ÉXODO 28:3 - Enhlit Bible

³ Itingya sat lhip enlhit apquilmopvan apquillanay apava apquilantalhnama aptema nac jay, ayinyema coo sicmescama apquilmopvan. Ellanac sat apava apquilantalhnama Aarón, aptomja sacerdote apyimtalhnamo najato.

ÉXODO 28:3 Iomraidhean Croise

1 REYES 7:14

Inquin nic nat tampeyi ayinyema apquilmolhama Neftali. Apyap nic nat co Tiro. Apyap nic nat apmopvan aptamjaycam bronce tava apac. Apyascamco apanco ilhnic nat Hiram, apmopvan ellana apquilmaycam de bronce. Apvaac nic nat apnaclha apvisqui Salomón, aptimesacpo apquimja apmamyi allanomalhquilha bronce.

ÉXODO 35:10

Aptomjac nic nat Moisés apquilanya: Incaymalhquic enlhit apquilmopvan ellana asoc elilhyemoc, yoyam elpasmiclha apquilanyomap ellana:

ÉXODO 35:25

Quilvanaa almovancaa alyipnatem apava alsantimquisa apava morada, najan apava púrpura, najan apava apyilhvasem, najan apava lino.

ÉXODO 35:30

Aptomjac nic nat Moisés apquilanya israelitas: Quip elanojo quellhip. Visqui ingac aptomja apquilyacyescama nipyesicsa apquilmolhama Judá, enlhit apvisay Bezaleel, Uri apquitca, Hur aptavin.

ÉXODO 35:31

Espíritu de Dios apnac apvalhoc as enlhit, najan acyascamco apvalhoc, najan acyicpilquemo apvalhoc, najan apmopvan ellana alhancoc asoc.

ÉXODO 35:35

Espíritu de Dios apna apvalhoc as enlhit najan aptamjaycamó lhama, yoyam colhic allana asoc altamila alcajasomalhca, najan apava morada acma aptalhamavo, najan apava púrpura, najan apava apyilhvasem, najan apava lino, najan alyipnatem moclhama apava ayaymomalhca.

ÉXODO 36:1

Apquiltimesam nic nat apvisay Bezaleel, najan aptamjaycamó lhama Aholiab najan poc apquilmopvancaa ellana lhama asoc. Visqui ingac nic nat ayinyema acyascamco apquilvalhoc najan acyicpilquemo apquilvalhoc, yoyam ellana asoc ayaymomalhca apquilmaycam carpa apponquinomap, acno apcanama siclho Visqui ingac.

ÉXODO 36:2

Apcansaclhec nic nat Moisés as apcanit: Bezaleel, najan Aholiab najan apyovoclhojo apquilmopvancaa ellana asoc apquilmaycam najan apquilnatanma, ayinyema ilhnic nat Visqui ingac apquilmopvan. Najan apyovoclhojo apquilsayquinta ofrendas macmescama Dios, elpasmoc sat apquiltamjaycam.

PROVERBIOS 2:6

Visqui ingac ayinyema nintemaclha ningyascamco. Appayvam apanco ayinyema nintemaclha ningyascamco najan nintemaclha ningyicpilquemo.

ISAÍAS 11:2

Elhic sat mataa espíritu apanco Dios apvalhoc maa. Colhic sat acyascamco apvalhoc, najan acyimtalhnamo apvalhoc, najan acmovan apvalhoc, najan acyicpilquemo apvalhoc, najan alyajayquiclho apvalhoc napato Dios.

EFESIOS 1:17

Dios aptomja Jesucristo Visqui ingac Apyap najan aptomja Ingyapam apyimtalhnamo. Almalhnescasquic coo mataa yoyam ellhovac quellhip actemaclha ningyascamco najan actemaclha singyascasingvoyam ayinyema Espíritu apanco Dios. Coyangvomoc sat apquilyasingvoyam quellhip aptemaclha Dios.

DEUTERONOMIO 34:9

Aplhocac nic nat Josué, Nun apquitca apyascamcolhma. Ayinyema ilhnic nat apnincanma apmeoc Moisés apyitsicsic Josué. Apquilyajaclhoc nic nat mataa apnaymacoc Israel, acno ilhnic nat apcanama siclho Moisés.

SANTIAGO 1:17

Aclhamoclhojo asoc altamila najan actomja nasoc anco alinyema netin. Alinyema Dios Ingyapam aptomja apquillanay nic nat alitsasquiscamalhma netin. Lhama mataa aptemaclha apanco Dios Ingyapam. Metnejec malha yatescamalhma acyanmongsaycaoc mataa ayitsayolhma.