ÉXODO 3:8 - Enhlit Bible

⁸ Acvaac coo yoyam olvomsic tap nipyesicsa co Egipto. Olyinyovsic sat yoclhilhma Egipto. Onalaclhac sat acyov'aclha yoclhilhma acyitnamaclha leche najan apquimjaclha yovjan. Apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo.

ÉXODO 3:8 Iomraidhean Croise

GÉNESIS 11:5

Apvayventac nic nat Dios Apyimtalhnamo yoyam elanojo tingma apvanyam najan tingma nitno enlhit apquillanay.

GÉNESIS 11:7

Incaymalhquic ongilvayventac sat nipyesicsa enlhitaoc. Ongillhinganimsic sat apquilpayvam. Melyasamquejec sat mataa poc aplhanma— nic nat intomjac apvalhoc.

GÉNESIS 15:13

Aptomjac nic nat Dios apcanya Abram: —Iyasamcojo sat lhip. Elhnam sat lhip aptovana yoclhilhma cotnajaclha apquilaoclha. Eltimjic sat apquiltimesaycam poc. Colhic sat alasquisa apyimpeoc acvaycmo 400 años.

GÉNESIS 15:14

Coo sat najan oyanmongsiclha apquiltemaclha enlhitaoc apquiltomja apquilasquiscama apyimpeoc lhip aptovana. Elvomoc sat tap, colhic sat cascama apquilnatam.

GÉNESIS 18:21

Altamjoc otyaningvomjoc maa, yoyam olanojo apquiltemaclha enlhitaoc. Nasoc lhaja amyaa apquillhenamap siclinga coo. Altamjoc oyasamcojoc maa— nic nat aptomjac.

GÉNESIS 43:11

Aptomjac nic nat apquilyap apquilanya: —Eltime sat quellhip actema nac jay: Elsaclhes sat asoc apquilmescama mepqui acyanmongam apvisqui Egipto. Elsaclhes altamila anco asoc avalhoc yamquintimajac: anit bálsamo yamit ayeyvaoc najan anit yamyovjene apyingmenic najan yamit acyilhna najan almendro yamit acyilhna.

GÉNESIS 46:4

Siclhalhma sat otnejic apyascama yoclhilhma Egipto. Commoc sat acnim yoyam onalovsingvoclha lhip aptovana apnaycam Egipto. Elhic sat José apyitnaclha lhip naysicsa apquitsepma— nic nat aptomjac Dios.

GÉNESIS 50:24

Aptomjac nic nat José apquilanya apquilpipma: —Incamquitvaac siyitsepmaclha. Epasmoc sat quellhip Dios Apyimtalhnamo. Elantipsic sat as yoclhilhma. Enaliclhac sat quellhip yoclhilhma apquiltiyascamcaclha ningilyeyjamcaa Abraham najan Isaac najan Jacob. Aplhenquic nic nat Dios yoyam colhejec acyascacmo, yoyam elmesic sat as yoclhilhma.

1 CRÓNICAS 1:15

najan heveos, najan araceos, najan seneos,

NEHEMÍAS 9:8

Apvitac nic nat lhip aptemaclha meyasquiyam, apquillanay nic nat lhip pacto ningmiyovmalhca: Ellhovamcoc sat aptovana niptamin lhama yoclhilhma alhnancoc, acvisay siclho apquileyvomaclha cananeos, hititas, amorreos, ferezeos, jebuseos, najan gergeseos. Mepqui apyeycajascaoc nic nat lhip aplhanma, acno lhip aptemaclha appeyvomo.

SALMOS 12:5

Intomjac Visqui ingac appayvam: —Acpecjam opasingvoclha. Olmeyvoc sat apquillingaycamco najan acyajapo apquilvalhoc — intomjac appayvam.

SALMOS 12:6

Mepqui apyeycajascaoc mataa aplhanma Visqui ingac. Acyitsomalhca asoc alyinmom ayalhnasomalhca naysicsa talha (7 veces).

SALMOS 34:8

Elanojo sat quellhip, elyipcon sat aptemaclha aptamila Visqui ingac. Apquilinyejemoc anco enlhit aptomja apcayo Visqui ingac.

SALMOS 91:15

Olyejiclhojoc sat selmalhna inlhojo asoc. Opasmoc sat naysicsa aplingaycamco acyimtalhnama. Ovomsic sat tap. Colhic sat ayaco apvisay.

ÉXODO 12:41

Natamin apquilyinyovquic nic nat yoclhlilhma Egipto. Appintalhnama ilhnic nat enlhit apancaoc Dios.

ÉXODO 12:51

Eyca as acnim apquilyinyovquiscama ilhnic nat Dios Apyimtalhnamo enlhitaoc Israel yoclhilhma Egipto. Appintalhnama ilhnic nat enlhitaoc.

