ÉXODO 25:8 - Enhlit Bible

⁸ Jelanesquis lhama carpa apponquinomap, yoyam olhic sat coo nipyesicsa israelitas.

ÉXODO 25:8 Iomraidhean Croise

1 REYES 6:13

Olhic sat tingma nipyesicsa enlhitaoc Israel. Moyinyovejec sat mataa enlhitaoc ajancaoc Israel — nic nat aptomjac Dios.

1 CRÓNICAS 22:19

¡Colhen apquilvalhoc quellhip, eltingya sat mataa Dios Visqui ingac! Ellana sat Dios tingma pac apponquinomap. Colhic sat maa congne cofre del pacto, yamit aysicsic acyitnamaclha Dios appayvam, najan maa apquilmaycam alponquinomalhca. Colhic sat allana tingma apponquinomap — nic nat aptomjac David.

ÉXODO 15:17

Dios Apyimtalhnamo. Jingnaliclha sat yoyam onlhic inquilhe acponquinomalhca. Lhip apquilyacyescama yoyam elhic, cotnejic apmaclha. Tingma apponquinomap apanco, lhip apponquinquiscama.

ÉXODO 15:2

Omnaycmacsic siyayo Dios Apyimtalhnamo, aptomja seyimnatescama najan sevomquiscama tap. Otnejic mataa siyayo apvisay Dios Apyimtalhnamo. Otnejic siyayo apvisay apyimtalhnamo, apvisqui apancaoc sicyeyjamcaa.

ÉXODO 29:45

Otnejic sat sicmaclha nipyesicsa israelitas, otnejic Visqui apancaoc Dios.

ÉXODO 29:46

Elyasingvomoc sat sicvisay Dios Visqui apancaoc, sicyinyovquiscama nat yoclhilhma Egipto, yoyam olhic sat nipyesicsa. Coo sicvisay Dios Visqui apancaoc— nic nat aptomjac Dios.

ISAÍAS 12:6

Elilpalhamam sat quellhip apnaycam tingma Jerusalén. Apnec nipyesicsa quellhip Dios Visqui ingac aptomja apyimtalhnamo apanco, apvisay Santo mayayo — sat eltimjic quellhip — nic nat aptomjac profeta.

EZEQUIEL 37:26

Ollanac sat pacto ningmiyovmalhca nipyesicsa maa, yoyam colhic sat actamilaycam apquilvalhoc cotmongvoycamlha nelha. Elhamiclhac sat israelitas eltimjic appintalhnama. Elvitac sat mataa tingma apponquinomap nipyesicsa, jeltimjic selayo.

EZEQUIEL 37:28

Elvitac sat metnaja israelitas tingma apponquinomap nipyesicsa enlhit silyacyescama coo, sictomja Dios Visqui apancaoc israelitas — alhta aptomjac.

EZEQUIEL 43:7

Eycaso sicmaclha coo netin Visqui aptajanem, sicmaclha nipyesicsa israelitas cotmongvoycamlha nelha. Covenalhquejec sat mataa sicvisay mayayoclha coo nipyesicsa israelitas, ayinyema apquilayo quilaycmasquiscama naysicsa selyamasma coo. Comascoc sat apquillanay monumentos payjoc apquilatoynamacpilha apquilviscaa apancaoc.

LEVÍTICO 10:4

Aptomjac nic nat Moisés apcanya Misael najan Elzafán, Uziel apquitquic, apyaja Aarón: —¡Elmiyanta jilip, elpatmaoclha sat apquilmolhama apquilitsepma! Elpatmaoclha sat tap carpa tingma — nic nat aptomjac.

LEVÍTICO 21:12

Elhic sat sacerdote carpa apponquinomap acvoncaclhojo yoyam colhejec actanovmalhca santuario napato Dios. Innec siclho ayatsisquisa apyitsicsic asoc acmasis, etnejic apponquinomap. Coo sicvisay Dios Visqui apancaoc quellhip.

