ÉXODO 30:8 - Enhlit Bible

⁸ Elhnasojoc sat actalhnam, acvocmo inlhojo hora yoyam ingyalevacsic calevascama. Elyiplovcasojo as nintemaclha napato Dios mataa cotmongvoycamlha nelha.

ÉXODO 30:8 Iomraidhean Croise

2 CRÓNICAS 26:18

Apquiltomjac nic nat apquilanya apvisqui: Lhip visqui Uzías, copvanquejec lhip elvitic talha asoc acmasis napato Dios. Apvancaac apquilvamlha sacerdotes Aarón aptovana niptamin malyacyescama napato Dios. Lhip visqui apyimtalhnamo, aptomja apsilhnanomap apanco napato Dios, ityip sat tingma apponquinomap, am etnajac lhip mayayo ayinyema Dios Visqui ingac — nic nat apquiltomjac.

SALMOS 141:2

Cotnejic sat silmalhnancama, malha macmescama lhip. Cotnejic sat sicmiyasquiclha netin emeoc. Malha macmescama lhip actalhnam.

ÉXODO 12:6

Eltamilquis sat apnatoscama piltin nac jay acvocmo catorce acnim. Elaa sat apnatoscama natamin actalhnama acnim.

ÉXODO 25:37

Illana sat siete calevascama, yoyam colsacsic sat olhma (colapongmetic congne).

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 30:7

Vocmec sat ancoc secaseclha hora apquilalhnascama calevascama, incaymalhquic Aarón elvitic talha asoc acmasis netin altar nac jay.

ÉXODO 30:9

Copvanquejec elvitic talha netin as altar moc asoc acmasis, paj najan holocaustos macmescama Dios, paj najan ofrendas trigo apactic, paj najan uva ayingmenic macmescama Dios.

ROMANOS 8:34

¿Soc enlhit apquiltamjoc yoyam jingiltovacsic? Paj, copvanquejec lhama enlhit. Apnec Cristo apnaclha Dios aptomja singilmalhnesquiscama. Apquitsepquic alhta singyanmongam, aplhaticjangvocmec alhta mocjam.

1 TESALONICENSES 5:17

Elinlhanmojo sat mataa apquililmalhnancama.

HEBREOS 7:25

Apvanquic mataa Jesús elvomsic tap apquiltomja apquilyoyquiclha apnaclha Dios, ayinyema apnalayclha Jesús. Ayinyemaclha Jesús aptomja apquilmilaneycaoc yoyam elmalhnesquisic mataa Dios yoyam epasmoc enlhitaoc.

HEBREOS 9:24

Aptalhningvoclhec alhta Jesús tingma apponquinomap cotnaja enlhit apquillanay. Ayinyemaclha tingma apponquinomap as nalhpop aptomja malha quilaycmasquiscama ayinyema “apponquinomap apanco” netin. Aptalhningvoclhec alhta netin Cristo yoyam etnejic singilmalhnesquiscama napato Dios.

1 SAMUEL 2:28

Alyacyesquic alhta enlhitaoc sacerdotes. Ellanac mataa selmescama coo asoc acmatnam, najan moc asoc selmescama coo. Elantalhniclhac mataa apava apvinatem sacerdote, seltimesaycam sicnaclha coo. Apvanquic mataa eltasomoc, acyitna inlhojo selmescama aptoscama apmatnam.,