ÉXODO 13:5

Ellana sat fiesta as acnim acyitnama ingatic yoclhilhma apquilvoycamlha. Enaliclhac sat quellhip Dios Apyimtalhnamo yoclhilhma actomja apancaoc enlhit cananeos, najan enlhit heteos, najan enlhit amorreos, najan heveos najan jebuseos. Aplhanma Dios Apyimtalhnamo actomja nasoc anco ellhovamcoc apquilyeyjamcaa as yoclhilhma. Malha acyitnamaclha yingmin sat cotnejic leche ningyam najan yamyovjene, mepqui ninsovjomo.

ÉXODO 3:17

Intomjac alhta mocjam appayvam: Onalovsingvoclhac sat quellhip yoclhilhma Egipto. Olyinyovsic sat actemaclha apquillingaycamco. Onalaclhac sat apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo, yoclhilhma acyitnamaclha leche najan apquimjaclha yovjan — sat itne elanic.

ÉXODO 34:11

Elyiplovquis sat quilhvo nac jay siyanamaclha quellhip. Olantipsic sat napatavo quellhip actomja apquilaoclha amorreos, cananeos, hititas, ferezeos, heveos najan jebuseos.

ÉXODO 5:23

Acvoclhec alhta coo apnaclha apvisqui faraón yoyam opamejitsic ayinyema lhip. Inyiplovcoc alhta apquilsilhnanomap enlhitaoc Israel. Am elvomcasac mocjam tap lhip enlhit apancaoc — nic nat aptomjac Moisés.

ISAÍAS 36:17

Onaliclhac sat quellhip yoclhilhma actamila anco, acno apquilaoclha quellhip. Yoclhilhma apquimjaclha trigo najan ayimjaclha uva. Colhic sat allana pan najan uva ayingmenic. Yoclhilhma acyitnaclha aceite ayingmenic najan apquimjaclha yamyovjene. Eleyoc sat quellhip mepqui amyaa ningitsepma. Noelaylhojo nasa Ezequías appayvam aptomja apyinimquiscama appayvam: Dios Visqui ingac jingilvomsic sat tap — intomjac appayvam.

ISAÍAS 64:1

Aptomjac nic nat mocjam profeta: Imayes sat lhip netin, ivayventa sat nalhpop. Colpilhyinamoc sat inquilhe.

JEREMÍAS 11:5

Apquilyiplovcasquic sat ancoc quellhip, osavojoc sat siclhanma mepqui sicyeycajascaoc napatavo apquilyeyjamcaa nanoc nat. Omquecsic sat yoclhilhma alhnancoc, apnamcaclha quellhip as ningvamlha nac jay, acvisay acyitnamaclha leche najan apquimjaclha yovjan — alhta aptomjac seyanya coo. Ayatingmavoc alhta coo: Naso, Visqui ingac — alhta actomjac coo.

JEREMÍAS 2:7

Acnalantac alhta quellhip yoclhilhma actamila, yoyam eltovamcoc quellhip acyilhna altamila najan nintom actamila. Apquilvaac alhta quellhip, apnatovasquic alhta as yoclhilhma. Yiplovcoc alhta sictanoncama yoclhilhma ajanco.

JEREMÍAS 32:22

Apquilhocac nic nat israelitas as yoclhilhma, ayinyema lhip, acvisay apquimjaclha yovjan (yamyovjene) najan leche malha acyitnamaclha yingmin. Lhip nic nat aplhanma napatavo ningilyeyjamcaa, yoyam ellhovamcoc.

EZEQUIEL 20:6

Inlhenquic evalhoc oyinyovsic sat yoclhilhma Egipto, onaliclhac sat enlhit silyacyescama moc yoclhilhma sictingyasquiscama siclho. Acvisay yoclhilhma acyitnamaclha leche najan apquimjaclha yovjan, actamila anco as yoclhilhma, am colhno moc yoclhilhma as nalhpop.

LEVÍTICO 20:24

Apquillinga inyicje quellhip sicpayvam silanya: —Ellhococ sat quellhip as yoclhilhma, eltimjic avtip. Coo sicmescama sat cotnejic. Yoclhilhma acvisay acyitnamaclha leche najan apquimjaclha yovjan. Coo sicvisay Dios Visqui apancaoc quellhip. Coo silyacyescama quellhip nipyesicsa enlhitaoc lhalhma anco.

AMÓS 2:10

Coo alhta sicyinyovquiscama yoclhilhma Egipto. Acnalaclhec alhta cuarenta años yoclhilhma actamopeycaoc, acvaycmo yoclhilhma amorreos, yoyam ellhovamcoc enlhitaoc Israel.

NÚMEROS 13:18

Eltiyaningvomjo sat actemaclha yoclhilhma najan apquiltemaclha enlhitaoc maa. Naso ya apquilyimnatem maa. Naso ya appintalhnama maa.

