ÉXODO 3:7 - Enhlit Bible

⁷ Aptomjac nic nat Dios Apyimtalhnamo apcanya: —Acvitac lhac enlhit ajancaoc hebreos yoclhilhma Egipto. Acvitac lhac actemaclha apquillingaycamco. Aclingac lhac apquilpalhamaycam ayinyema apquilyicpilhquetaycaoc co Egipto. Acyasamcoc coo actemaclha apquillingaycamco acmasca.

ÉXODO 3:7 Iomraidhean Croise

GÉNESIS 16:11

Inlovsoc intomjac lhiya, cotimsic sat ayitca. Coltime sat apvisay Ismael. Ayinyemaclha aplingac Dios actemaclha aclingaycamco acyimtalhnama lhiya.

GÉNESIS 18:21

Altamjoc otyaningvomjoc maa, yoyam olanojo apquiltemaclha enlhitaoc. Nasoc lhaja amyaa apquillhenamap siclinga coo. Altamjoc oyasamcojoc maa— nic nat aptomjac.

GÉNESIS 21:17

Aplingac nic nat Dios actemaclha apvinama sicaa. Pilapcasquic nic nat aclinga ayinyema netin appayvam ángel Dios apcasinancama. Aptomjac nic nat ángel apcanya sicaa inquin: —Lhiya Agar, ¿so actomja yi? Nonca nasa lhiya. Aplingac lhac Dios apvinaclha sicaa.

GÉNESIS 29:32

Inlovsoc nic nat intomjac Lea. Aptiyacmec nic nat ayitca. Inquiltimec nic nat apvisay Rubén, Sictamongvoyam. Intomjac nic nat avalhoc Lea: —Apvitac Dios actemaclha acyitnocjayo evalhoc. Jeyasicjiclhojoc sat mocjam etava— nic nat intomjac avalhoc.

GÉNESIS 31:12

Aptomjac alhta ángel seyanya coo: Quip ilanojo apquilinava apquilaplhingam apquilvanaa. Aplhamoclhojo apquiltomja apquilmopeycam najan apquilpilhpopoy. Acyasingveclhoc coo aptemaclha mataa Labán napato lhip.

GÉNESIS 31:42

Epasmec alhta mataa Dios Abraham apvisqui pac najan coo tata apvisqui pac. Am alhta copvanac lhip jeyapajacsic mepqui asoc sicsoycam. Apvitac alhta Dios actemaclha acyitnocjayo evalhoc. Aptomjac alhta apcanem etamilsojoc apvalhoc lhip sicnaclha coo— nic nat aptomjac Jacob.

2 SAMUEL 22:28

Apmiyovquic mataa lhip, apvita inlhojo enlhit conjamalhco apvalhoc. Apquinmelham mataa lhip, apvita inlhojo enlhit ayajamalhco apvalhoc.

2 REYES 13:4

Apquilmalhnaquic nic nat Joacaz Dios Visqui ingac, yoyam epasmoc. Apjalhnoc nic nat Dios apquilmalhnancama, apvita apquillingaycamco israelitas nipyesicsa co Siria.

2 REYES 20:5

Lhip Isaías, iltimnasquiclha sat apvisqui Ezequías coo sicpayvam: Eycaso Dios appayvam, lhip apyeyjamcaa David apvisqui apanco. Acjalhnoc lhip appayvam selmalhnaycam, acvitac coo apate ayingmenic. Pac otamilquiscomoc sat lhip. Etingyac sat mocjam lhip tingma apponquinomap acvaycmo tres acnim.

NEHEMÍAS 9:9

Apvitac nic nat lhip apquillingaycamco acyimtalhnama ningilyeyjamcaa yoclhilhma Egipto. Apjalhnoc nic nat lhip apquilmalhnancama payjoc Yingmin Acyilhvasem (Mar Rojo).,

SALMOS 106:44

Apvitac nic nat Dios actemaclha apquiliclhangveycam.

SALMOS 12:6

Mepqui apyeycajascaoc mataa aplhanma Visqui ingac. Acyitsomalhca asoc alyinmom ayalhnasomalhca naysicsa talha (7 veces).

SALMOS 142:3

Inlingamcoc mataa evalhoc coo. Visqui ajac. Apyasamcoc lhip amay ajac (yavamlha oyiplaclha). Apquillanac alhta quiljanma, yoyam jelmoc.

SALMOS 145:19

Apjalhnoc mataa ningilmalhnancama ningiltomja ningilayo. Jingilpasmoc sat mataa, jingvomsic sat tap.

