ÉXODO 32:8 - Enhlit Bible

⁸ Apquilvatsamquic elyiplovcasojo actemaclha siyanamaclha. Apquillanac quilaycmasquiscama vayqui ayitcoc. Allanomalhca oro asoc alyinmom. Apquilpayasoc enlhitaoc, apquilajac apnatoscama macmescama quilaycmasquiscama. Apquiltomjac apquilpayvam: —Eycaso apvisay Dios Visqui ingac, singnalovsingvoyclha alhta yoclhilhma Egipto — lhac apquiltomjac — nic nat aptomjac Dios Apyimtalhnamo.

ÉXODO 32:8 Iomraidhean Croise

1 REYES 12:28

Eycaso ilhnic nat aclhanma apvalhoc apvisqui Jeroboam. Apcanayquic nic nat colhic allana anit vayqui inquilinava ayitcoc quilaycmasquiscama asoc alyinmom oro. Aptomjac nic nat apvisqui apquilanya enlhitaoc: —Vamlha sat ongiltimjic ningilyascama tingma Jerusalén. Quellhip enlhitaoc Israel: Quip elanojo vayqui ayitcoc quilaycmasquiscama actomja visqui ingac. Actomja alhta singilyinyovquiscama yoclhilhma Egipto — nic nat aptomjac apvisqui.

NEHEMÍAS 9:18

Apvitac nic nat lhip ningilyeyjamcaa apquillanay vayqui quilaycmasquiscama acyitsomalhca dios, yoyam eltimjic apquilayo, ayinyema apyinyovquiscama yoclhilhma Egipto, apquiltemaclha apquilvennéycam lhip.

SALMOS 106:19

Apquillanac nic nat payjoc inquilhe Horeb (Sinaí) vayqui ayitcoc. Apquilpayasoc nic nat quilaycmasquiscama allanomalhca oro.

SALMOS 78:36

Apquiltemaclha apancaoc apquilmopvan amyaa najan apquilyinimquiscama.

ÉXODO 20:23

Noelaycmasquis nasa plata najan oro actemaclha selyitquiscama.

ÉXODO 22:20

Enlhit aptomja apcajem aptoscama macmescama quilaycmasquiscama, cotnaja macmescama Dios, incaymalhquic ematong. Metyisamejec sat as enlhit.

ÉXODO 32:4

Aptimec nic nat talha acpayesayclha oro asoc alyinmom. Talha alhancoc avalhoc nic nat apquillana quilaycmasquiscama vayqui ayitcoc. Apquiltomjac nic nat apquilpamesma: —Eycaso apvisay Dios Visqui ingac singnalovsingvoyclha alhta Egipto — nic nat apquiltomjac.

ÉXODO 34:15

Noelpamejitsacpojo nasa actomja apquilaoclha actemaclha mepqui ningilnapomalhca (pacto). Elanyacpoc sat quellhip elpasmoc apquilayo quilaycmasquiscama. Najan apquilmescama asoc acmatnam macmescama quilaycmasquiscama. Noelpasmiclha nasa, noeltovaoc nasa apitic maa (macmescama quilaycmasquiscama).

ISAÍAS 46:6

Yitnec apquiltemaclha enlhit apquiljalhyovascama cotlaycaoc oro, najan apquilyipsatem plata. Apquilsaclhec apnaclha apquillanay asoc altamila. Apcanyacpec maa ellanac quilaycmasquiscama acyitsomalhca dios, yoyam eljalhic sat acyitnamaclha, eltimjic apquilayo as quilaycmasquiscama.

JEREMÍAS 31:32

Moc actemaclha sat cotnejic pacto ningmiyovmalhca. Am nat colhno nipyesicsa apquilyeyjamcaa sicyinyovquiscama nat yoclhilhma Egipto, sicnalayquinta maa. Am nat elyiplovcasac pacto ningmiyovmalhca, sictimem nat Visqui apancaoc. Nasoc sicpayvam sicvisay Dios.

LEVÍTICO 17:7

Colapvanqueje mataa israelitas elnapoc apnatoscama, cotnejic macmescama yavey. Ayinyema apquiltemaclha mataa apquilayo as yavey, apquiltomja apquilyamasma Dios. Comasquejec sat mataa as singanamaclha cotmongvoycamlha nelha.

DEUTERONOMIO 32:17

Apquiltingyac nat asoc macmescama demonio yavey, eltimjic apquilayo. Malha dios apancaoc apjalhnancoc, quilhva apvoy, melyicpilquemo nat apquilyeyjamcaa, meltomja nat apquilayo.

DEUTERONOMIO 9:12

Aptomjac alhta Dios seyanya coo: —¡Ingyapaja ityip! Apquiltemaclha apancaoc lhip apnaymacoc, apnalovsingvoyclha alhta lhip yoclhilhma Egipto. Apquilsilhnanacpec apanco maa. Apquilvatsamquic elyiplovcasojo actemaclha siyanamaclha. Apquillanac lhac quilaymasquiscama oro asoc alyinmom — alhta aptomjac seyanya.

DEUTERONOMIO 9:16

Acvitac alhta coo apquiltemaclha apquilsilhnanomap apanco quellhip napato Dios. Apquillanac alhta quellhip quilaycmasquiscama oro asoc alyinmom. Apquilvatsamquic alhta quellhip elyiplovcasojo singanamaclha ayinyema Dios.

JOSUÉ 22:15

Apquilvocmec nic nat yoclhilhma Galaad apyovoclhojo malapajascama, nipyesicsa apquilmolhama Rubén, najan Gad, najan media tribu Manasés. Apquiltomjac nic nat apquilanya:

JUECES 2:17

Am nic nat elilyajaclhoc mataa apcanamaclha enlhit mayayo. Apquilvatsamquic nic nat apquilayo Dios Apyimtalhnamo, apquiltomja apquilayo quilaycmasquiscama acyitsomalhca dios. Apquilyiplovcasquic nic nat apquilyeyjamcaa singanamaclha Dios, am nic nat elyiplovcasac as enlhitaoc apquilvisay aptovana niptamin.

JUECES 8:24

Altamjoc inyicje quellhip jelmecsic apnatanma asoc alyinmom, ayinyema alhta cotnaja ingmoc — nic nat aptomjac. Cotnaja ingmoc apquilinyema ilhnic nat yoclhilhma actamopeycaoc. Apnatanma ilhnic nat apancaoc oro asoc alyinmom.