ÉXODO 29:9 - Enhlit Bible

⁹ Ipquin sat apyitsicsaoc apava apquilpocanma, itjit sat apyapmam niplhita, najan Aarón najan apquitquic. Eltimjic sat apquilyimtalhnamo, comasquejec sat mataa apquiltimesaycam sacerdotes.

ÉXODO 29:9 Iomraidhean Croise

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 28:1

Itne sat lhip aplhalhma Aarón najan apquitquic Nadab, najan Abiú, najan Eleazar, najan Itamar, eltimjic sat sacerdotes ajanco.

ÉXODO 32:29

Aptomjac nic nat Moisés apquilanya: —Apquilyajaclhoc quellhip Dios appayvam. Mepqui apquilmasma quellhip apquitquic najan apquilyalhinga, yoyam eticyo. Malha macmescama Dios intomjac apticyovam, ayinyema quellhip. Apquillhocac quellhip apvaticjapquiscama Dios, yoyam epasmoc mataa — nic nat aptomjac Moisés.

ÉXODO 40:15

Ingyilhpaja sat lhip asoc masis apyitsicsaoc acponquinquiscama apquitquic. Acno siclho macponquinquiscama Aarón. Eltimjic sat apquillingascama sicvisay apquilponquinomap. Eycaso macponquinquiscamaclha cotnejic sat cotmongvoycamlha nelha. Elhnasojoc sat apquiltemaclha aptovana niptamin apyovoclhojo.

LEVÍTICO 8:1

Aptomjac nic nat Dios apcanya Moisés:

LEVÍTICO 8:13

Apquilyoclhec nic nat Aarón apquitquic. Aptalhnesquic nic nat Moisés apava apquilantalhnama túnicas, apquilyipitcasquic nic nat apquilyapmam cinturón niplhita, apnatetquic nic nat apyitsicsaoc turbante apquilpocanma, acno apcanama siclho Dios.

LEVÍTICO 8:33

Noelyinyov nasa apatong carpa apponquinomap acvaycmo siete acnim, acsovjalhco inlhojo apquilponquinquiscama.

NÚMEROS 16:10

Apquiltamjoc Dios eltimesam lhip najan apnaymacoc levitas napato Dios Visqui ingac. ¿So actomja yi apquililtamjoc quellhip eltimjic sacerdotes?

NÚMEROS 16:35

Apcapajasquic nic nat Dios talha, actomja alnapma doscientos cincuenta apquilmapsomcaa, apquilsantama siclho asoc acmasis apnaclha Dios.

NÚMEROS 16:40

Incaymalhquic elavojoc mataa israelitas. Paj poc enlhit apmopvan elvitic talha netin altar apquilvatnamaclha asoc acmasis, apquilvamlha Aarón aptovana najan aptovana niptamin. Poc enlhit elngamcojoc sat acyanmongayclha, acno apquillingaycamco Coré najan apquillhalhmaa. Apquilvajanamquic nic nat mataa, acno apcanama siclho Dios, aplingascama Moisés apcanyacpo ellana Eleazar.

NÚMEROS 18:7

Apvamlha lhip najan lhip apquitquic eltimjic sacerdotes, eltimesam sat acyitnamaclha altar najan payjoc aplhancoc apponquinomap apanco. Coo alhta silyacyescama quellhip eltimjic sacerdotes, paj poc. Apvitacpec sat ancoc poc aptimesaycam apquilpalhcomap sacerdotes, ematong sat quilhvo — nic nat aptomjac Dios.

NÚMEROS 25:13

Eltimjic sat mataa sacerdotes Finees najan aptovana cotmongvoycamlha nelha. Avanjec alhta semasma coo Finees, yiplovcoc alhta siyasicjayquiclha mocjam apyovoclhojo enlhitaoc — nic nat aptomjac.

NÚMEROS 3:10

Apvamlha Aarón najan aptovana niptamin apquilmopvan eltimjic sacerdotes. Apvitacpec sat ancoc sacerdote metnaja apmolhama Leví, ematong sat maa — alhta aptomjac Dios — nic nat aptomjac Moisés.

DEUTERONOMIO 18:5

Dios alhta apquilyacyescama siclho nipyesicsa apquilmolhama tribus, eltimjic sat enlhitaoc levitas najan apquitquic sacerdotes apquiltimesaycam Dios.

HEBREOS 5:10

Aptimec alhta Dios apvisay Apquitca apquilancam apno ilhnic nat apmolhama Melquisedec.

JUECES 17:5

Yitnec nic nat tingma pac aplhancoc acponquinomalhca, acyitnamaclha quilaycmasquiscama. Intingyalhquic nic nat apquilmaycam sacerdote najan moc quilaycmasquiscama alvisay dioses. Aptimesacpec nic nat sacerdote lhama apquitca Micaía.

1 SAMUEL 2:30

Alyacyesquic alhta eltimjic sacerdotes lhip apquilmolhama, ongvanic lhip quilhvo nac jay: Colhic sat ayaco enlhit aptomja seyayo. Colhic sat acvenná enlhit aptomja sevennéycam coo. Coo sicvisay Dios Visqui apancaoc Israel, siclhanma sicpayvam.