ÉXODO 23:15 - Enhlit Bible

¹⁵ Lhama acvisay pan (quilpasmongam) mepqui apquimpascaoc. Eltovaoc sat pan mepqui apquimpascaoc acvaycmo 7 acnim, acno sicpayvam siyanamaclha. Piltin apvisay Abib (ayimjaclha ninganma). Acno ilhnic nat apvisay piltin apquilyamasma yoclhilhma Egipto. Copvanquejec lhama enlhit jeyotac coo mepqui semquescama acyilhna.

ÉXODO 23:15 Iomraidhean Croise

ÉXODO 12:2

—Eltimesquis sat apquenmoclha as piltin nac jay. Sat etnejic piltin apmamyi aclhamoclhojo años.

ÉXODO 13:3

Aptomjac nic nat Moisés apquilanya apnaymacoc: —Colyit apatic (noncolvonquim nasa) as acnim apquilantiyapma quellhip as yoclhilhma Egipto. Apquiltimesaycam alhta quellhip malha apquilmomap. Apmopvan apanco Dios Apyimtalhnamo apquilyinyovquiscama quellhip Egipto. Noeltovaoc nasa quilpasmongam ayincajay apquimpascaoc.

ÉXODO 13:4

Apquilantipquic quellhip as acnim apvisay Abib (marzo - abril).

ÉXODO 22:29

Noelmiyov nasa jelmecsic acyanmongam acyilhna ayinyema apquilcaycaoc. Noelmiyov nasa jelmecsic apquitca aptiyam apmamyi, otnejic ajanco.

ÉXODO 34:18

Ellana sat fiesta quilpasmongam (pan) mepqui apquimpascaoc, actemaclha siyanama siclhoc nat. Eltovamcoc sat pan mepqui apquimpascaoc acvaycmo siete acnim. Niplhit piltin acmocjitmaclha (marzo - abril) apvisay Abib. Apquilyinyovquic nat quellhip as piltin yoclhilhma Egipto.

ÉXODO 34:20

Elya'monquis selmescama yataay apquitcoc, tasic nipquesic apquitcoc, apquilvita inlhojo actiyam yamelyeyjaycoc ayitcoc. Paj sat ancoc, elaa sat yamelyeyjaycoc ayitcoc. Elya'monquis selmescama asoc apquilvita inlhojo aptiyam sicaa apquinavo. Nojelyota nasa mepqui asoc selmescama (selaycaoc).

LEVÍTICO 23:10

Iltimnas sat lhip sicpayvam napatavo israelitas: Elvitac sat quellhip yoclhilhma alhnancoc, yoyam ellhovamcoc quellhip. Elvitac sat trigo apyilhna, elsaclha sat quellhip apnaclha sacerdote amamyi anco lhama acpilhtetem trigo apyilhna.

MIQUEAS 6:6

Aptomjac nic nat profeta: Yitnec apquilpayvam quellhip: ¿Co laa otnejic siyayo Dios Apyimtalhnamo apna netin? ¿Naso ya olnapoc vayqui ayitcoc un año, coltimjic sat macmescama Dios acyanmongam mongilyascalhma?

SAN MARCOS 14:12

Invocmec alhta acnim aptoycamcolha quilpasmongam mepqui apquimpascaoc. Apquiltemaclha alhta apquilajem nipquesic apquitcoc pascua apto. Apquilpamejitsa alhta apquiltamsoycaoc: —¿Jalhcojo ongilaningvoclhesic pascua apto? —alhta apquiltomjac.

SAN LUCAS 2:41

Aplhamoclhojo piyam alhta apmiyaclho mataa tingma Jerusalén José najan Jesús inquin. Apquiltamjamacpilha caya ningiltimem apquilyeycajaycaoc, moc acvisay pascua.

SAN LUCAS 22:7

Invocmec alhta acnim aptoycamcolha quilpasmongam mepqui apquimpascaoc. Apquiltemaclha alhta apquilajem nipquesic apquitcoc pascua apto.

LOS HECHOS 12:3

Lhama alhta apvita actemaclha apquilyisponcama judíos. Yejemoc alhta apcanya emacpoc najan lha Pedro. Caya alhta apquiltomjac aptoycamcolha quilpasmongam mepqui apquimpascaoc.

DEUTERONOMIO 16:16

Apyovoclhojo apquilinava israelitas apquilanyomap eltingya carpa apponquinomap tres veces al año: fiesta Pascua (acvisay panes sin levadura, pan mepqui apquimpascaoc), najan fiesta de las Semanas, najan fiesta de las Enramadas. Colapvanqueje elpasmoc fiesta mepqui asoc apquilsayquinta.

1 SAMUEL 6:3

Apquilatingmavoc nic nat: —Eltajicsojo sat mocjam, acyiplomo asoc macmescama Dios. Eltamalvomoc sat mocjam quellhip. Elyasingvomoc sat quellhip ayinyema apyanmongsayclha Dios apquiltemaclha apancaoc quellhip — nic nat apquiltomjac.