ÉXODO 30:1 - Enhlit Bible

¹ Aptomjac nic nat Dios apcanya Moises: —Illana sat yamit aysicsic acacia, cotnejic sat altar apquilvatnamaclha, colhic sat alvatna talha asoc acmasis.

ÉXODO 30:1 Iomraidhean Croise

1 REYES 6:20

Acvamlha ilhnic nat aplhancoc Santísimo nueve metros de largo, nueve metros de ancho najan nueve metros de alto nitno. Amamyi ilhnic nat maa acyitna altar apquilvatnamaclha, allanomalhca yamit cedro najan alyipitsomalhca oro ayimpejic.

1 REYES 6:22

Inquilyipitsalhquic nic nat oro acyovoclhojo apvalhoc tingma najan altar apquilvatnamaclha acyitna ningato aplhancoc Santísimo apponquinomap apanco.

1 REYES 7:48

Mocjam nic nat apquillanay Salomón apquilmaycam acnaycaoc tingma apponquinomap: altar de oro apquilvatnamaclha, najan mesa de oro acyitnamaclha pan apponquinomap.,

1 CRÓNICAS 28:18

Aplhocac nic nat oro najan plata, yoyam collanalhcac altar acvatnamalhquilha asoc acmasis. Aplhocac nic nat oro, yoyam collanalhcac carro, ningiltimem yamit aysicsic acyitnamaclha Dios appayvam apquinmamcaa quilaycmasquiscama querubines (ángeles) alyipitcay aplhimpancoc apquilapma yamit aysicsic cofre del pacto.

1 CRÓNICAS 6:49

Apquilvatnec nic nat Aarón najan aptovana asoc macmescama Dios netin altar acvatnamalhquilha. Apquilvatnec nic nat talha asoc acmasis netin acvatnamalhquilha. Apquiltimesam nic nat congne aplhancoc apponquinomap apanco, actemaclha mayasicjayquiclha mocjam enlhitaoc napato Dios. Acno ilhnic nat apcanama Moisés ayinyema Dios.

2 CRÓNICAS 26:16

Apsilhnanacpec nic nat apanco apvisqui napato Dios, ayinyema ayajamalhco apvalhoc, elngamcojoc sat acmasom. Naysicsa aptemaclha apanco aptalhningvocmo tingma apponquinomap, yoyam elvitic talha asoc acmasis netin apquilvatnamaclha.

ÉXODO 30:10

Eycaso altar acvisay acponquinomalhca napato Dios. Etnejic sat Aarón una vez al año eltilhnamcoc inquipetaoc netin altar, apmaycam ema asoc acmatnam malvatnama talha acyanmongam melyascalhma. Aclhamoclhojo años, una vez al año colhic alvatna talha macmescama Dios acyanmongam melyascalhma — nic nat aptomjac.

ÉXODO 30:2

Illana sat yamit aysicsic cuadrado, acvamlha acvinatem cuarenta y cinco centímetros, najan acvamlha ancho cuarenta y cinco centímetros, najan acvamlha nitno noventa centímetros. Acyiplomo inquipetaoc naváyc allanomalhca lhama acyovoclhojo, jave acyipitsomalhca moc.

ÉXODO 31:8

najan mesa acyiplomo apquilmaycam, najan candelabro de oro alapongmateyquiclha acyiplomo apquilmaycam, najan altar malvatnama asoc acmasis,

ÉXODO 35:15

najan altar alvatnamalhquilha asoc acmasis acyiplomo travesaños yamit alvinatem, najan asoc acmasis ningatsisquiscama asoc, najan asoc acmasis malvatnama talha, najan cortina apava payjoc atong carpa apponquinomap,

ÉXODO 39:38

najan altar de oro apquilvatnamaclha, asoc acmasis malvatnama, najan apava cortina payjoc atong entrada,

ÉXODO 40:5

Ipquin sat congne acvatnamalhquilha asoc masis macmescama Dios, alanomalhca asoc alyinmom oro. Ipquin sat maa quito acyitnamaclha yamit aysicsic. Itlhin sat apava apjalhtamomap atong maa.

EZEQUIEL 41:22

acyitsomalhca altar allanomalhca yamit, acvamlha lhama metro por lado, najan lhama metro y medio nitno. Yitnec maa esquinas, najan yamit allanomalhca avjac najan nicjaa. Aptomjac alhta enlhit seyanya coo: Acvisay mesa napato Visqui ingac — alhta aptomjac.

LEVÍTICO 4:18

Eltilhnamcoc sat ema ayitcoc payjoc inquipetaoc altar apquilvatnamaclha, acyitna congne carpa apponquinomap. Moc ema ayaymomalhca eyanquinic sat payjoc altar avjac apquilvatnamaclha holocaustos, acyitna payjoc apatong carpa apponquinomap.

LEVÍTICO 4:7

Eltilhnamcoc sat ema ayitcoc payjoc inquipetaoc altar apquilvatnamaclha asoc acmasis, acyitnaclha congne carpa apponquinomap. Moc ema ayaymomalhca eyanquinic sat payjoc altar avjac apquilvatnamaclha apnatoscama, acyitnaclha payjoc apatong carpa apponquinomap.

NÚMEROS 3:31

Apquiltomja ilhnic apquiltamilquiscama yamit aysicsic acyitnamaclha Dios appayvam, najan mesa, najan ayapongmateyquiclha, najan altares apquilvatnamaclha, najan acyovoclhojo apquilmaycam alponquinomalhca, najan apava acjalhtamomalhca maa.

NÚMEROS 4:11

Elmoc sat najan apava yamappasyam, elalacsic altar de oro apquilvatnamaclha. Elalacsic sat aso'yimpeoc, elninquinic sat netin yamit alvinatem, yoyam elpatmaoclhac sat maa.

HEBREOS 9:4

Yitnec alhta maa alvatnamalhquilha asoc acmasis allanomalhca oro asoc alyinmom. Yitnec najan maa yamit aysicsic acnaycamcolha singanamaclha Moisés, oro asoc alyinmom alhta ayimpejic. Yitnec alhta avalhoc yamit aysicsic ingjaycoc oro asoc alyinmom. Yitnec alhta avalhoc ingjaycoc maná nintom nano. Yitnec najan avalhoc yamit aysicsic lhama yamit acma ilhnamoc nic nat siclho, Dios apquilancam Aarón yamit apanco. Yitnec najan avalhoc yamit aysicsic anit mataymong alpayjem acnatalhesomalhca actemaclha singanamaclha Moisés.

EL APOCALIPSIS 8:3

Yejemoc alhta apvaa poc ángel apsoycam ingjaycoc alyinmom acvisay apvatnamaclha asoc masis. Apquiningvaac alhta acyitnaclha acvatnamalhquilha asoc macmescama Dios. Apmesacpec alhta cotlaycaoc asoc masis, yoyam epquinic netin acvatnamalhquilha asoc macmescama Dios. Asoc masis actomja malha apquililmalhnancama Dios apquilyacyescama. Yitnec acvatnamalhquilha asoc macmescama Dios, acyitnaclha amamyi Visqui aptajanem.