ÉXODO 34:15 - Enhlit Bible

¹⁵ Noelpamejitsacpojo nasa actomja apquilaoclha actemaclha mepqui ningilnapomalhca (pacto). Elanyacpoc sat quellhip elpasmoc apquilayo quilaycmasquiscama. Najan apquilmescama asoc acmatnam macmescama quilaycmasquiscama. Noelpasmiclha nasa, noeltovaoc nasa apitic maa (macmescama quilaycmasquiscama).

ÉXODO 34:15 Iomraidhean Croise

1 CRÓNICAS 5:25

Apquiltomja eyca apquilinmelhaycam Dios Visqui ingac apquilayo apquilyeyjamcaa. Apquilvatsamquic nic nat. Apquiltomjac nic nat apquilayo quilaycmasquiscama apancaoc cotnaja ingmoc, apnatovascama siclhoc nic nat Dios.

ESDRAS 6:9

Colhic sat almesa vayqui najan nipquesic najan nipquesic apquitcoc. Cotnejic sat asoc acticyovam macmescama Dios. Colhic sat almesa nintom motajap apactic najan yasic najan uva ayingmenic najan aceite olivo ayingmenic. Elilyejiclhojo sat actemaclha apcanama sacerdotes apnaycam tingma Jerusalén. Colhic sat almesa asoc mepqui acyeycajay lhama acnim.

ESDRAS 9:12

Mocjam ninlingay alhta, yoyam colyimjapamquejec mataa inquitquic najan apquitquic actomja apquilaoclha, colapvanquejec jingilpalhcac ningyesicsa, colapvanquejec ellhamiclha ningyesicsa eltimjic apquilyimnatem. Quellhip sat eltimjic apquilyimnatem, elvitac sat cotlaycaoc nintom ayinyema as yoclhilhma. Elmiclhac sat apquitquic quellhip as yoclhilhma, eleyoc sat mataa cotmongvoycamlha nelha — alhta intomjac ninlingay.

SALMOS 106:28

Apquilyiplovcasquic nic nat quilaycmasquiscama Baal netin inquilhe Peor. Aptovcamquic nic nat asoc macmescama quilaycmasquiscama ápac.

SALMOS 73:27

Naso, enatovasacpoc sat apquiltomja apquilvatseycaoc. Lhip sat enatovacsic apquiltomja apquilyamasma lhip.

ÉXODO 22:19

Enlhit aptomja apminsovm aptoscama. Incaymalhquic ematong. Metyisamejec sat as enlhit.

ÉXODO 22:20

Enlhit aptomja apcajem aptoscama macmescama quilaycmasquiscama, cotnaja macmescama Dios, incaymalhquic ematong. Metyisamejec sat as enlhit.

ÉXODO 23:32

Noelpamejitsacpojo nasa cotnaja ingmoc. Noelpayicsojo nasa quilaycmasquiscama apancaoc.

ÉXODO 32:8

Apquilvatsamquic elyiplovcasojo actemaclha siyanamaclha. Apquillanac quilaycmasquiscama vayqui ayitcoc. Allanomalhca oro asoc alyinmom. Apquilpayasoc enlhitaoc, apquilajac apnatoscama macmescama quilaycmasquiscama. Apquiltomjac apquilpayvam: —Eycaso apvisay Dios Visqui ingac, singnalovsingvoyclha alhta yoclhilhma Egipto — lhac apquiltomjac — nic nat aptomjac Dios Apyimtalhnamo.

ÉXODO 34:10

Aptomjac nic nat Dios apquilanya: —Quip ilanojo. Otnejic sat siyanamaclha pacto actemaclha sicmasma napatavo apyovoclhojo enlhitaoc. Colvitalhcac sat asoc simpilapquiscama, melvitay mocjam apyovoclhojo enlhitaoc as nalhpop. Cotlapsic sat lhip najan apyovoclhojo apnaymacoc, alvitalhco sat asoc simpilapquiscama nipyesicsa quellhip — nic nat aptomjac Dios.