LEVÍTICO 26:11

Olhic sat coo nipyesicsa quellhip. Motanovejec sat mataa quellhip.

LEVÍTICO 4:6

Etnejic sat apopjejic congne ema, ingyilhpajac sat siete veces apava apjalhtamomap aplhancoc apponquinomap.

ZACARÍAS 2:10

Mocjam Visqui ingac appayvam: ¡Elitsovacsojo quellhip co Jerusalén, colpayjiclha apquilvalhoc! Olhic sat nipyesicsa quellhip — alhta aptomjac.

ZACARÍAS 8:3

Olhic sat coo nipyesicsa co Jerusalén, iltamjacpoc sat tingma Mepqui Apquilvatseycaoc, najan inquilhe sicmaclha coo, cotnejic acvisay Inquilhe Acponquinomalhca.

NÚMEROS 5:3

Incaymalhquic etipsacpoc enlhit, najan cotipsalhcac quilvana ningmasquem ayajem. Incaymalhquic etipsacpoc enlhit, najan cotipsalhcac quilvana ningmasquem ayajem. Motanovejec sat apyovoclhojo apjalhnancaoc, sicvita inlhojo apquilantipsomap ningmasquem alnapma. Olhic sat nipyesicsa apjalhnancaoc — nic nat aptomjac Dios.

LOS HECHOS 7:44

“Apyitnec nic nat carpa appaclhenomap apvisay tingma apponquinomap yoclhilhma actamopeycaoc. Moisés nic nat apquillanay, actemaclha apcanama Dios Ingyapam. Aplhicmosquic nic nat Dios Ingyapam, yoyam elhnasojo apquillanay.

2 CORINTIOS 6:16

Mongvanquejec najan tingma apponquinomap ongninquinic quilaycmasquiscama alyitsomalhca Dios. Nincoo ningiltomja malha Dios tingma pac apponquinomap. Dios aptomja apquilmilaneycaoc. Aptomjac nic nat Dios: Otnejic sat tingma ajac nipyesicsa enlhitaoc, otyisam sat nipyesicsa. Otnejic sat Dios Apvisqui apancaoc enlhitaoc. Otnejic sat sicmolhama aplhamoclhojo enlhitaoc.

DEUTERONOMIO 12:11

Cotnejic sat Dios apquilyacyescama acmaclha apvisay apanco, quellhip sat conyemac ofrendas macmescama Dios: apnatoscama apticyovam malvatnama talha, yoyam colhic ayaco Dios, najan macmescama Dios lhama asoc acyitna inlhojo diez asoc (diezmo), najan contribuciones acyanmongam apquilyamasma, najan apquillhanma napato Dios mepqui apquilyeycajascaoc.

HEBREOS 3:6

Cristo aptomja Dios Apquitca najan aptomja apquilyajayquiclho. Cristo aptomja Apvisqui nipyesicsa apmolhama. Nincoo ningiltomja apmolhama. Incaymalhquic ongilinlhanmojo actemaclha mongyasquiyam najan actemaclha ningyiplovquiscama acvocmo actamongvomlha nelha. Incaymalhquic colpayjiclha ingilvalhoc naysicsa aljalhneycam ingilvalhoc.

JOSUÉ 22:31

Aptomjac nic nat Finees, sacerdote Eleazar apquitca apquilanya: — Ningilyasingvocmec quilhvo nac jay singilpasmom Dios Visqui ingac. Am alhta elsilhnanaacpoc apanco quellhip actemaclha apquilinmelhaycam Dios quellhip. Singmasma nincoo Dios Visqui ingac, monlingamquejec sat acyimtalhnama ayinyema Dios Visqui ingac — nic nat apquiltomjac.

EL APOCALIPSIS 21:3

Aclingac alhta appayvam acyimnatem ayinyema Visqui aptajanem. Intomjac alhta: —Quip ilanojo Dios apma nipyesicsa enlhitaoc. Elhic sat mataa nipyesicsa eltimjic sat enlhit apancaoc. Eltimjic sat enlhitaoc Dios Visqui apancaoc.