ÉXODO 23:12 - Enhlit Bible

¹² Eltamjam sat 6 acnim quellhip. Cotnejic sat 7 acnim acvisay acnim ninnayclha, lovquiscama ningilyampay. Cotnejic sat mepqui actamjaycam vayqui, najan yamelyeyjaycoc, najan enlhit apmomap najan cotnaja apcaoclha nipyesicsa quellhip.

ÉXODO 23:12 Iomraidhean Croise

NEHEMÍAS 13:16

Apnam napocja co Tiro, apquillhacjam acnim ninnayclha quilasma najan moc asoc nipyesicsa judíos tingma Jerusalén.

ÉXODO 16:23

Aptomjac nic nat Moisés apquilanya: —Eycaso actomjaclha alhta appayvam Dios: Acnim ninnayclha sat cotnejic secaseclha, acvisay acnim acponquinomalhca yoyam ongilpayicsojo Dios Apyimtalhnamo. Elpayes sat aptoycaoc quilhvo nac jay. Elpenacsojo eljanic aptoycaoc. Am sat ancoc elsovjac aptoycaoc, eltamilquis sat yoyam eltovamcoc secaseclha — nic nat aptomjac.

ÉXODO 23:11

Vocmec sat ancoc 7 año, noelcaoc nasa. Invitalhquic sat ancoc acyilhna mepqui ninganma. Eltovamcoc sat enlhit mepqui apquilnatam. Colsavojoc sat actoycaoc asoc navjac. Elhnasojo sat ayimjaclha uva najan olivo yamit.

ÉXODO 34:21

Eltamjam sat mataa seis acnim. Noeltamjam nasa acvisay siete acnim. Elyiplovcasojo mataa naysicsa ninganma actic najan naysicsa ningnaclhama acyilhna.

ÉXODO 35:2

Eltamjam sat quellhip seis acnim, colapvanquejec eltamjam séptimo acnim, actomja acponquinomalhca najan ninnayclhilha, yoyam colhic ayaco Dios. Ematong sat enlhit aptomja aptamjaycam as acnim ninnayclhilha.

ÉXODO 35:3

Colapvanquejec quellhip elvitic talha moclhama tingma as acnim ninnayclhilha — nic nat aptomjac Dios.

ISAÍAS 58:3

Naso, inquillhenquic mataa apquilvalhoc: Mepqui singilaneyo Dios, ingvanquic lhaja mepqui ningilmalhnancama acvoncaclhojo. Ingvanquic lhaja mepqui ningilvascapma ningyiplovquiscama, colhenejec sat mataa Visqui ingac — alhta intomjac apquilvalhoc. Aptomjac Visqui ingac apquilanya: —Quip elanojo quellhip apquiltemaclha apancaoc acnim ningilmalhnancamaclha. Yitnec quellhip apquilyanmongcasomap negocios, apquilmasma quellhip acyanmongam apquiltimesaycam enlhit.

LEVÍTICO 23:3

Eltamjam sat quellhip seis acnim. Incaymalhquic elhnam sat quellhip mepqui apquiltamjaycam, acvocmo inlhojo séptimo acnim. Ingyaniclhac sat mataa quellhip as acnim. Colhic sat ayaco Dios as acnim lhalhma anco.

SAN MARCOS 2:27

Aptomjac alhta apquilanya Jesús: —Acnim ninnayclha aptimescasac Dios Ingyapam, yoyam ongnam nincoo. Avanqui inyicje acnim ninnayclha mepqui nincoo. Mongvanqueje eyca nincoo mepqui acnim ninnayclha.

SAN LUCAS 13:14

Yejemoc alhta aplova apquimja apmamyi apcaneyclhilha. Jesús alhta ayinyemaclha aptamilquiscacmo acnim ninnayclha. Aptomjac alhta apquilanya apnaymacoc: —Acvamlha seis acnim mataa nintamjaycam. Apquililtamjoc sat ancoc eltamilquiscomoc quellhip, elvota sat nalhit acnim. Noelvota nasa acnim ninnayclha —alhta aptomjac.