ÉXODO 24:6 - Enhlit Bible

⁶ Apsaclhec nic nat Moisés vayqui ayitcoc em ac. Nicja ilhnic nat apyatmac asoc payjem. Moc apcayingvoyam nicja ema apyilhvatescaclhec nic nat apvatnamaclha.

ÉXODO 24:6 Iomraidhean Croise

2 REYES 17:15

Apquilvennam nic nat apcanamaclha ayinyema Dios, najan appayvam aplhanma mepqui apyeycajascaoc Dios napatavo apquilyeyjamcaa. Apquiltimec nic nat apquilayo quilaycmasquiscama ápaoc, apquiltimesomacpo apanco enlhitaoc apjápaoc. Apquilvajanamquic nic nat apquiltemaclha apancaoc apquilmapsomcaa enlhitaoc nipyava maa. Avanjec nic nat apmasma Dios elyiplovcasojo apquiltemaclha maa.

SALMOS 99:6

Sacerdotes nic nat apvisay Moisés najan Aarón. Aptimec nic nat apcayo Visqui ingac (profeta) Samuel. Apcatingmavoc nic nat mataa Visqui ingac, apquililmalhna inlhojo yoyam elpasmoc.

ÉXODO 12:22

Eltingya sat hisopo paang apva. Ellovquis sat congne ema acyitna asoc payjem. Eltilhnaoc sat tingma apatong, lhama nicja najan moc nicja najan netin tingma apatong. Copvanquejec lhama enlhit etyapvotac tingma pac acvocmo secaseclha.

ÉXODO 12:7

Elma sat em 'pac apnatoscama. Eltilhnaoc sat em 'pac tingma apatong aptovcamcolha, lhama nicja najan moc nicja najan netin tingma apatong.

ÉXODO 24:8

Apyilhvatesquic nic nat Moisés vayqui em ac tacjaplhit enlhitaoc. Aptomjac nic nat Moisés apquilanya: —Eyca as ema actomja asoc monquinatquiscama apmayjayoclha Dios Apyimtalhnamo Dios aplhanma napatavo quellhip — nic nat aptomjac.,

ÉXODO 29:16

Ingyaa sat nipquesic, ingyilhpaja sat em pac netin altar najan niyava altar apquilvatnamaclha.

ÉXODO 29:20

Ingyaa sat nipquesic, itne sat apopjejic empac ayitcoc, iltilhnaoc sat apjaycaoc derecha Aarón najan apquitquic, iltilhnaoc sat apopjejic apmic derecha, najan apopjejic apminic derecha, Aarón najan apquitquic. Iyanquin sat em pac ayaymomalhca payjoc altar avjac, najan maa netin altar.

JEREMÍAS 31:32

Moc actemaclha sat cotnejic pacto ningmiyovmalhca. Am nat colhno nipyesicsa apquilyeyjamcaa sicyinyovquiscama nat yoclhilhma Egipto, sicnalayquinta maa. Am nat elyiplovcasac pacto ningmiyovmalhca, sictimem nat Visqui apancaoc. Nasoc sicpayvam sicvisay Dios.

LEVÍTICO 1:11

Incaymalhquic enlhit (apvitip) eyantemiclha carpa tingma, ingyajic napato Dios, payjoc acyitnamaclha altar, payjoc nicja nilhqueyja. Sacerdote Aarón apquitca ingyilhpajac sat ema pac netin altar najan niyava altar apquilvatnamaclha.

LEVÍTICO 1:5

Comatong sat vayqui inquinavo napato Dios. Lhama sacerdote, Aarón apquitca, ingyilhpajac sat ema niyava altar apquilvatnamaclha, acyitna congne carpa tingma.

LEVÍTICO 3:2

Incaymalhquic enlhit eyantemiclha aptoscama carpa tingma, epquinic sat apmic netin apcatic aptoscama. Ingyajic sat payjoc apatong carpa tingma. Elilhpajac sat ema netin najan niyava altar sacerdotes.

