ÉXODO 30:15 - Enhlit Bible

¹⁵ Eyinyoc sat moclhama, yoyam emyovacpoc, jave macmescama acyivey ayinyema enlhit acma apquilnatam, jave macmescama ayitcoc ayinyema mepqui apquilnatam. Apcanyacpec moclhama eyinyoc cinco gramos de plata.

ÉXODO 30:15 Iomraidhean Croise

2 SAMUEL 21:3

Aptomjac nic nat David apquilanya: —¿Jalhco sat otnejic coo? ¿Evanqui ya olmecsic acyanmongam, yoyam colhic acmascosa apsilhnanomap apanco? Elasicjiclhojoc sat quellhip ingnaymacoc israelitas Dios apquilyacyescama — nic nat aptomjac David.

JOB 34:19

Mepqui apmasma mataa apquilviscaa najan enlhit mayayo napatavo mepqui apquilnatam. Apyovoclhojo enlhitaoc apquillanomap, ayinyema Dios.

ÉXODO 30:12

—Isavojo sat apquilyipsatem enlhitaoc israelitas. Incaymalhquic moclhama eyinyoc acyanmongam contribución, yoyam emyovacpoc. Elavojoc sat acyanmongayclha plaga ningmasquem.

ÉXODO 30:14

Moclhama enlhit veinte años aptiyascam najan maa tap apcanyomap eyinyoc acyanmongam contribución napato Dios.

ÉXODO 30:16

Ingyansiclha sat lhip apquilmescama israelitas, yoyam elmiyovacpoc. Ininquin sat acyanmongam congne carpa apponquinomap. Coyitnam sat apatic Visqui ingac apquiltemaclha israelitas macmescama acyanmongam, yoyam elmiyovacpoc — nic nat aptomjac.

ÉXODO 38:26

Apyovoclhojo enlhit veinte años apquiltiyascam najan tap apquilyipsatacpo seiscientos tres mil quinientos cincuenta enlhit. Moclhama apquilmescama nasa cinco gramos y medio de plata, alyipsatomalhca balanza carpa apponquinomap.

PROVERBIOS 22:2

Apno poc apquinyemayaclha enlhit, najan mepqui apquilnatam, najan cascama apquilnatam. Dios Visqui ingac nic nat apquilantipquiscama.

EZEQUIEL 45:16

Apquilanyacpec apyovoclhojo israelitas elmecsic asoc, yoyam elmoc tacja moclhama apvisqui apquilmolhama.

LEVÍTICO 17:11

Aclhamoclhojo asoc aleyvam as nalhpop altomja alyimnatem, ayinyema ema ancaoc najan ema apancaoc. Apquilanyacpec enlhit elajic apnatoscama payjoc altar apquilvatnamaclha, colhic sat alvatna talha ema, colhic sat acmascosa melyascalhma quellhip, ayinyema ema acyanmongam melyascalhma.

NÚMEROS 31:50

Ningansaclhec nincoo nipyesicsa singilpilhtetemo asoc allanomalhca oro, alvisay ningilnatanma actamila. Cotnejic sat ofrenda macmescama Dios, aptomja mataa singmasma nincoo — nic nat apquiltomjac.

EFESIOS 6:9

Quellhip apquilviscaa. Eltamilsojo apquilvalhoc nipyesicsa apquilancam. Noelyamnam nasa quellhip. Apquilyasamcoc quellhip apna netin Visqui ingac, aptomja quellhip Apvisqui apancaoc najan apquilancam Apvisqui apancaoc. Ayinyemaclha ningnoc ingmoc ningilanalhco napato Visqui ingac.

COLOSENSES 3:25

Apquilvajanamquic sat ancoc quellhip actemaclha apquilsilhnanomap, elvitac sat acyanmongayclha apquiltemaclha apancaoc. Memyovejec mataa Dios lhama enlhit aptomja apquilsilhnanomap yoyam etanova poc. Apquilanomacpo sat eyanmongsiclha apquiltemaclha apancaoc.