ÉXODO 22:21 - Enhlit Bible

²¹ Noelane nasa ellingamcojo acyimtalhnama metnaja apquiltemolhama nipyesicsa quellhip. Colyit apatic quellhip apquileyvam nic nat cotnajaclha apquilaoclha Egipto.

ÉXODO 22:21 Iomraidhean Croise

JOB 6:27

Am elmiyavac quellhip aptomja apyeyjeycam. Apquilyinyovquic quellhip aptimem poc acyanmongam solyayem.

SALMOS 146:9

Aptomja aptamilquiscama cotnaja nintemolhama. Aptomja appasmom apquilyeyjeycam najan lhintampaa. Aptomja apquinmelhaycam apquiltemaclha apquilmapsomcaa.

ÉXODO 20:2

—Apvamlha pac lhama Visqui ingac aptomja Dios Apyimtalhnamo. Jingyinyovcasquic alhta yoclhilhma Egipto ningiltimesaycamcaclha alhta, malha ningmomalhca nincoo.

ÉXODO 23:9

Noelane nasa ellingamcojo acyimtalhnama cotnajaclha apcaoclha nipyesicsa quellhip. Colyit apatic quellhip apquileyvam nic nat cotnajaclha apquilaoclha Egipto.

ISAÍAS 1:17

Elyasingvom sat actemaclha acpeyvomo. Elpasim sat aptomja aplingaycamco acyimtalhnama. Elma sat tacja apquilyeyjeycam. Elimlimojo sat quilvana lhintampaa — alhta aptomjac Dios.

JEREMÍAS 22:3

Elyiplovcasojo sat quellhip actemaclha acpeyvomo, elmiyov sat apquilmomap apquiltimesaycam apquilviscaa apquilmapsomcaa, elmiyov sat najan metnaja israelitas apquiltimesaycam maa, elmiyov sat apquilyeyjeycam najan lhintampaa. Noelnajap nasa enlhit mepqui apquilsilhnanomap.

JEREMÍAS 7:6

Noelane nasa ellingamcojo acyimtalhnama enlhit metnaja apquiltemolhama, najan apquilyeyjeycam, najan lhintampaa. Noelnajap nasa mepqui acvisay ingmoc. Noeltime nasa apquilayo quilaycmasquiscama acyitsomalhca dios, actomja ayasomquiscama quellhip.

EZEQUIEL 22:7

Am eltomjac apquilayo apyapmayc najan incanayc, ayinyema apquitquic. Apquiltovasquic mataa metnaja israelitas, yoyam elvenacpoc. Am elpasmac mataa apquilyeyjeycam najan lhintampaa.

LEVÍTICO 19:13

Noelyimtalhnes nasa apvalhoc poc enlhit. Noellatim nasa asoc apanco poc. Noelmiyov nasa acyanmongam aptimesaycam enlhit elmesic secaseclha.

LEVÍTICO 19:33

Noeltimesquis nasa apquillingaycamco enlhit metnaja israelita nipyesicsa quellhip.

LEVÍTICO 19:34

Eltime sat mataa ingmoc. Elasicjojo mataa, acno apquilasicjamacpo apanco. Quellhip alhta najan metnaja apnaymacoc co Egipto. Coo sicvisay Dios Visqui apancaoc quellhip.

LEVÍTICO 25:35

Apnec sat ancoc nipyesicsa quellhip enlhit mepqui apquilnatam, mepqui amyip, mepqui asoc. Elpasim sat asoc ayaymomalhca, elhojoc sat metnaja israelita appalhaviyam nipyesicsa quellhip, elimlimojo sat maa.

ZACARÍAS 7:10

Noelyimtalhnes nasa avalhoc lhintampaa, najan apquilyeyjeycam, najan metnaja apquiltemolhama, najan mepqui apquilnatam. Noelinmelham nasa poc nipyesicsa quellhip — alhta aptomjac.

MALAQUÍAS 3:5

Aptomjac alhta Dios Apyimtalhnamo: Ovotac sat coo, yoyam oyanmongsiclhac apquiltemaclha apancaoc quellhip. Sictomja sicvitaycamco apquiltemaclha quellhip: Apquilvisay apquilyojolhma, apquiltomja apquilyamasma aptava, apquiltomja apquilyeycajascaoc apquillhanma, apquiltomja apquilyajapquiscama apquilvalhoc enlhit apquiltimesaycam, najan avalhaoc lhintampaa, najan apquilvalhoc apquilyeyjeycam, apquiltomja apquilinmelhaycam metnaja apquiltemolhama najan meltomja selayo coo — alhta aptomjac Dios — nic nat aptomjac profeta.

DEUTERONOMIO 1:16

Alyacyesquic alhta singyicpilquemo mayayo, sictomja alhta silanya: Elyiplovcasojo nintemaclha acpeyvomo naysicsa apquilpeyvescasquiclha apquiltemaclha apnaymacoc najan apquiltemaclha enlhit metnaja apquiltemolhama.

DEUTERONOMIO 10:18

Aptomja appeyvescasquiclha apquiltemaclha apquilyeyjeycam najan lhintampaa. Aptomja apcasicjayo najan apcamliyam enlhit singiltimesaycam.

DEUTERONOMIO 10:19

Elasicjojo quellhip metnaja apquiltemolhama. Quellhip alhta metnaja apnaymacoc nipyesicsa co Egipto.

DEUTERONOMIO 15:15

Colyitnam apatic quellhip apquiltomja nat apquilmomap yoclhilhma Egipto, apyinyovquiscama nat Dios. Eycaso ayinyema sicpayvam napatavo quellhip.

DEUTERONOMIO 23:16

Elmiyov sat maa, elane sat elhic natingma nipyesicsa quellhip, tasic najan poc tingma apquilyacyescama apquinyem. Noeltanov nasa quellhip.

DEUTERONOMIO 23:7

Noeltanov nasa edomitas apquiltomja apquilmolhama quellhip. Noeltanov nasa egipcios, ayinyema apquileyvomaclha nat quellhip.

DEUTERONOMIO 24:17

Eltime sat mataa apquilpeyvomo napatavo metnaja israelitas, najan napatavo apquilyeyjeycam, noeltingya nasa prenda acyanmongam acmaycaoc nasa tampeyi.

DEUTERONOMIO 27:19

Etvasacpoc sat enlhit aptovascama tampeyi, najan apyeyjeycam, najan poc appalhaviyam. Elatingmojoc sat enlhitaoc: ¡Naso! — sat eltimjic.