ÉXODO 23:7 - Enhlit Bible

⁷ Noelpasim nasa enlhit apquilyinimquiscama. Noelyitnocjas nasa amyaa mepqui apsilhnanomap apanco, yoyam etanovacpoc. Momyovejec sat coo enlhit apsilhnanomap apanco etnesacpoc appeyvomo.

ÉXODO 23:7 Iomraidhean Croise

GÉNESIS 18:23

Apcalhingamcoc nic nat Abraham apyipitcangvocmo maycaa. Aptomjac nic nat apcanya: —Visqui, ¿pa ya etvacsojoc lhama enlhit apquilpeyvomo enlhitaoc apquilmapsomcaa?

JOB 22:23

Apyanmoncasquic sat ancoc apvalhoc lhip napato Dios, ingyasicjacpoc mocjam lhip. Ingyas asoc acmasom lhip tingma pac.

SALMOS 119:29

Jeyas coo actemaclha movan amyaa. Jelhicmos sat lhip singillhicmoscama.

SALMOS 94:21

Apquilpejescacmec mataa enlhit apquilpeyvomo. Apquilanama yoyam eticyo, apquilanyomap apquilsilhnanomap apanco.

ÉXODO 20:13

Mongvanquic ongajic ingmoc.

ÉXODO 20:16

Mongvanquic ontipsic apvisay poc.

ÉXODO 23:1

Noelpeyvescasiclha nasa apmopvan amyaa poc. Noelpasim nasa apsilhnanomap apanco, yoyam elpeyvescasiclha.

ÉXODO 34:7

Silasicjayo aplhamoclhojo aptovana niptamin enlhitaoc. Siyasicjayquiclho mocjam apquilsilhnanomap apanco enlhitaoc, najan apquilinmelhaycam enlhitaoc, najan apquiltemaclha apancaoc apquilmapsomcaa, ongvasicjiclhojo sat mocjam. Oyanmongsiclhac sat apquiltemaclha apquilsilhnanomap apanco. Najan apquiltemaclha apancaoc apyapmayc. Najan apquiltemaclha apancaoc apquitquic. Najan aplhamoclhojo aptovana, najan aplhamoclhojo aptovana niptamin — nic nat aptomjac Dios.

PROVERBIOS 11:21

Nasoc anco, onlingamcojoc acyanmongayclha nintemaclha inganco, ningiltomja inlhojo ningmasom. Ongilvomsalhcac sat tap, ningyiplovquisa inlhojo nintemaclha acpeyvomo.

PROVERBIOS 17:15

Anit nintemaclha meyisponcama Dios: Ningmasma ingmoc apsilhnanomap apanco. Moc najan: Ninginmelhaycam ingmoc mepqui apsilhnanomap apanco.

ISAÍAS 33:15

Elmiyovacpoc sat apquiltomja apquilpeyvomo, apquillhanma actomja nasoc anco. Apquiltomja mepqui apquilansayclha apquilnatam, ayinyema apquilyimtalhnescama apquiltimesaycam enlhit. Apquiltomja mepqui apquilyinyovmap apanco ayinyema apquilmescama nasa poc. Apquiltomja mepqui apquilpasmeyquiclha ticyovam yapmayc apquilpamejitsomap. Apquiltomja mepqui apquilaneyo apquiltemaclha apancaoc apquilmapsomcaa.

ISAÍAS 5:20

Quellhip layi apquiltimem actamila, yoyam cotniclha acmasom, najan apquiltimem acmasom, yoyam cotniclha actamila. Apquiltimem ayitsay, yoyam cotniclha yatescama olhma, najan yatescama olhma, yoyam cotniclha ayitsay. Apquiltimem asoc acmasca, yoyam cotniclha acmasis, najan acmasis yoyam cotniclha acmasca.

LEVÍTICO 19:11

Mongvanquejec ongminyilhic. Mongvanquejec ontimjic ningmovan amyaa. Mongvanquejec ongilyinimsic poc.,

LEVÍTICO 19:16

Noelantipquis nasa apvisay poc nipyesicsa apnaymacoc. Noeltimesquis nasa apmapsom poc yoyam ematong. Coo sicvisay Dios Sicyimtalhnamo, apancaoc quellhip.

NAHÚM 1:3

Aptomja actamilaycam apvalhoc naysicsa apmopvan apanco. Aptomja apyanmongsayclha apquiltemaclha apquilsilhnanomap apanco. Aptomja aplhingam netin yatepiyam najan yipjopay actomja malha lhopactic aplhingam.

SAN LUCAS 3:14

Apquilmalhningvaac alhta najan singilpilhtetemo: —¿Jalhco sat ontimjic nincoo lha? —alhta apquiltomjac. Apcatingmavoc alhta Juan: —Noellatim nasa enlhit asoc apanco. Noelyamnam nasa enlhit. Noelvanamcojo nasa acyanmongam apquiltamjaycam —alhta aptomjac.

ROMANOS 1:18

Pac otalhosquisic siclho actemaclha apyanmongsayclha Dios ayinyema netin. Eyanmongsiclhac sat Dios apquiltemaclha apancaoc aplhamoclhojo apquilmapsomcaa najan enlhit melyascalhma. Ayinyemaclha apquilinmelham mataa amyaa actomja nasoc anco ayinyema apquiltemaclha almasomcaa.

EFESIOS 4:25

Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.

DEUTERONOMIO 25:1

Yitnec sat ancoc apquilatingmomap apcanit enlhit, incaymalhquic elyicpilcojo enlhit apquilvanyam. Lhama sat etnejic apsilhnanomap apanco, poc eyca mepqui apsilhnanomap apanco.

DEUTERONOMIO 27:25

Etvasacpoc sat enlhit apmam tacja solyayem, ingyajic poc. Elatingmojoc sat apyovoclhojo enlhit: ¡Naso! — sat eltimjic.

1 TESALONICENSES 5:22

Elyinyov sat aclhamoclhojo actemaclha almasomcaa.