ÉXODO 23:1 - Enhlit Bible

¹ Noelpeyvescasiclha nasa apmopvan amyaa poc. Noelpasim nasa apsilhnanomap apanco, yoyam elpeyvescasiclha.

ÉXODO 23:1 Iomraidhean Croise

GÉNESIS 39:17

Inyinimcasam nic nat atava aclhena José. Intomjac nic nat ayanya: —Lhip alhta apyantingvoyam as enlhit hebreo lhip apquilancam. Aptalhningvoctac lhac tingma ajac yoyam jetvacsic.

2 SAMUEL 16:3

—¿Co laa apna Saúl aptavin niptamin? — nic nat aptomjac apvisqui. —Apnec tingma Jerusalén. Apcanayquic maa etnesacpoc apvisqui, apya'monquiscama apyata ninga Saúl — nic nat aptomjac Siba.

2 SAMUEL 19:27

Aptipcasquic alhta sicvisay selancam napato lhip. Appeyvomo apanco nac lhip, malha ángel Dios apcasinancama. Apvanquic lhip eyanmongsiclha sictemaclha coo, lhip eyca.

SALMOS 101:5

Onavesam sat apquilmapsomcaa apquilvenneycam mataa poc. Actanovquic coo aptomja apyimtalhnesomacpo apanco najan ayajamalhco apquilvalhoc.

SALMOS 120:3

Apquilaycmascam nac lhip. Colhic sat acyanmongseclho lhip aptemaclha apyinimquiscama.

SALMOS 15:3

Mepqui acmovan amyaa appayvam. Mepqui aplovquiscama poc. Mepqui apquilpamesvoyam poc.

SALMOS 27:12

Nongyane nasa jeltovacsic selinmelhaycam. Elinmelham coo apquilmopvancaa amyaa. Apquililtamjoc jeltovacsic coo.

SALMOS 35:11

Ayajemo apquilantipquiscama sicvisay mepqui sicsilhnanomalhca ajanco.

ÉXODO 20:16

Mongvanquic ontipsic apvisay poc.

ÉXODO 23:7

Noelpasim nasa enlhit apquilyinimquiscama. Noelyitnocjas nasa amyaa mepqui apsilhnanomap apanco, yoyam etanovacpoc. Momyovejec sat coo enlhit apsilhnanomap apanco etnesacpoc appeyvomo.

PROVERBIOS 10:18

Ningyilhalhcoc mataa nintanoncama, ayinyema nintemaclha ningmovan amyaa. Nintemaclha ningillhamasomalhca ayinyema acyeyjamelhma ingvalhoc.

PROVERBIOS 12:17

Onlingacsic nasoc anco ningvitaycamco, naysicsa macpeyvescasquiclha amyaa. Onlingacsic ningmovan amyaa, acnamco inlhojo anit ingvalhaoc.

PROVERBIOS 14:5

Mepqui ningmovan amyaa asoc ningvitaycamco, acyitna inlhojo acpeyvomo ingvalhoc. Apmopvan amyaa asoc apvitaycamco, acyitna inlhojo acmasom apvalhoc enlhit.

PROVERBIOS 17:4

Nasoc sat ancoc ningilmasomcaa najan ningmovancaa amyaa, ongilaylhojoc sat mataa amyaa acmasom.

PROVERBIOS 19:28

Yitne inyicje ningilasmescama singanamaclha, ningiltomja ningmovan amyaa. Ongillhamasiclhac mataa ningilyataycam acmasom, acyitna inlhojo acmasom nintemaclha.

PROVERBIOS 19:5

Elngamcojoc sat acyanmongayclha aptemaclha apanco apmopvan amyaa. Mengyinyejec sat enlhit apmopvan amyaa napato singyicpilquemo.

PROVERBIOS 19:9

Ningiltomjac sat ancoc movan amyaa asoc ningvitaycamco, colhic sat acyanmongseclho nintemaclha inganco. Incaymalhquic onticyoc ayinyema ningmovan amyaa.

PROVERBIOS 21:28

Ongiltovasalhcac sat ningiltomja ningvitaycamco, acyitna inlhojo movan amyaa. Ingvanquic ongilpeyvescasiclha amyaa, acyitna inlhojo ningyascamco amyaa.

PROVERBIOS 24:28

Mongvanquejec ongiltipsic apvisay poc mepqui apsilhnanomap apanco. Cotnejic sat ningmovan amyaa ningilinmelha inlhojo poc.

PROVERBIOS 25:18

Yitnec sat ancoc ningmovan amyaa napato singyicpilquemo, ninlhanma apvisay ingmoc, colhojoc sat ningilmaycam martillo, najan sovo, najan yanca.

