ÉXODO 23:25 - Enhlit Bible

²⁵ Eltime sat quellhip selayo coo sicvisay Dios, quellhip Dios Visqui apancaoc. Otingyasquisic sat mataa aptoycaoc quellhip najan yingmin apyinaycaoc. Otnejic sat sicmasma quellhip, ongvacsic sat mataa ningmasquem.

ÉXODO 23:25 Iomraidhean Croise

SALMOS 103:3

Visqui ingac aptomja apmascoscama molyascalhma. Aptomja setamilquisquiyam acmasca eyimpejic.

ÉXODO 15:26

Aptomjac nic nat Dios Apyimtalhnamo apquilanya: —Apquiljalhnoc sat ancoc quellhip sicpayvam sicvisay Dios. Apquilyiplovcasquic sat ancoc nintemaclha acpeyvomo. Apquilyiplovcasquic sat ancoc sicpayvam siyanamaclha mepqui apquilyeycajascaoc. Melvityejec sat asoc acyimtalhnama, actemaclha apquillingaycamco alhta co Egipto. Coo sicvisay Dios, sicmasma quellhip — nic nat aptomjac Dios.

ECLESIASTÉS 5:20

Dios Visqui ingac aptomja appayesayclha ingilvalhoc, colhenejec mataa ingilvalhoc ningileyvam acyavataclhojo as nalhpop.

ISAÍAS 33:16

Apquilyiplovcasquic sat ancoc enlhit, elyilhanmoc sat mataymong avalhoc mepqui apquilay. Elvitac sat mataa aptoycaoc najan apyinaycaoc.

ISAÍAS 33:24

Colngalhquejec sat amyaa: Ningmasquem eyajac coo - paj maa. Ingyasicjiclhojoc sat mocjam Dios Visqui ingac, emascocsic sat melyascalhma enlhitaoc apnaycam tingma Jerusalén — nic nat aptomjac profeta.

JEREMÍAS 8:2

Colhic sat ayilhpanquisa apilhquipcoc, mepqui yoyam colatoynalhcac mocjam, colhojoc sat nintoscama ayi lhalhma anco. Innamquic as apilhquipcoc ayalhnaclhojo acnim anco najan alhtaa ningvitay piltin najan apyová, payjoc acyitnamaclha quilaycmasquiscama alasicjamalhca najan malayoclha, najan macmescama asoc quilaycmasquiscama, najan apquiltemaclha apquilyiplovquiscama melitsepmaclha siclho.

DANIEL 1:15

Invocmec nic nat diez acnim. Apquiltamila ilhnic nat as apquilyimnanic, am nic nat elhno apquilyimnanic apquillhoy nintom ayinyema apvisqui rey.

LEVÍTICO 11:44

Coo sicvisay Dios Visqui apancaoc quellhip. Elalhnasiclhojo apanco quellhip eltimjic sat mepqui apquiltanovmap najato. Eltimjic sat quellhip santo mayayo, sicno coo lha santo mayayo. Noeltanovmap nasa quellhip napato Dios, ayinyema aptoycaoc asoc alpilhyevaycam nalhpop.

LEVÍTICO 26:3

Apquilyiplovcasquic sat ancoc siyanamaclha najan siyascamaclha.

MALAQUÍAS 3:10

Elsavojo quellhip selmescama diezmo, lhama asoc acyitna inlhojo diez asoc, congne tingma apponquinomap. Coytic sat nintom tingma ajac apponquinomap. Jelyipcon sat quellhip mepqui sicmasma coo asoc. Ellhovamcoc sat quellhip cotlaycaoc asoc altamila alinyema netin.

SAN MATEO 4:10

Apcatingmavoc alhta Jesús: —¡Conyi Satanás! Eycaso acyitna actalhesomalhca: “Ilticlhic aptapnaoc ipayicsojo Dios lhip Visqui pac. Ilanam sat apvamlha pac” —alhta aptomjac.