ÉXODO 34:12

Noelpamejitsacpojo nasa actomja apquilaoclha actemaclha mepqui ningilnapomalhca (pacto). Cotnejic sat malha quiljanma singilmam yoclhilhma apquilvoycamlha.

JEREMÍAS 3:9

Apnatovasquic alhta yoclhilhma, ayinyema apquiltemaclha apquilayo quilaycmasquiscama allanomalhca mataymong najan yamit.

OSEAS 4:12

Apquiltingyac enlhit ajancaoc quilaycmasquiscama allanomalhca yamit. Yamit ayitcoc conyemac apquilyascamco, yavamlha cotnejic. Apquillhinganacmec enlhit ajancaoc, ayinyema apquilyiplovquiscama apquilanatama. Apquilyinyovquic aptomja Apvisqui apancaoc Dios.

OSEAS 9:1

Aptomjac alhta profeta apquilanya: ¡Noncolpayjiclha nasa apquilvalhoc quellhip enlhitaoc Israel! Noelitsovacsojo nasa quellhip, apquilvajanamco metnaja apquiltemolhama. Apquiltemaclha quellhip apquilanatama, apquilyamasma Dios Apyimtalhnamo. Naysicsa apquilticpaycam trigo apyilhna, apquillhocá acyanmongam quellhip apquilanatama.

LEVÍTICO 17:7

Colapvanqueje mataa israelitas elnapoc apnatoscama, cotnejic macmescama yavey. Ayinyema apquiltemaclha mataa apquilayo as yavey, apquiltomja apquilyamasma Dios. Comasquejec sat mataa as singanamaclha cotmongvoycamlha nelha.

NÚMEROS 15:39

Colvoncamejec sat mataa quellhip singanamaclha najan apquilyiplovquiscama singanamaclha, apquilvita inlhojo borlas nipvayc apava. Yoyam melyiplovejec sat quellhip ayitsepma apnenyaoc ayinyema apquilvalhoc, actomja acsilhnanoncama enlhit.

NÚMEROS 25:1

Apquilnaclhec nic nat israelitas payjoc Sitim. Apquilpalhavocmec nic nat napocja enlhit acnamcaclha quilvanaa moabitas.

NÚMEROS 25:2

Apquilanyacpec nic nat elpasmoc asoc macmescama quilaycmasquiscama acyitsomalhca dios. Apquiltasacmec nic nat napocja israelitas naysicsa apquilayo quilaycmasquiscama apancaoc moabitas.

LOS HECHOS 15:20

Acvamlha ongilapajasquisic nintalhescama. Sat ontimjic ongilanic: Noelpaysimquis nasa apquilvalhoc asoc ancoc acyitsomalhca dios. Noeltime nasa actemaclha ningilanatama. Noeltovaoc nasa asoc apquilvapecjam ayispaoc najan ema ac.

1 CORINTIOS 10:27

Apquilanyacpec sat ancoc quellhip eltasomoc tingma pac metnaja Jesucristo apmolhama. Eltovaoc sat aclhamoclhojo nintom mepqui aclhanma apquilvalhoc ayinyemaclha nintom.

1 CORINTIOS 8:10

Apyasamco inyicje lhip as asoc. Apvitacpec sat ancoc lhip naysicsa aptom congne tingma acyitnamaclha quilaycmasquiscama. ¿Pa ya evjaniclhojo etovc apitic ingyalhing aptomja apvitaycamco, acyitna mocjam coyimnatem apvalhoc?

1 CORINTIOS 8:4

Inlhenalhquic apitic macmescama quilaycmasquiscama acyitsomalhca Dios. Paj nincoo lhalhma anco lhama quilaycmasquiscama acyitsomalhca Dios. Paj poc, apvamlha lhama apanco Dios.

1 CORINTIOS 8:7

Jave aplhamoclhojo ingilyalhinga apquilyascamco as asoc. Napocja ingilyalhinga apquiltimec alhta mataa apquilayo quilaycmasquiscama acyitsomalhca Dios. Apquilanayquic quilhvo naysicsa aptoycaoc apitic cotnajac nasoc anco macmescama quilaycmasquiscama acyitsomalhca Dios. Inyiplovcoc mataa actamjaycam apquilvalhoc, ayinyemaclha am coyimnac mocjam apquilvalhoc. Incacoc apnenyaoc esilhnanacpoc ayinyema aptoycaoc.

