEL 9:9

Lhip Dios aptomja singasicjayclha mocjam najan singmasma, apvita inlhojo nintemaclha ningilinmelhaycam lhip.

MIQUEAS 6:11

¿Evanqui ya ongvasicjiclhojo enlhit, sicvita inlhojo apyinimquiscama, ayinyema apquilyipsatem balanza acmasom?

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

NAHÚM 1:6

¿Apvanqui ya enlhit etnamam napato Dios naysicsa aplom? ¿Apvanqui ya enlhit emyovacpoc naysicsa aplom pac Dios? Malha talha apmaycam Dios, yoyam emascoscomoc enlhit. Inquilpalhec napato Dios mataymong alvinatem.

SAN MATEO 12:31

‘Actomjac coo silanya quellhip: Colmascosalhcac sat mongilyascalhma najan actemaclha ningilantipquiscama apquilvisay ingnaymacoc. Comascosalhquejec sat nintovascascam apvisay Espíritu Santo.

SAN MATEO 6:12

Imascos mongyascalhma. Ayinyemaclha ningasicjaclhec nincoo lha aptomja singinmelhaycam.

SAN LUCAS 7:42

Am nic nat coyitnac solyayem apcanit enlhit, yoyam elmascocsic apmaycaoc nasa. Yejemoc nic nat apmascosa apvisqui apmaycaoc nasa apcanit enlhit. Jeltimnas siclho: ¿Soc lha enlhit aptomja apcasicjayo melhno poc?

SAN LUCAS 7:48

Aptomjac alhta apcanya Jesús: —Inmascosalhquic quilhvo coyascalhma lhiya —alhta aptomjac.

LOS HECHOS 13:38

Elyalhinga, elyasamcojo quellhip. Ningiltimnasquic nincoo quellhip amyaa. Apvamlha as enlhit apmopvan emascocsic mongilyascalhma.

LOS HECHOS 5:31

Dios Ingyapam aptimesquiscama alhta apyimtalhnamo, aptomja Apvisqui najan Singvomquiscama tap. Apquiltamjoc yoyam elyanmongsic apquilvalhoc enlhitaoc Israel, yoyam colmascosalhca melyascalhma.

EFESIOS 1:7

Avanjec anco singasicjayo Dios. Apyinyovquic Apquitca singyanmongam yoyam jingilvomsic tap. Apmascosquic mongilyascalhma ayinyema apquitsepma singilyanmongam.

EFESIOS 4:32

Elasicjacpojo nipyesicsa quellhip najan elimlimojo sat mataa. Elasicjiclhojo sat mocjam poc, apno Dios singasicjayclho nincoo lha ayinyema Cristo.

DEUTERONOMIO 32:35

Incovac sat acnim, yoyam oyanmongsiclhac sat apquiltemaclha apancaoc. Quilhvoc sat comascoc apquileyvam, ningatoc maa apnatovasomacpilha.

DEUTERONOMIO 7:10

Eyanmongsiclhac sat Dios apquiltemaclha apancaoc enlhitaoc apquiltanoncama. Quilhvoc sat eticyoc enlhitaoc apquiltanoncama.

DEUTERONOMIO 7:9

Elyasamcojo quellhip, appeyvomo apanco Dios Apyimtalhnamo. Mepqui apyeycajascaoc mataa aplhanma pacto actemaclha ningmiyovmalhca nincoo najan inquitquic najan intovana cotmongvoycamlha nelha. Ongmiyovalhcac sat ningyiplovquisa inlhojo singanamaclha Dios ningiltomja ningilasicjayo.

HEBREOS 12:29

Ayinyemaclha Dios aptomja malha talha actomja acsovjomo asoc.

JOSUÉ 24:19

Aptomjac nic nat Josué apquilanya: —Colapvanquejec quellhip eltimesam Dios. Santo mayayo nac Dios najan appeyvomo apanco. Mepqui apcasicjayclha Dios, apvita inlhojo apquiltemaclha quellhip apquilinmelhaycam najan apquilsilhnanomap apanco quellhip.

1 SAN JUAN 1:9

Dios aptomja appeyvomo najan mepqui apyeycajascaoc actemaclha aplhanma. Ninlhenquic sat ancoc mongilyascalhma, yejemoc sat emascocsic mongilyascalhma. Jingyinyovsic sat nintemaclha acmasom.

EL APOCALIPSIS 20:15

Am sat ancoc coyitnac apvisay actalhesomalhca vaycajac acyitna apquilvisay enlhit acyimnatem apnenyaoc, yiplovcoc apyinyovmap naysicsa talha acvanyam.

EL APOCALIPSIS 21:8

Elyinyovacpoc sat naysicsa talha acvanyam macpalhaquiscama azufre acpayesayclha talha enlhitaoc apquiltomja anit apvalhaoc najan apquiltomja apquilyasquiyam najan apquiltomja apquiltamongvaycmolhma najan apquiltomja ticyovam yapmayc najan apquiltomja apquilanatama najan apquiltomja apquilyojolhmaa najan apquiltomja apquilpayescamo quilaycmasquiscama acyitsomalhca Dios najan apquiltomja apquilmopvancaa amyaa. Eycaso acvisay moc ningitsepma.