NÚMEROS 13:19

Eltiyaningvomjo sat apquilcaycaoc. Naso ya actamila maa. Eltiyaningvomjo apyitnaclha tingma apvanyam. Yitne ya apjalhtam mataymong.

NÚMEROS 13:27

Apquiltimnam nic nat actemaclha apquillhingam: —Ningilvoclhec alhta yoclhilhma singilapajasaclha alhta lhip. Nasoc anco alhta, malha acyitnamaclha leche najan apquimjaclha yovjan. Eycaso yamit acyilhna ayinyema maa.

SAN JUAN 3:13

‘Aptomjac alhta mocjam: Paj mocjam lhama enlhit apvaycmo netin. Apvamlha pac apvaycmo maa aptomja apvayveyquinta as nalhpop. Apmaclha maa netin apvisay Aptiyam Aptomja Enlhit.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

DEUTERONOMIO 1:25

Apquiljalhyovasquic alhta cotlaycaoc yamit acyilhna. Ingilsantimcasquic alhta acyilhna, apquiltomja singilanya: Actamila anco as yoclhilhma singmescama Dios — alhta apquiltomjac.

DEUTERONOMIO 1:7

Elsavojo apquilnatam quellhip, elyas sat inquilhe apquileyvomaclha amorreos najan yoclhilhma nipyava maa: yoclhilhma Arabá acma inquilha, najan amyip acvanyam maa, najan acvisay Néguev, najan nicja yingmin acvanyam, najan apquileyvomaclha cananeos, najan inquilhe Líbano acvaycmo vatsam acyivey Eufrates.

DEUTERONOMIO 27:3

Colhic sat acnatalhesa sicpayvam siyanama quellhip. Elvitac sat quellhip yoclhilhma alhnancoc, aplhanma alhta Dios ellhovamcoc quellhip. Acvisay yoclhilhma acyitnamaclha leche najan apquimjaclha yovjan. Cotnejic sat acno aplhanma alhta Dios napatavo ningilyeyjamcaa.

DEUTERONOMIO 28:11

Colhic sat aclhamasquiclha apquitquic quellhip, najan apnatoscama ayitcavoc, najan cotlaycaoc acyilhna, aplhanma ilhnic nat Dios mepqui apyeycajascaoc napatavo apquilyeyjamcaa.

DEUTERONOMIO 6:3

Quellhip enaymacoc Israel, elyiplovcasojo mataa quellhip. Coytic sat mataa actamilaycam apquilvalhoc quellhip. Ellhamiclhac sat quellhip as yoclhilhma acyitnamaclha leche najan apquimjaclha yovjan, acno aplhanma siclhoc nic nat Dios napatavo apquilyeyjamcaa.

DEUTERONOMIO 7:1

Aptomjac nic nat Moisés apquilanya: —Dios Visqui ingac enaliclhac sat quellhip yoclhilhma alhnancoc. Eltimjic sat apancaoc quellhip yoyam elhnam. Elantipsacpoc sat actomja apquilaoclha siete naciones enlhitaoc appintalhnama najan apquilyimnatem. Apquilvisay enlhitaoc hititas, najan gergeseos, najan amorreos, najan cananeos, najan ferezeos, najan heveos najan jebuseos.

JOSUÉ 5:6

Apquileyvec nic nat enlhitaoc Israel cuarenta años yoclhilhma actamopeycaoc. Yoclhilhma Egipto ilhnic nat apquilinyemac. Apquilsovquic nic nat apquilmaycam aplhamoclhojo enlhit. Apquilitsepquic nic nat ayinyema melilyajayquiclho Dios appayvam, aplhanma actomja nasoc anco yoyam melvityejec sat yoclhilhma. Aplhenquic nic nat actomja nasoc anco Dios napatavo ningilyeyjamcaa, ongillhocac sat yoclhilhma acyitnamaclha leche najan apquimjaclha yovjan.

JOSUÉ 9:1

Inlingalhuqic nic nat amyaa apquilyimnatem apanco enlhitaoc Israel. Apquillingac nic nat apquilviscaa, najan amorreos, najan cananeos, najan ferezeos, najan heveos, najan jebuseos. (Apquileyvec nic nat as apquilviscaa vatsam, payjoc actalhningvamlha acnim. Najan payjoc inquilhe alvinatem, najan payjoc amyip acvanyam, najan nicja yingmin acvanyam Mediterráneo acvaycmo yoclhilhma Líbano.)

JOSUÉ 9:7

Apquilatingmavoc nic nat enlhitaoc Israel: —Quitoc lhaja apquilinyemayaclha quellhip. ¿Co la actema, yoyam ongillana pacto actemaclha ningmiyovmalhca? — nic nat apquiltomjac.