PROVERBIOS 25:23

Ongvitac sat acmamay, apquilhcajacmo inlhojo piyam. Ongvitac sat aclom apquilvalhoc ingnaymacoc, ningilantipquisa inlhojo apquilvisay.

PROVERBIOS 6:19

Actemaclha anit ingvalhaoc, ayinyema ningvitaycamco amyaa, onlingacsic movan amyaa. Actemaclha acsilhnanoncama ingvalhoc, ayinyemayaclha mataa apquilatingmomap ingilyalhinga.

JEREMÍAS 20:10

Yitnec apquilpamejitsomap napocja, seltema sicvisay: Ningilay lhalhma anco — apquiltomjac. Apquiltomjac poc: Noc, ongiltimnacsic maa yoyam emacpoc — apquiltomjac. Apquiljalhnec enaymacoc, yoyam osilhnanalhcac ajanco, apquiltomjac maa: Ongilyinimsic sat nincoo, esilhnanacpoc sat, ongilyanmongsiclhac sat aptemaclha apanco — alhta apquiltomjac.

LEVÍTICO 19:11

Mongvanquejec ongminyilhic. Mongvanquejec ontimjic ningmovan amyaa. Mongvanquejec ongilyinimsic poc.,

LEVÍTICO 19:16

Noelantipquis nasa apvisay poc nipyesicsa apnaymacoc. Noeltimesquis nasa apmapsom poc yoyam ematong. Coo sicvisay Dios Sicyimtalhnamo, apancaoc quellhip.

SAN MATEO 19:18

Aptomjac alhta enlhit apquitcoc apcanya Jesús: —¿Soc lha singanamaclha yi? —alhta aptomjac. Apcatingmavoc alhta Jesús: —Nongyaa nasa poc. Notvas nasa alyimjapma. Nominyilh nasa. Notipquis nasa apvisay poc.

SAN LUCAS 19:8

Yejemoc alhta apquiningvoclho Zaqueo apnaclha Jesús, aptomjac alhta: —Visqui, quip ilanojo. Pac omlascoc nalhit silnatam enlhit mepqui apquilnatam. Ayajemo alhta silyinimcascam enaymacoc, cuatro sat otnejic acyanmongayclha —alhta aptomjac.

SAN LUCAS 3:14

Apquilmalhningvaac alhta najan singilpilhtetemo: —¿Jalhco sat ontimjic nincoo lha? —alhta apquiltomjac. Apcatingmavoc alhta Juan: —Noellatim nasa enlhit asoc apanco. Noelyamnam nasa enlhit. Noelvanamcojo nasa acyanmongam apquiltamjaycam —alhta aptomjac.

SAN JUAN 7:51

—Yitnec nincoo singanamaclha Dios. Mongvanquejec ontovacsic enlhit mepqui ningyascamco apsilhnanomap apanco —alhta aptomjac.

ROMANOS 3:8

Apquilanayquic mataa enlhitaoc conyemac nincoo aclhanmaclha nano: Ingvanquic ongillana asoc acmasom yoyam cotalhcac asoc actamila. Jave ayinyema nincoo. Dios sat eyanmongsiclha actemaclha apquillhanma as enlhitaoc.

EFESIOS 4:25

Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.

DEUTERONOMIO 5:20

Mongvanquejec ontipsic apvisay poc najan acvisay moc.

2 TIMOTEO 3:3

Eltimjic sat apquilvinéycam actemaclha ningasicjayo najan actemaclha ningasicjayclho ingmoc. Eltimesquisic sat apquilmapsomcaa poc. Comopvancaa eltamesacpojo apanco. Eltimjic sat malha nipvajac. Eltanovac sat aclhamoclhojo asoc actamila.

1 SAN PEDRO 3:16

Yoyam cotnajamejec sat mataa apquilvalhoc quellhip. Elmancangvomoc sat apquiltomja apquilinmelhaycam, apquilvita inlhojo actemaclha apquiltamilcasomacpo apanco quellhip. Ayinyemaclha quellhip apquiltomja apquilyiploycam Cristo.

EL APOCALIPSIS 12:10

Aclingac alhta appayvam acyimnatem netin. Intomjac alhta: —Invaac quilhvo ningilvomsomalhca tap ayinyema Dios najan apmopvan najan apcanamaclha Dios najan actemaclha apyimtalhnamo Cristo. Ayinyemaclha intipsalhquic netin yavey Satanás actomja allhanma mataa acnim najan alhtaa napato Dios apquiltemaclha ingilyalhinga.