ÉXODO 3:4 - Enhlit Bible

⁴ Apvitac nic nat Dios Apyimtalhnamo actemaclha apyoycta Moisés. Aptomjac nic nat Dios Apyimtalhnamo apcanya: —¡Moisés! ¡Moisés! — nic nat aptomjac. Apcatingmavoc nic nat Moisés: —Acnec coo aso — nic nat aptomjac.

ÉXODO 3:4 Iomraidhean Croise

GÉNESIS 22:1

Nalhit acnim nic nat intomjac. Apyipconquic nic nat Dios actemaclha meyasquiyam Abraham. Aptomjac nic nat Dios apquevamcaa: —Abraham— nic nat aptomjac. Apcatingmavoc nic nat Abraham: —Acnec coo aso— nic nat aptomjac.

GÉNESIS 22:11

Yejemoc nic nat aplinga appayvam ayinyema netin: —¡Abraham! ¡Abraham!— nic nat aptomjac ángel Visqui netin apcasinancama. Apcatingmavoc nic nat Abraham: —Coo nac aso— nic nat aptomjac.

GÉNESIS 28:16

Aplhaticjac nic nat Jacob. Intomjac nic nat apvalhoc: Nasoc lhac apvaa Dios Apyimtalhnamo. Paj lhac oyasamcoc— nic nat intomjac apvalhoc.

GÉNESIS 46:2

Invitac nic nat apvanmoncama alhtaa apquilyap (Israel). Aptomjac nic nat Dios apcanya: —Jacob, Jacob— nic nat aptomjac. Apcatingmavoc nic nat Jacob: —Acnec coo aso— nic nat aptomjac.

SALMOS 62:11

Anit siclingayclha alhta Dios appayvam: —Sicvamlha ajanco sicyimtalhnamo — alhta aptomjac. Lhip Visqui ingac aptomja singilasicjayo. Aptomja apyanmongsayclha aclhamoclhojo apquiltemaclha enlhitaoc.

ÉXODO 19:3

Apquinamtec nic nat netin inquilhe Moisés. Yejemoc nic nat aplinga Moisés Dios appayvam ayinyema netin inquilhe: —Itne sat elanic enlhitaoc Israel apquilvisay Jacob apmolhama:

ÉXODO 3:2

Pilapcasquic nic nat apvitacpo lhama ángel apquinyema Dios Apyimtalhnamo. Apvitacpec nic nat ángel naysicsa talha alayvom yamit acmeta. Apquilanam nic nat Moisés. Apvitac nic nat yamit naysicsa talha alayvom. Am nic nat comyetac yamit.

ÉXODO 33:12

Aptomjac nic nat Moisés apcanya Dios: —Quip ilanojo. Apquiltamjoc lhip onaliclha apyovoclhojo enlhitaoc. Am elhenac mocjam apvisay siclhalhma. Aplhanma alhta lhip seyicpilquemo coo najan seyasicjayo.

ÉXODO 4:5

Melyascamejec sat enlhitaoc Israel apvitay lhip Dios Apyimtalhnamo aptomja apquilyeyjamcaa Apvisqui apancaoc najan Abraham Apvisqui pac najan Isaac Apvisqui pac najan Jacob Apvisqui pac — nic nat aptomjac.

LEVÍTICO 1:1

Apcanyacpec nic nat Moisés congne carpa apponquinomap, ayinyema apcanama Visqui ingac:

LOS HECHOS 10:13

Aplingac alhta appayvam: —Pedro, itnimiclha netin. Ilnajap, itov sat —alhta intomjac aplingay.

LOS HECHOS 10:3

Lhama actalhnam alhta a las tres apvito Cornelio napaat ángel Dios apcasinancama. Malha aptalhningvoy alhta intomjac apnaclha. Aptomjac alhta apcanya: —¡Cornelio! —alhta aptomjac.

LOS HECHOS 9:4

Yejemoc alhta apquilpolintamo nalhpop Saulo. Aplingac alhta lhama appayvam: —Saulo, Saulo. ¿Soctomja seyamasamcaa nac? —alhta intomjac aplingay.

DEUTERONOMIO 33:16

Ellhovamcoc sat altamila acyilhna acnaycaoc as nalhpop. Aptomjac nat Dios appayvam ayinyema yamit acma amaoc (mepqui acmeta), ingyasicjojoc sat mataa apquilmolhama José, aptomja apquilyacyesomap nipyesicsa quilpipma.

1 SAMUEL 3:10

Apvaac nic nat Dios aptomja apquevamcaa: —¡Samuel! ¡Samuel! — nic nat aptomjac. —Sicvisay silancam lhip. Jeyane sat lhip, pac ongvaylhojoc — nic nat aptomjac Samuel.

1 SAMUEL 3:4

Aptomjac nic nat Dios apquevamcaa: —¡Samuel! — nic nat aptomjac. —¡Eje coo! — nic nat aptomjac apcatingmavo.

1 SAMUEL 3:6

Mocjam lhama apquevoycam Dios, aptomja apcanya: —¡Samuel! — nic nat aptomjac. Pilapcasquic nic nat Samuel aplinga. Apmiyaclhec nic nat apnaclha Elí, appamejitsa: —Lhip lhac seyeveycam, ¿soc amyaa yi? — nic nat aptomjac. Apcatingmavoc nic nat Elí: —Jave, am ongvevam lhac lhip. Itajojo, ityin sat mocjam lhip — nic nat aptomjac.

1 SAMUEL 3:8

Natqui ilhnic nat intomjac apqueveycam Dios. Aplhaticjac nic nat Samuel. Apyoclhec nic nat, aptomja apcanya: —Lhip lhac seyeveycam, ¿soc amyaa yi? — nic nat aptomjac. Apyasingvocmec nic nat Elí ayinyemayaclha appayvam apcanyacpo apyimnanic.