LEVÍTICO 4:6

Etnejic sat apopjejic congne ema, ingyilhpajac sat siete veces apava apjalhtamomap aplhancoc apponquinomap.

1 CORINTIOS 11:25

Apmec alhta najan ingjaycoc uva yingmenic natamin aptoycaoc. Aptomjac alhta apquilanya: “Eycaso ingjaycoc uva yingmenic actomja asoc monquinatquiscama apmayjayoclha Dios aplhanma alhnancoc, ayinyema ema ajac acyinquinomalhca. Eltime sat mataa naysicsa apyinaycaoc yoyam coytic apatic quellhip sictemaclha coo” —alhta aptomjac.

COLOSENSES 1:20

Apquiltamjoc nic nat Dios yoyam coytic altamilaycam apquilvalhoc enlhitaoc ayinyema apquitsepma Cristo netin asoc timyescama. Apquiltamjoc nic nat Dios yoyam elasicjiclhojoc mocjam enlhitaoc apquileyvam as nalhpop najan apnaycam netin.

HEBREOS 12:24

Apquilvoclhec quellhip apnaclha Jesús aptomja singyipitcasquiclha Dios ayinyema monquinatquiscama apmayjayoclha Dios aplhanma alhnancoc. Apquilvoclhec quellhip acyitnaclha em pac Jesús mayilhpajey quellhip. Actamila anco Jesucristo em pac acyinquinomalhca, am nic nat colhnoc Abel em pac acyinquinomalhca.

HEBREOS 8:9

Am colhnoc sictimesquiscama alhta monquinatquiscama sicmayjayoclha siclhanma siclhoc anco nipyesicsa apquilyeyjamcaa. Nalhit acnim alhta sicnalovsingveclho yoclhilhma Egipto. Am alhta elilyajaclhoc monquinatquiscama sicmayjayoclha siclhanma coo. Acyinyovquic alhta enlhitaoc Israel, alhta aptomjac Dios Visqui ingac.

HEBREOS 9:18

Am nic nat comalhcac monquinatquiscama apmayjayoclha Dios aplhanma siclhoc anco mepqui ema ayinyema asoc acticyovam.

HEBREOS 9:19

Eycaso ilhnic nat aptemaclha Moisés: Apquilyipsatquic nic nat siclho napatavo enlhitaoc vaycajac acyitna aclhamoclhojo singanamaclha Dios. Apmec nic nat Moisés yamit hisopo actong najan yatepepa acmoc. Aplovcasquic nic nat navá congne ema macyatmeyquiclha yingmin. Ayinyema ilhnic nat ema asoc acticyovam. Apquilhpajac nic nat siclho vaycajac singanamaclha Dios najan aplhamoclhojo enlhitaoc aptomja apcaneyquiclha.

HEBREOS 9:21

Apquilhpajac nic nat Moisés ema tingma apponquinomap najan aclhamoclhojo asoc apquilmaycam mataa Dios apquilancam congne tingma apponquinomap.

1 SAN PEDRO 1:19

Eyca acyanmongam asoc acmamnave acvisay Jesucristo em pac. Apyinyovacpec alhta apanco Cristo yoyam ematong, malha ningmescama Dios nipquesic apquitcoc aptamila najan apjalhnancoc.

1 SAN PEDRO 1:2

Apquilyacyesquic nic nat Dios Ingyapam quellhip ayinyema aclhanma apvalhoc siclhoc ancoc. Dios aptomja apponquinquiscama quellhip ayinyema Espíritu apanco. Apquiltamjoc yoyam elilyejiclhojo quellhip Jesucristo yoyam colmascosalhca melyascalhma quellhip ayinyema em pac acyinquinomalhca. Altamjoc coo eyeycajasojo apcaycaoc Dios Ingyapam yoyam ellhova quellhip. Yoyam coytic najan actamilaycam apquilvalhoc quellhip.