DEUTERONOMIO 31:16

Aptomjac nic nat Dios apcanya Moisés: —Ningatoc lhip apquitsepma. Jelyinyoc sat enlhitaoc niptamin lhip. Eltimjic sat apquilayo quilaycmasquiscama ayinyema as yoclhilhma apquilvoycamlha sat quellhip. Eltovacsic sat ningmiyovmalhca, sillanay alhta nipyesicsa enlhitaoc.

DEUTERONOMIO 31:18

Oyamyiclhac sat mocjam, mopasmejec sat coo, ayinyema apquiltemaclha apancaoc apquilmapsomcaa, ayinyema apquilayo quilaycmasquiscama acyitsomalhca dios — nic nat aptomjac Dios.

DEUTERONOMIO 32:37

Etnejic sat Dios elanic: ¿Co laa acyasa quilaycmasquiscama acyitsomalhca dios yoyam colmeyvoc quellhip? — sat etnejic.

DEUTERONOMIO 32:38

Avanjec mataa allhoy quilaycmasquiscama asoc acticyovam, avanjec mataa allhoy uva ayingmenic macmescama quilaycmasquiscama. Incaymalhquic maa colpasingvoclha, incaymalhquic colmeyvoc enlhitaoc.

DEUTERONOMIO 7:2

Dios Apyimtalhnamo etnesquisic apquilyimnatem quellhip. Elmacpoc sat cotnaja ingmoc, enatovasacpoc sat. Noelmiyov nasa quellhip, noelimlimojo nasa cotnaja ingmoc, elsavojo sat apquilnapma. Noelpamejitsacpojo nasa (pacto) actemaclha mepqui ningilnapomalhca (actemaclha ningmiyovmalhca).

DEUTERONOMIO 7:3

Moelyimjapquis nasa apquitquic eltimjic apnatamcaa quilvanaa cotnaja acpavomó lhama. Noeltime nasa apipjaymayc as enlhitaoc.

JOSUÉ 23:12

Elyasamcojo quellhip: Apquilyinyovquic sat ancoc Dios quellhip. Apquilpalhavocmec sat ancoc quellhip, ayinyema alyimjapeycaoc metnaja nintemolhama apquilaymomap nipyesicsa quellhip. Melantipsacpejec sat mataa as enlhitaoc ayinyema Dios. Malha trampa quiljanma sat eltimjic as enlhitaoc. Elmacpoc sat quellhip, ellingamcojoc sat acyimtalhnama. Malha quilyicpilhquitma sat cotnejic apquillingaycamco quellhip. Malha najan amaoc alyiplhaycaoc apataoc sat cotnejic. Mepqui apcaymomap lhama quellhip sat cotnejic as yoclhilhma actamila, apquillhoy alhta quellhip, ayinyema Dios apquilmescama.

EL APOCALIPSIS 2:20

Am colcac evalhoc lhama asoc: Am elvatescasac lhip actemaclha anco quilvana acvisay Jezabel. Actimem anco inyicje as quilvana profeta Dios aclingascama. Inquilyinimcasquic mataa yoyam elsilhnanacpoc selancam elvajanamcoc actemaclha apquilanatama. Najan yoyam eltovamcoc apitic macmescama quilaycmasquiscama acyitsomalhca Dios.

JUECES 2:17

Am nic nat elilyajaclhoc mataa apcanamaclha enlhit mayayo. Apquilvatsamquic nic nat apquilayo Dios Apyimtalhnamo, apquiltomja apquilayo quilaycmasquiscama acyitsomalhca dios. Apquilyiplovcasquic nic nat apquilyeyjamcaa singanamaclha Dios, am nic nat elyiplovcasac as enlhitaoc apquilvisay aptovana niptamin.

JUECES 3:6

Inquilyimjapquic nic nat apquitquic israelitas nipyesicsa apquitquic actomja apquilaoclha. Apquiltomjac nic nat apquilayo quilaycmasquiscama acyitsomalhca dios.