ÉXODO 31:2 - Enhlit Bible

² —Quip ilanojo, apnec nipyesicsa apquilmolhama tribu Judá lhama enlhit silyacyescama coo, apvisay Bezaleel, Uri apquitca, najan Hur aptavin.

ÉXODO 31:2 Iomraidhean Croise

1 REYES 7:14

Inquin nic nat tampeyi ayinyema apquilmolhama Neftali. Apyap nic nat co Tiro. Apyap nic nat apmopvan aptamjaycam bronce tava apac. Apyascamco apanco ilhnic nat Hiram, apmopvan ellana apquilmaycam de bronce. Apvaac nic nat apnaclha apvisqui Salomón, aptimesacpo apquimja apmamyi allanomalhquilha bronce.

2 CRÓNICAS 1:5

Yitnec nic nat maa altar apquilvatnamaclha, apquillanay nic nat Bezaleel, Uri apquitca, Hur aptavin. Yitnec nic nat payjoc carpa apponquinomap tingma Gabaón. Apquilmiyaclhec nic nat apvisqui Salomón najan apyovoclhojo enlhitaoc as carpa apponquinomap.

ÉXODO 17:10

Apquilyajaclhoc nic nat Josué. Apnalaclhec nic nat yoyam elnapacpoc amalecitas. Apquinamtec nic nat ayitsicsic inquilhe Moisés najan Aarón najan Hur.

ÉXODO 33:12

Aptomjac nic nat Moisés apcanya Dios: —Quip ilanojo. Apquiltamjoc lhip onaliclha apyovoclhojo enlhitaoc. Am elhenac mocjam apvisay siclhalhma. Aplhanma alhta lhip seyicpilquemo coo najan seyasicjayo.

ÉXODO 33:17

Aptomjac nic nat Dios apcanya Moisés: —Otnejic sat siclhalhma lhip. Naso siyasicjayo lhip najan sicyicpilquemo lhip apvisay — nic nat aptomjac Dios.

ÉXODO 35:30

Aptomjac nic nat Moisés apquilanya israelitas: Quip elanojo quellhip. Visqui ingac aptomja apquilyacyescama nipyesicsa apquilmolhama Judá, enlhit apvisay Bezaleel, Uri apquitca, Hur aptavin.

ÉXODO 36:1

Apquiltimesam nic nat apvisay Bezaleel, najan aptamjaycamó lhama Aholiab najan poc apquilmopvancaa ellana lhama asoc. Visqui ingac nic nat ayinyema acyascamco apquilvalhoc najan acyicpilquemo apquilvalhoc, yoyam ellana asoc ayaymomalhca apquilmaycam carpa apponquinomap, acno apcanama siclho Visqui ingac.

ÉXODO 37:1

Apquillanac nic nat Bezaleel yamit aysicsic acacia acvamlha acvinatem un metro najan diez centímetros, acvamlha ancho sesenta y cinco centímetros, acvamlha nitno sesenta y cinco centímetros.

ÉXODO 38:22

Apcanyacpec nic nat Bezaleel, Uri apquitca, Hur aptavin, tribu apquilmolhama Judá, eyiplovcasojo apcanamaclha Visqui ingac, aplingascama Moisés, yavamlha etnejic.

ÉXODO 38:23

Aptamjaycamó lhama ilhnic nat Aholiab, Ahisamac apquitca, tribu apquilmolhama Dan, apmopvan tava ápac apvisay herrero, najan tejedor apyipnatem apava, najan bordador apava morada, najan apava púrpura, najan apava apyilhvasem, najan apava lino.

SAN JUAN 3:27

Apcatingmavoc alhta Juan: —Mongvanquejec ongmoc inganco lhama asoc. Acvamlha anco aptomja singilmescama Dios Ingyapam.