ÉXODO 23:8 - Enhlit Bible

⁸ Noelma nasa asoc malmescama (solyayem) ayinyema apquilyinimquiscama. Colhnanmoc sat acyascamco apquilvalhoc enlhit. Colhejec sat acpeyvescasquiclha enlhit mepqui apsilhnanomap apanco.

ÉXODO 23:8 Iomraidhean Croise

SALMOS 15:5

Aptomja mepqui acyanmongvoyam tap solyayem macmaycaoc. Aptomja melyajayquiclho apcanyomap epjescomoc apmapsom poc. Emyovacpoc sat cotmongvoycamlha nelha aptomja apyiplovquiscama as asoc.

SALMOS 26:10

Acmasom apquilvalhoc as enlhitaoc. Acmasom apquiltemaclha apancaoc.

PROVERBIOS 15:27

Ongiltovasalhcac sat nincoo najan ningmolhama, ningmam inlhojo soborno solyayem. Ongilmiyovalhcac sat, mepqui inlhojo ningmam soborno solyayem.

PROVERBIOS 17:23

Apmec tacja solyayem soborno enlhit apyicpilquemo apmapsom. Aptomja eyca aptovascama actemaclha acpeyvomo, najan aptemaclha appeyvescasquiclha.

PROVERBIOS 17:8

Ningiltamjo inyicje colhamiclha asoc ingancaoc, ayinyema ningmescama nasa soborno solyayem, ongilyinimsalhcac sat nincoo.

PROVERBIOS 19:4

Ongvitac mataa aplhamoclhojo ingnaymacoc, ayinyema cascama ningilnatam. Asilhtec ningvitay ingnaymacoc, ayinyema mepqui ningilnatam nincoo.

ECLESIASTÉS 7:7

Cotniclhac sat acyeyjamelhma ingvalhoc, ningvita inlhojo singminascama (singascama) enlhit. Incaymalhquic ongavojo singmescama nasa asoc.

ISAÍAS 1:13

Nojelsantimquis nasa asoc seyaycaoc. Actanovquic coo seticjansa. Apquiltamilcasquic mataa quellhip aptemaclha piltin apjalhnancoc najan acnim ninnayclhilha najan actemaclha apcaneyquiclhilha. Am coo ovanac ongvasicjojo fiesta apancaoc najan actemaclha apquilitsovascama.

ISAÍAS 1:23

Enlhit apquilimja apmamyi alhta siclho. Apquiltomjaclhec apquilminyilhma. Apquililtamjoc mataa etnejic acyanmongam apquilyilhasquiscama. Inquitsepquic mataa apnenyaoc yoyam ellhocac. Am elmiyavac mataa apquilyeyjeycam naysicsa apquillingaycamco najan lhintampaa naysicsa apquillingaycamco acyimtalhnama.

ISAÍAS 33:15

Elmiyovacpoc sat apquiltomja apquilpeyvomo, apquillhanma actomja nasoc anco. Apquiltomja mepqui apquilansayclha apquilnatam, ayinyema apquilyimtalhnescama apquiltimesaycam enlhit. Apquiltomja mepqui apquilyinyovmap apanco ayinyema apquilmescama nasa poc. Apquiltomja mepqui apquilpasmeyquiclha ticyovam yapmayc apquilpamejitsomap. Apquiltomja mepqui apquilaneyo apquiltemaclha apancaoc apquilmapsomcaa.

ISAÍAS 5:22

Quellhip layi apyinaycaoc acyivey anmin, apquilmopvancaa elpalhaquisic yamanmin, yoyam cajic naysicsa apyinaycaoc.

ISAÍAS 5:23

Quellhip apquilmam solyayem acyanmongam naysicsa apquilyicpilquemo enlhit. Emyovacpoc sat apsilhnanomap apanco, etanovacpoc sat enlhit appeyvomo.

EZEQUIEL 22:12

Yitnec apquilnapma poc acyanmongam solyayem. Yitnec apquilmaycaoc solyayem acyamongvoyam tap acvisay interés. Am elmiyavac mataa apnaymacoc, apquiltemaclha selvoncayam coo. Eycaso sicpayvam sicvisay Visqui apancaoc — alhta aptomjac.

AMÓS 5:12

Acyasamcoc coo apquiltemaclha quellhip apquilmapsomcaa, najan apquilsilhnanomap apanco quellhip cotningvoyam nelha. Apquiltovasquic mataa quellhip enlhit appeyvomo, apcanyomap eyinyoc acyanmongam. Apquiltovasquic mataa quellhip macpeyvescasquiclha enlhit mepqui asoc.

MIQUEAS 7:3

Apquilvascapquic mataa ellana nintemaclha acmasom. Apquiltingyac mataa acyanmongam enlhit ningayo, najan enlhit apquilyicpilquemo. Yitnec apquiltemaclha apancaoc enlhit apquilyimtalhnamo, apquilsilhnanimquisa apnaymacoc tingma apvanyam.

DEUTERONOMIO 10:17

Apyimtalhnamo apanco Dios, am colhno quilaycmasquiscama acyitsomalhca dios. Aptomja Apvisqui Apyimtalhnamo apanco, am elhno apquilviscaa as nalhpop. Apvisay apanco: Apmopvan apanco, apvisay Ayimtalhnamo, apvisay Mayayo, apyanmongsayclha nintemaclha inganco. Appeyvomo apanco singyicpilquemo, memeje tacja asoc ningmescama nasa, ayinyema ningmasom.

DEUTERONOMIO 16:19

Noelyeycajas nasa nintemaclha acpeyvomo, noelmiyov nasa apnaymacoc apquilsilhnanomap apanco, ayinyema apquillhoy acyanmongam soborno elyinimsic poc. Elsilhnanacpoc apanco enlhit apquilpeyvomo najan apquilyascamco, apquillhoy acyanmongam soborno actemaclha apquilyinimquiscama.

1 SAMUEL 12:3

¡Jelanojo coo! Jeltimnas sat napato Dios najan napato apvisqui apjalhnancoc, acyitna inlhojo sicsilhnanomalhca ajanco nipyesicsa quellhip. ¿Apcanyacpe ya lhama enlhit jemquecsic aptoscama vayqui najan yamelyeyjaycoc? - Paj inyicje. ¿Soc enlhit aplingamcoc alhta acyimtalhnama ayinyema coo? - Paj inyicje. ¿Naso ya siclhoy acyanmongam ayinyema sicmasma enlhit apsilhnanomap apanco? - Paj inyicje. Evanquic otajicsojo quilhvo nac jay — nic nat aptomjac Samuel.

1 SAMUEL 8:3

Am nic nat elyiplovcasac aptemaclha apyap. Avanjec nic nat apquiltemo eyeycajasacpojo solyayem. Apquillhocac nic nat mataa asoc yatapquilviscaa ayinyema apquilyinimquiscama. Apquilyitnocjasquic nic nat actemaclha acpeyvomo.