DEUTERONOMIO 10:12

Aptomjac nic nat Moisés: —¡Quellhip enaymacoc israelitas! ¿Soc lha apquiltamjoc Dios Apyimtalhnamo? Apquiltamjoc Dios eltimjic quellhip apquilayo najan elyiplovcasojo singanamaclha. Elyiplovquis sat apquilvalhoc najan apquilyascamco quellhip, naysicsa apquilasicjayo najan apquilayo.

DEUTERONOMIO 10:20

Eltime sat mataa apquilayo Dios Apyimtalhnamo, elpayicsojo sat mataa. Colyit actamilaycam apquilvalhoc. Ellhen sat apvisay Dios Apyimtalhnamo, apquillhanma inlhojo mepqui apquilyeycajascaoc.

DEUTERONOMIO 13:4

Eltime sat apquilayo apvamlha pac lhama Dios Apyimtalhnamo. Elsavojo apquilyiplovquiscama singanamaclha Dios, ellaylhojo appayvam, eltime apquilayo quellhip, noelyinyov nasa quellhip.

DEUTERONOMIO 6:13

Eltime sat apquilayo Dios, ellanam sat quellhip apvamlha pac lhama. Ellhen sat mataa apvisay Dios, apquiltomja inlhojo apquillhanma mepqui apquilyeycajascaoc.

DEUTERONOMIO 7:13

Etnejic sat Dios singilasicjayo, jingilmecsic asoc altamila, jingillhamasiclhac sat ninlhamoclhojo. Elasicjacpoc sat apquitquic quellhip, ellhovamcoc sat acyilhna najan actic, najan uva ayingmenic, najan aceite. Elhamasiclhac sat apnatoscama vayqui najan nipquesic. Aplhanma alhta Dios actomja nasoc anco napatavo ningilyeyjamcaa, yoyam ellhovamcoc as asoc yoclhilhma apquilvoycamlha.

DEUTERONOMIO 7:15

Eyinyovsic sat Dios ningmasquem najan acmasca apyimpeoc, cotalhquejec sat nipyesicsa quellhip. Apquilyasamcoc quellhip actemaclha alhta apquillingaycamco co Egipto. Ellingamcojoc sat acyimtalhnama cotnaja ingmoc.

JOSUÉ 22:5

Lhama asoc altamjoc, yoyam eltimjic quellhip: Elyiplovcasojo sat mataa singanamaclha najan singascamaclha Moisés, Dios apquilancam. Moc ningiltimem: Elasicjojo quellhip Dios Visqui ingac. Elyiplovcasojo najan elilyejiclhojo sat mataa singanamaclha. Eltimesam sat mataa Dios Visqui ingac, ayinyema apquilvalhoc quellhip najan apquilyimnatem — nic nat aptomjac Josué.

JOSUÉ 24:21

Apquilatingmavoc nic nat enlhitaoc: —¡Jave! Mongyinyovejec sat mataa Dios Apyimtalhnamo. Ontimjic ningilayo — nic nat apquiltomjac.

JOSUÉ 24:24

Apquilatingmavoc nic nat enlhitaoc: —Ongyiplovcasojoc sat mataa Dios Apyimtalhnamo, aptomja Visqui ingac appayvam — nic nat apquiltomjac.

1 SAMUEL 12:20

Apcatingmavoc nic nat Samuel: —Noela nasa quellhip. Naso, apquilmapsomcaa nac quellhip. Noelyinyov nasa mocjam Dios. Eltime sat mataa apquilayo.

1 SAMUEL 12:24

Elilyejiclhojo sat mataa quellhip Dios. Eltime sat mataa apquilayo quellhip. Nocolvonquim nasa singiltimesquiscama mataa asoc altamila Dios.

1 SAMUEL 7:3

Aptomjac nic nat Samuel apquilanya enlhitaoc Israel: Nasoc sat ancoc apquilyanmonquiscama apquilvalhoc actemaclha apquilayo Dios Apyimtalhnamo. Incaymalhquic quellhip enatovacsic quilaycmasquiscama acyitsomalhca dios najan actemaclha quilaycmasquiscama Astarté. Eltime sat apquilayo Dios apvamlha pac lhama Apyimtalhnamo. Elvomsacpoc sat tap quellhip nipyesicsa filisteos — nic nat aptomjac Samuel.