ÉXODO 25:16 - Enhlit Bible

¹⁶ Ipquin sat avalhoc maa anit mataymong nicjaa acnatalhesomalhca siyanamaclha.

ÉXODO 25:16 Iomraidhean Croise

1 REYES 8:9

Inyitnec nic nat avalhoc yamit aysicsic anit mataymong alpayjem acnatalhesomalhca Dios appayvam. Moisés nic nat appicanma avalhoc yamit aysicsic. Netin inquilhe Horeb nic nat apnac, naysicsa apquillanay nic nat Dios asoc monquinatquiscama actemaclha apmayjayoclha nipyesicsa enlhitaoc Israel. Natamin apquilyamasma yoclhilhma Egipto ilhnic nat intomjac.

2 REYES 11:12

Apyantementac nic nat sacerdote apvisqui rey apquitca. Appiquinquic nic nat corona appocanma najan apnatanma apanco apvisqui. Apcatsiscasquic nic nat apyitsicsic, aptimesquisa apvisqui apjalhnancoc, aplhanma apvisay apanco. Apquilpalhamam nic nat apyovoclhojo: ¡Apjalhnancoc rey visqui ingac! — nic nat apquiltomjac.

2 CRÓNICAS 23:11

Apnec nic nat Joiada najan apquitquic. Apyantementac nic nat sacerdote apvisqui rey apquitca. Appiquinquic nic nat corona appocanma najan apnatanma apanco apvisqui. Apcatsiscasquic nic nat apyitsicsic, aptimesquisa apvisqui apjalhnancoc, aplhanma apvisay apanco. Apquilpalhamam nic nat apyovoclhojo: ¡Apjalhnancoc visqui ingac rey! — nic nat apquiltomjac.

ÉXODO 16:34

Apquilyiplovcasquic nic nat apcanama Dios Apyimtalhnamo. Appiquinquic nic nat Aarón as alhancoc (valhva apquitcoc) congne yamit aysicsic acyitnamaclha Dios appayvam, colhic sat actamilsa.

ÉXODO 25:21

Ipquin sat avalhoc yamit aysicsic siyanamaclha actalhesomalhca, ingyapiclha sat atong yamit aysicsic.

ÉXODO 26:33

Itlhin sat maa apava apjalhtamomap ganchos de oro. Ipquin sat maa tap apava apjalhtamomap coytic yamit aysicsic acyitnamaclha Dios appayvam. Etnejic sat apava cortina apjalhtam, lhama nicja aplhancoc santo apponquinomap najan moc nicja aplhancoc santísimo apponquinomap apanco.

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

ÉXODO 30:36

Ilticlhic sat nicja acmasis cotniclhac anic. Ipquin sat nicja congne aplhancoc apponquinomap acyitnamaclha yamit aysicsic avalhoc maa Dios appayvam, moc acvisay sicpamejitquiscamaclha lhip. Cotnejic sat asoc santísimo acponquinomalhca.

ÉXODO 30:6

Ipquin sat altar, coytic sat jilip apava apjalhtamomap acyitnamaclha yamit aysicsic avalhoc maa Dios appayvam. Payjoc acyitnamaclha ayapma atong yamit aysicsic, sicmaclha coo yoyam opamejitsic mataa lhip.

ÉXODO 31:18

Appenasquic nic nat Dios appamejitquiscama Moisés netin inquilhe acvinatem. Aplhocac nic nat Moisés anit mataymong nicja actalhesamalhca. Dios Visqui ingac nic nat aptalhescama singanamaclha appayvam.

ÉXODO 32:15

Aptipquic nic nat Moisés netin inquilhe. Apsantac nic nat anit mataymong nicja. Yitnec nic nat aptalhescama apopejic Dios, lhama nicja mataymong najan moc nicja.

ÉXODO 34:29

Aptajavoc nic nat Moisés, aptepa inquilhe acvinatem, acvisay Sinaí. Apsovquic nic nat 2 mataymong nicjaa mactalhescama singanamaclha. Am nic nat eyasamcoc Moisés actemaclha ayapongmatem napaat. Ayinyema siclhoc appamejitquiscama Dios.

ÉXODO 38:21

Apnec nic nat Moisés, najan Itamar, sacerdote Aarón apquitca, najan levitas. Apquilanyacpec nic nat levitas elyipsitic acyovoclhojo metales (oro, plata y bronce) apquilanomap carpa santuario apponquinomap.

ÉXODO 40:20

Appiquinquic nic nat Moisés mataymong nicjaa mactalhescama avalhoc yamit aysicsic. Apcatcasquic nic nat alhataoc yamit ningmaycaoc (ninsoyam). Appiquenaclhec nic nat yamit aysicsic apvalhoc carpa apponquinomap. Apquilhnesquic nic nat apava apjalhtamomap. Actomja ilhnic nat mongvitay yamit aysicsic. Apyiplovcasquic nic nat Moisés apcanamaclha siclho Dios.

NÚMEROS 17:4

Ininquin sat yamit ayitcoc ningatoc yamit aysicsic acyitnamaclha Dios appayvam congne carpa apponquinomap, apcaneyquiclhilha quellhip najato coo.

LOS HECHOS 7:44

“Apyitnec nic nat carpa appaclhenomap apvisay tingma apponquinomap yoclhilhma actamopeycaoc. Moisés nic nat apquillanay, actemaclha apcanama Dios Ingyapam. Aplhicmosquic nic nat Dios Ingyapam, yoyam elhnasojo apquillanay.

ROMANOS 3:2

Naso, actamila anco apquiltemaclha judíos, am colhno apquiltemaclha enlhitaoc lhalhma anco. Ayinyemaclha apquillhoy apmamyi ilhnic nat judíos aplhanmaclha Dios actomja nasoc anco.

DEUTERONOMIO 31:26

—Elpiquin sat as vaycajac yamit aysicsic acyitnamaclha Dios appayvam. Coytic sat mataa nicja yamit aysicsic, malha acvitaycamco apquiltemaclha apancaoc enlhitaoc — nic nat aptomjac Moisés.

HEBREOS 9:4

Yitnec alhta maa alvatnamalhquilha asoc acmasis allanomalhca oro asoc alyinmom. Yitnec najan maa yamit aysicsic acnaycamcolha singanamaclha Moisés, oro asoc alyinmom alhta ayimpejic. Yitnec alhta avalhoc yamit aysicsic ingjaycoc oro asoc alyinmom. Yitnec alhta avalhoc ingjaycoc maná nintom nano. Yitnec najan avalhoc yamit aysicsic lhama yamit acma ilhnamoc nic nat siclho, Dios apquilancam Aarón yamit apanco. Yitnec najan avalhoc yamit aysicsic anit mataymong alpayjem acnatalhesomalhca actemaclha singanamaclha Moisés.

JOSUÉ 4:16

—Ilane sat elquimpiclha mocjam sacerdotes apquilsovm yamit aysicsic. Ilane sat elyinyoc apcanamcaclha vatsam Jordán — nic nat aptomjac.