ÉXODO 24:12 - Enhlit Bible

¹² Aptomjac nic nat Dios Apyimtalhnamo apcanya Moisés: —Jeyota sat lhip ayitsicsic inquilhe. Ilha sat siclho. Olmesic sat lhip mataymong nicja actalhesomalhca siyanamaclha najan siyascamaclha. Lhip sat elhicmocsic enlhitaoc Israel — nic nat aptomjac Dios.

ÉXODO 24:12 Iomraidhean Croise

1 REYES 19:11

Aptomjac nic nat Dios apcanya: —Ityip siclho. Ingyinamit sat netin inquilhe. Etac sat lhip Dios — nic nat aptomjac. Pac nic nat eyeycajangvotac Dios. Apquilhcajacmec nic nat piyam apyimnatem. Inmayjeclhec nic nat mataymong alvinatem ayinyema piyam. Inmayjeclhec nic nat lhopactic amyip. Am nic nat etacpoc Dios nipyesicsa piyam apyimnatem. Inyiplovcoc nic nat acyovjeycam lhopactic. Am nic nat etacpoc Dios naysicsa acyovjeycam lhopactic.

ESDRAS 7:10

Inlhenquic nic nat apvalhoc Esdras, esavojo apyascamco najan apyiplovquiscama apcanamaclha Dios. Elyasingvomoc sat apnaymacoc israelitas apcanamaclha najan apcascamaclha Dios.

NEHEMÍAS 9:13

Apvayventac nic nat lhip ayitsicsic inquilhe acvinatem Sinai. Appamejitquiscama nic nat lhip ayinyema netin, moclhama singanamaclha najan singascamaclha alpeyvomo najan altamila.

NEHEMÍAS 9:14

Apcanama nic nat lhip eltamilsic acnim ninnayclha. Aplhocac nic nat Moisés singanamaclha najan singascamaclha acpeyvomo.

SALMOS 19:12

¿Ningyasamco ya acvamlha ningilsilhnanomalhca inganco? Lhip Dios Visqui ingac, isavojo emascocsic actemaclha sicsilhnanomalhca ajanco.

ÉXODO 19:3

Apquinamtec nic nat netin inquilhe Moisés. Yejemoc nic nat aplinga Moisés Dios appayvam ayinyema netin inquilhe: —Itne sat elanic enlhitaoc Israel apquilvisay Jacob apmolhama:

ÉXODO 24:15

Apquinamtec nic nat netin inquilhe Moisés. Incapquic nic nat inquilhe lhama yipjopay.

ÉXODO 24:18

Apquinamtec nic nat netin inquilhe Moisés aysicsic yipjopay. Apnec nic nat Moisés netin inquilhe cuarenta acnim najan cuarenta alhtaa.

ÉXODO 24:2

Apvamlha Moisés sat jeyotac coo. Colapvanquejec jelyota apquillhalhmaa. Colapvanquejec jelyota aplhamoclhojo enlhitaoc — nic nat aptomjac Dios Apyimtalhnamo.

ÉXODO 31:18

Appenasquic nic nat Dios appamejitquiscama Moisés netin inquilhe acvinatem. Aplhocac nic nat Moisés anit mataymong nicja actalhesamalhca. Dios Visqui ingac nic nat aptalhescama singanamaclha appayvam.

ÉXODO 32:1

Apquiljalhnacpec nic nat Moisés etyapvotac ayitsicsic inquilhe (mataymong). Apcaneclhec nic nat apnaymacoc apnaclha Aarón, apquiltomja apquilanya: —Noc. Jingilanesquis quilaycmasquiscama malha Visqui ingac singmasma. Paj ongilyasamcoc apnaclha Moisés, as enlhit singnalovsingvoyclha yoclhilhma Egipto — nic nat apquiltomjac.

ÉXODO 34:1

Aptomjac nic nat Dios apcanya Moisés: —Illana (ilalhnas) sat anit mataymong nicjaa, acno mataymong nicjaa siclhoc alhta. Pac otalhocsic mocjam lhama siyanamaclha. Olhnasojoc sat sictalhescama siclhoc alhta mataymong apquintascama lhip.

