ÉXODO 20:6 - Enhlit Bible

⁶ Ingyimlimojoc sat mataa aplhamoclhojo apquiltomja apquilasicjayo najan apquilyiplovquiscama singanamaclha ayinyema Dios Apyimtalhnamo.

ÉXODO 20:6 Iomraidhean Croise

NEHEMÍAS 1:5

Actomjac alhta silmalhnancama: Lhip, Dios Apyimtalhnamo. Lhip aptomja apyimnatem najan apyimtalhnamo ningiltomja ningilay'o. Lhip aptomja aptamilquiscama asoc monquinatquiscama actemaclha apmayjayoclha. Aptomja aptamilquiscama enlhitaoc apquilyiplovquiscama lhip apcanamaclha.

SALMOS 103:17

Comasquejec sat mataa actemaclha singilasicjayo ningiltomja ningilayo Visqui ingac. Comasquejec sat mataa aptemaclha acpeyvomo nintamin sat cotmongvoycamlha nelha.

ÉXODO 34:7

Silasicjayo aplhamoclhojo aptovana niptamin enlhitaoc. Siyasicjayquiclho mocjam apquilsilhnanomap apanco enlhitaoc, najan apquilinmelhaycam enlhitaoc, najan apquiltemaclha apancaoc apquilmapsomcaa, ongvasicjiclhojo sat mocjam. Oyanmongsiclhac sat apquiltemaclha apquilsilhnanomap apanco. Najan apquiltemaclha apancaoc apyapmayc. Najan apquiltemaclha apancaoc apquitquic. Najan aplhamoclhojo aptovana, najan aplhamoclhojo aptovana niptamin — nic nat aptomjac Dios.

PROVERBIOS 3:1

Lhip sictamongvoyam: Iyiplovcasojo mataa actemaclha singiltamsoycaoc. Coyit mataa apvalhoc siyanamaclha coo.

JEREMÍAS 32:18

Lhip aptomja apcasicjayo enlhitaoc najan aptovana cotmongvoycamlha nelha. Najan aptomja apyanmongsayclha apquiltemaclha apancaoc enlhit ayinyema apquiltemaclha apquilyapmayc. Lhip Dios Visqui ingac apyimtalhnamo, acmovan innac lhip apvisay.

DANIEL 9:4

Almalhnaquic alhta Dios acyiplomo aclhanma evalhoc: Dios, lhip nac Visqui ingac Apyimtalhnamo. Mepqui apyeycajascaoc mataa lhip aplhanma, aptomja apquilmasma enlhitaoc apquilyiplovquiscama singanamaclha ayinyema lhip.

NÚMEROS 14:18

Mepecjecsejec mataa lhip eyanmongsiclha apquiltemaclha enlhitaoc. Avanjec mataa apquimlaycmo. Apmascosquic mataa lhip apquiltemaclha acmasom enlhit najan actemaclha melilyajayquiclho. Apyanmongsaclhec mataa aptemaclha apsilhnanomap apanco enlhit. Eyanmongsiclhac sat lhip apquiltemaclha aptovana ayinyema melyascalhma apquilyapmayc.

SAN JUAN 14:15

‘Aptomjac alhta mocjam Jesús: —Nasoc sat ancoc apquiltomja selasicjayo quellhip, elyiplovcasojoc sat siyanamaclha.

SAN JUAN 14:21

Aplingac sat ancoc najan apyiplovcasquic sat ancoc enlhit siyanamaclha coo, eyca as aptomja nasoc anco seyasicjayo. Coo Tata ingyasicjojoc sat enlhit aptomja seyasicjayo. Ongvasicjojoc sat coo mataa najan olhicmosalhcojoc sat ajanco —alhta aptomjac.

LOS HECHOS 2:39

Eycaso aptomja aplhanmaclha Dios Ingyapam. Quellhip alhta apquillhenacpoc yoyam ellhovac najan apquitquic najan apnaycam mocjay. Najan aplhamoclhojo aptomja apquilanyomap, aptomja apquilanem Dios Visqui ingac —alhta aptomjac.

DEUTERONOMIO 4:37

Apcasicjavoc nic nat Dios apquilyeyjamcaa quellhip. Apquilyacyesquic nic nat Dios aptovana niptamin, apquilyinyovquisa ilhnic nat yoclhilhma Egipto, acyiplomo apmopvan apanco.

DEUTERONOMIO 5:29

Altamjo inyicje, yoyam elvascapoc mataa apquiltemaclha selayo najan elyiplovcasojoc mataa sicpayvam siyanamaclha. Colhic sat actamilaycam apquilvalhoc najan actamila apquileyvam.

DEUTERONOMIO 7:9

Elyasamcojo quellhip, appeyvomo apanco Dios Apyimtalhnamo. Mepqui apyeycajascaoc mataa aplhanma pacto actemaclha ningmiyovmalhca nincoo najan inquitquic najan intovana cotmongvoycamlha nelha. Ongmiyovalhcac sat ningyiplovquisa inlhojo singanamaclha Dios ningiltomja ningilasicjayo.

SANTIAGO 1:12

Ningilinlhanacmec sat ancoc naysicsa singyipconma, incaymalhquic copayjiclha ingvalhoc. Am sat ancoc ongilyajaclhoc singyipconma, ongillhovac sat acyanmongam. Malha ningvoyam ingmamyi ongillhovac sat acyanmongam acyimnatem ingnenyic. Aplhanma ilhnic nat actomja nasoc anco Dios Ingyapam yoyam jingilmesic ningiltomja ningilasicjayo.

1 SAN JUAN 4:19

Pac ongilasicjojo sat mataa Dios, ayinyemaclha singasicjayo ilhnic nat apmamyi.

1 SAN JUAN 5:3

Ningasicjayo Dios actomja ninyiplovquiscama singanamaclha. Inquilhyevamoc anco ongyiplovcasojo singanamaclha Dios.

2 SAN JUAN 1:6

Ningasicjayo actomja ningyiplovquiscama singanamaclha Dios. Apquillinga inyicje quellhip singanamaclha siclhoc anco yoyam ongilyiplovcasojo mataa actemaclha ningasicjayo.