ÉXODO 22:27 - Enhlit Bible

²⁷ Copvanquejec mataa mepqui apcalomap alhtaa. Inlingalhquic sat ancoc apquilmasma quellhip, ongvaylhojoc sat selmalhnaycam, yoyam opasmoc. Coo sicvisay siyimlaycmo (siyamliyam).

ÉXODO 22:27 Iomraidhean Croise

2 SAMUEL 16:5

Apvocmec nic nat apvisqui David tingma Bahurim. Pilapcasquic nic nat apvitacpo enlhit apquilhyam, apvisay Simei, Gera nic nat apquitca, apmolhama ilhnic nat Saúl. Appalhamam nic nat naysicsa aplom.

1 REYES 2:8

Apnec mocjam poc apvisay Simei, Gera apquitca co Bahurim apquilmolhama tribu Benjamín. Nalhit amay alhta siclhingam Mahanaim aptomja seyamneycam coo, avanjec alhta sevennéycam coo. Apquilhyacmec alhta payjoc vatsam Jordán jemoc tacja coo. Apquilinlhanacmec alhta selmalhnaycam, yoyam mematnejec sat.,

1 REYES 2:9

Nongyasicjiclhojo nasa maa. Coyit acyascamco apvalhoc yavamlha etnejic. Nomyov nasa maa, incaymalhquic ematong Simei — nic nat aptomjac apvisqui David.

2 CRÓNICAS 30:9

Apvitac sat ancoc Dios apquiltemaclha quellhip apquilyanmonquiscama moc apquilvalhoc, elanic sat cotnaja ingmoc, yoyam elapajacsic mocjam eltajiclha ingilyalhinga apquilmomap nipyesicsa maa. Elvotac sat mocjam ingilyalhinga ningyesicsa, actomja ningilaoclha, ayinyema apcamliyam Dios najan apcapeycam, mepqui aptovascama quellhip, apvita inlhojo apquilpaycomap quellhip — nic nat apquiltomjac apquilsoycam amyaa.

SALMOS 34:6

Ayevam alhta coo Visqui ajac naysicsa siclingaycamco acyimtalhnama. Apmascosquic alhta actemaclha ayay evalhoc.

SALMOS 72:12

Elvomsic sat tap, aplinga inlhojo apquilmalhnaycam enlhit mepqui asoc. Elvomsic sat tap, aplinga inlhojo ayaymalhco asoc. Mepqui apmasma asoc.

SALMOS 86:15

Lhip eyca Visqui ajac. Aptomja seyasicjayo najan seyimlaycmo. Actamila anco apvalhoc lhip najan aplhanma mepqui apyeycajascaoc.

ÉXODO 22:23

Inlingalhquic sat ancoc allingaycamco acyimtalhnama, ongvaylhojoc sat selmalhnaycam, yoyam opasmoc.

ÉXODO 34:6

Apyeycac nic nat. Cayjec nic nat appayvam: —¡Dios! Sicvisay coo Dios. Sicyimtalhnamo coo. Actamilaycam evalhoc coo. Siyimlaycmo najan siyapeycam coo.

ECLESIASTÉS 10:20

Mongvanquejec ongvenam apvisqui rey, ontamilsojoc sat ingilvalhoc. Mongvanquejec ongvenam enlhit acma apquilnatam, ontamilsojoc sat ingilvalhoc. Nintipquiscama apquilvisay colngasalhcac, coltimnasquiclhac sat maa nata ayitcoc.

ISAÍAS 19:20

Cotnejic sat asoc monquinatquiscama actemaclha acyitnama ingac Visqui apyimtalhnamo yoclhilhma Egipto. Apquilmalhnaquic sat ancoc, yoyam epasingvota Visqui apyimtalhnamo naysicsa apquilingaycamco acyimtalhnama, colhic sat ayapajasa apquilvomquiscama tap najan apquilmasma enlhitaoc.

DEUTERONOMIO 24:10

Apquiltamjoc sat ancoc poc israelita elyamong siclho solyayem apnaclha lhip, notingya nasa lhip prenda asoc acyanmongam congne tingma pac.