JEREMÍAS 31:33

Cotnejic sat pacto ningmiyovmalhca alhnancoc nipyesicsa enlhitaoc: Opquinic sat apquilvalhoc siyanamaclha coo, comoc sat apquilvalhoc, malha mactalhescama apquilvalhoc sat cotnejic. Otnejic sat Dios Visqui apancaoc, otnejic sat enlhit ajancaoc. Naso coo sicpayvam sicvisay Dios.

SAN MATEO 5:19

Am sat ancoc eyiplovcasac enlhit lhama singanamaclha ayitcoc. Apquillhicmosquic sat ancoc enlhit apnaymacoc actemaclha meyiplovquiscama moclhama singanamaclha ayitcoc, colhic sat acvino as enlhit Visqui netin apquilnancascama. Apyiplovcasquic sat ancoc enlhit aclhamoclhojo singanamaclha, coyiplovjoc sat apquillhicmoscama apnaymacoc, colhic sat actimesa apyimtalhnamo Visqui netin apquilnancascama.

2 CORINTIOS 3:3

Naso, quellhip apquiltomja malha vaycajac ayinyema Cristo ningiltalhesquiscama quellhip. Malha vaycajac cotnaja actalhesomalhca lápiz ayingmenic. Dios Espíritu apanco aptomja aptalhescama. Malha vaycajac cotnaja actalhesomalhca mataymong nicja. Actomja eyca actalhesomalhca apquilvalhoc quellhip.

2 CORINTIOS 3:7

Intalhesalhquic nic nat mataymong nicja singanamaclha ayinyema Dios. Apmesacpec nic nat Moisés. Yiplovcoc nic nat ayapongmatem napaat. Am nic nat colapvancaac enlhitaoc Israel elanojo napaat Moisés. Ayinyemaclha avanjec nic nat ayapongmatem napaat. Inmasquec nic nat mocjam ayapongmatem napaat, ayinyema singillhicmoscama singanamaclha yoyam ongnatovasalhca.

DEUTERONOMIO 4:14

Ayanyalhquic alhta coo oyascasingvomoc quellhip singanamaclha najan singascamaclha, yoyam elyiplovcasojo mataa quellhip yoclhilhma apquilvoycamlha.

DEUTERONOMIO 5:22

Aptomjac nic nat Moisés apquilanya enlhitaoc: —Eycaso appayvam apanco Dios Apyimtalhnamo apquiljalhenmo alhta quellhip apcanamcaa nicja inquilhe acvinatem. Naysicsa talha alhta ayinyema appayvam najan naysicsa yipjopay. Vamlha alhta intomjac appayvam. Aptalhesquic alhta Dios appayvam apanco anit mataymong nicjaa. Emcasquic alhta coo.

DEUTERONOMIO 5:31

Ilha sat lhip sicnaclha coo. Osavojoc sat siltimnascama lhip sicpayvam siyanamaclha najan siyascamaclha. Iyascasingvom sat lhip apnaymacoc, yoyam elyiplovcasojo mataa yoclhilhma apquilvoycamlha — alhta aptomjac seyanya.

HEBREOS 9:4

Yitnec alhta maa alvatnamalhquilha asoc acmasis allanomalhca oro asoc alyinmom. Yitnec najan maa yamit aysicsic acnaycamcolha singanamaclha Moisés, oro asoc alyinmom alhta ayimpejic. Yitnec alhta avalhoc yamit aysicsic ingjaycoc oro asoc alyinmom. Yitnec alhta avalhoc ingjaycoc maná nintom nano. Yitnec najan avalhoc yamit aysicsic lhama yamit acma ilhnamoc nic nat siclho, Dios apquilancam Aarón yamit apanco. Yitnec najan avalhoc yamit aysicsic anit mataymong alpayjem acnatalhesomalhca actemaclha singanamaclha Moisés.