SALMOS 22:24

Am jingvennam mataa Visqui ingac naysicsa ninlingaycamco acyimtalhnama. Ingilanam mataa Visqui ingac. Apjalhnoc mataa naysicsa ningvíneycam.

SALMOS 34:4

Ayitamquic alhta Visqui ingac. Aplingoc alhta sicpayvam. Apmascosquic alhta Visqui ingac actemaclha ayay evalhoc.

SALMOS 34:6

Ayevam alhta coo Visqui ajac naysicsa siclingaycamco acyimtalhnama. Apmascosquic alhta actemaclha ayay evalhoc.

SALMOS 35:22

Apvitac lhip Visqui ingac apquiltemaclha apancaoc. Jemyov coo. Novanma nasa. Iyanmongsiclha apquiltemaclha apancaoc.

SALMOS 9:14

Yoyam olngacsic sat lhip mayayo nipyesicsa tingma Jerusalén. Silinyejemo coo ayinyema sevomquiscama tap.

ÉXODO 1:11

Apquiltimesacpec nic nat apquilimja apmamyi egipcios. Apquiltamjoc nic nat ellingamcojo acyimtalhnama apquiltamjaycam enlhitaoc Israel. Apquillanac nic nat tingma apquilyivey najan acnaycamcolha nintom. Apvisqui faraón nic nat apancaoc. Lhama ilhnic nat apvisay tingma Pitón, poc nic nat apvisay tingma Ramesés.

ÉXODO 1:8

Apvisqui apjalhnancoc nic nat aptimesacpoc yoclhilhma Egipto. Am nic nat elngayac apvisay José. Aptomjac nic nat apvisqui apquilanya enlhitaoc:

ÉXODO 22:23

Inlingalhquic sat ancoc allingaycamco acyimtalhnama, ongvaylhojoc sat selmalhnaycam, yoyam opasmoc.

ÉXODO 33:13

Nasoc sat ancoc, jeyascasingvom sat lhip apmayjayoclha moyascamejec sat mataa lhip appayvam naysicsa seyasicjayo. Quip ilanojo lhip apnaymacoc (apquitquic), appintalhnama as enlhitaoc — nic nat aptomjac Moisés.

ÉXODO 5:10

Apquillhinquic nic nat yatapquilviscaa najan apquilimja apmamyi co Egipto. Apquiltomjac nic nat apquilanya enlhitaoc Israel: Eycaso appayvam apvisqui faraón: —Colhejec sat mocjam almesa papiyov.

ÉXODO 5:6

Apcansaclhec nic nat apvisqui faraón as acnim aplhamoclhojo yatapquilviscaa najan apquilimja apmamyi co Egipto. Aptomjac nic nat apquilanya:

ISAÍAS 63:9

Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.

NÚMEROS 20:16

Ningilmalhnaquic alhta Dios yoyam jingilpasmoc. Aplingac alhta ningilmalhnancama ningiliclhangveycam. Apcapajasquic nic nat Dios lhama ángel apcasinancama. Ingilyinyovcasquic alhta yoclhilhma Egipto. Ningvaac as tingma Cades, nicja yoclhilhma.

LOS HECHOS 7:34

Acvitac coo enlhitaoc selancam apnatovasomap yoclhilhma Egipto. Aclingac coo apquiliclhangveycam. Acvayventac coo, yoyam olvomsic tap as enlhitaoc. Ingva, ongvapajacsic sat lhip yoclhilhma Egipto” —nic nat aptomjac apcanya.

HEBREOS 4:15

Apvanquic Jesús jinglingamcojoc lhama naysicsa mepqui ningilyimnatem yoyam jingimlimojo. Innec alhta acyicpilco Jesús ningnoc nincoo lha. Am alhta eyca coyitnac meyascalhma Jesús.

1 SAMUEL 9:16

—Ongvapajacsic sat lhama enlhit apnaclha lhip, secaseclha acvamlha hora nac jay. Ingyinyemac sat Benjamín apcaoclha. Itnesquis sat apvisqui nipyesicsa enlhitaoc Israel. Iyilhvatas sat olivo ayingmenic actemaclha monquinatquiscama aptimesomap apvisqui. Elvomsic sat tap enlhitaoc ajancaoc nipyesicsa enlhitaoc filisteos. Acvitac coo actemaclha apquillingaycamco enlhitaoc ajancaoc. Aclingac coo apquililpalhamaycam — nic nat aptomjac Dios.