ÉXODO 20:24 - Enhlit Bible

²⁴ Ellana sat apquilvatnamaclha. Esovjacsojo sat talha selmescama quellhip nipquesic najan vayqui. Cotnejic sat asoc macmescama acyanmongam melyascalhma quellhip. Moc najan acyanmongam actamilaycam apquilvalhoc. Olpasmoc sat mataa quellhip siyanyaclha moclhama amyip yoyam jelpayicsojo.

ÉXODO 20:24 Iomraidhean Croise

GÉNESIS 12:2

Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

2 SAMUEL 6:12

Innec nic nat altimnasquiclho apvisqui David: —Appasmec alhta mataa Dios as enlhit Obed-edom najan apmolhama. Ayinyema aptamilquiscama alhta yamit aysicsic acyitnamaclha Dios appayvam — nic nat intomjac amyaa. Yejemoc nic nat apyasa apvisqui David apnaclha Obed-edom. Apquilvoclhec nic nat maa yamit aysicsic. Apquilitsovasoc nic nat naysicsa apquilsayclha tingma Jerusalén David tingma pac.

1 REYES 8:29

Itamilquis sat lhip as tingma acnim anco najan alhtaa. Lhip alhta aptimem cotnejic acvisay: Mayay'oclha sicvisay. Ingyeylhojo silmalhnancama sictomja lhip apquilancam.

1 REYES 8:43

Ingyeylhojo sat lhip apma netin. Ingyeylhojo sat lhip apquililmalhnancama cotnaja aptemolhama. Elyasingvomoc sat lhip apvisay aplhamoclhojo enlhitaoc lhalhma anco. Elangvomoc sat maa acno mataa apquillay enlhitaoc Israel. Elyicpilcangvomoc sat enlhitaoc, lhip apvisay acyitna as tingma coo sillanay.

1 REYES 9:3

Aptomjac nic nat Dios apcanya Salomón: —Aclingac lhac lhip apquilmalhnancama sepamejitquiscama coo. Acponquincasquic as tingma apquillanay lhip. Mayay'oclha sicvisay sat cotnejic cotmongvoycamlha nelha. Coytic sat evalhoc as tingma, otamilsic sat mataa.

2 REYES 5:17

Aptomjac nic nat Naamán apcanya: —Cotnejic ac maa. Altamjoc lhip jimquecsic lhopactic acno acpatam anit yeyjaycoc. Olanac sat ningvatnamaclha tingma ajac, actemaclha ningmescama asoc Dios Visqui ingac acyanmongam mongilyascalhma. Mopayicsoyc sat mataa quilaycmasquiscama acyitsomalhca dios.

2 CRÓNICAS 12:13

Inyangvocmec nic nat apyimtalhnamo apvisqui Roboam apna tingma Jerusalén. Invocmec nic nat aptiyascam Roboam cuarenta y un años aptimesacpo apvisqui. Aptimec nic nat apvisqui tingma Jerusalén acvaycmo diecisiete años, apvisay nic nat tingma Dios apquilyacyescama nipyesicsa tingma apquilvanyam co Israel. Roboam inquin nic nat acvisay Naama co Amón.

2 CRÓNICAS 6:6

Alyacyesquic coo tingma Jerusalén, yoyam colhic maa coo sicvisay. Najan silyacyescama David, etnejic apvisqui nipyesicsa enlhit ajancaoc — alhta aptomjac Dios Visqui ingac.

2 CRÓNICAS 7:16

Coo alhta silyacyescama najan sicponquinquiscama as tingma, yoyam colhic sat mataa sicvisay as tingma. Moyinyovejec sat mataa as tingma, yoyam colhic sat mataa sicvisay as tingma. Moyinyovejec sat mataa as tingma, otamilsic sat mataa.

ESDRAS 6:12

Emyoc sat Dios tingma apponquinomap actomja acyitnamaclha apvisay. Dios sat eyanmongsiclha aptemaclha apvisqui najan apquiltemaclha enlhitaoc apquiltomja apquilyeycajascaoc siyanamaclha yoyam eltovacsic mocjam tingma apponquinomap tingma Jerusalén. Eycaso siyanamaclha coo sicvisay visqui Dario. Copvanquejec lhama enlhit eyeycajacsic siyanamaclha — nic nat intomjac apvisqui appayvam.

NEHEMÍAS 1:9

Apquilyanmoncasquic sat ancoc apquilvalhoc quellhip. Apquilyiplovcasquic sat ancoc siyanamaclha coo. Ongvansiclhac sat quellhip apquiltomja apquilhpaneycam lhalhma anco actomjaclha nelha lhapop. Onalantac sat quellhip yoclhilhma sicponquisquiscamaclha. Colhic sat ayaco coo sicvisay — nic nat aptomjac lhip.

SALMOS 101:2

Naysicsa sictiyascam otamilsalhcojo ajanco. ¿Co sat acvam jeyotac sat lhip? Otyisam sat mepqui sicsilhnanomalhca ajanco nipyesicsa sicmolhama.

SALMOS 122:2

Quellhip co Jerusalén, ningilvoctac nincoo tingma pac.

SALMOS 128:5

Colhic sat singilyispa Visqui ingac apna tingma Sión. Colhic sat actamilaycam apquilvalhoc tingma Jerusalén aclhamoclhojo acnim.

SALMOS 134:3

Elpasmoc sat quellhip Visqui ingac, apna tingma Sión. Aptomja apquilantipquiscama nic nat netin najan nalhpop.

SALMOS 74:7

Apquilvatnec alhta talha emetic tingma apponquinomap. Apnatovasquic alhta lhip apmaclha. Apsovjoc alhta apnatovascama.

SALMOS 76:2

Netin inquilhe Sión apyitna tingma pac apponquinomap Jerusalén.

SALMOS 78:68

Innec nic nat alyacyesa Judá apquilmolhama, najan maa tingma Sión.

ÉXODO 10:25

Apcatingmavoc nic nat Moisés: —Ontimjic sat ningayo Dios actemaclha ningmescama nintoscama apmatnam acyanmongam mongilyascalhma. Lhip sat conyemac singmescama asoc yoyam ongilajic.

ÉXODO 18:12

Appiquinquic nic nat talha asoc acmatnam macmescama Dios, yoyam comyetic. Najan moc asoc macmescama Dios. Apcaneclhec nic nat Aarón najan apyovoclhojo ningayo apquilvanyam Israel. Aptovcamquic nic nat napato Dios Apyimtalhnamo. Aptasacmec nic nat Moisés apipyata.

ÉXODO 20:25

Intasic najan elmoc mataymong yoyam ellana apquilvatnamaclha. Noeltingya nasa malha yatipjaymacaoc. Cotnejic sat singascamaclha mataymong allanomalhca ayinyema ningilmaycam tava ápac.

ÉXODO 24:4

Aptalhosquic nic nat Moisés aclhamoclhojo actemaclha appayvam Dios Apyimtalhnamo. Altooc nic nat aplhaticja. Apquillanac nic nat apvatnamaclha nicja inquilhe. Apquilancasquic nic nat doce mataymong acyitsomalhca doce apquilmolhama enlhitaoc Israel.

ÉXODO 24:5

Apquilapajasquic nic nat quilyimnanic yoyam enalantac vayqui ayitcoc. Apquilajac nic nat. Apquilvatnec nic nat actemaclha apquilmescama acyanmongam actamilaycam apquilvalhoc.

ÉXODO 27:1

Illana sat lhip apquilvatnamaclha altar cuadrado, ayinyema yamit acacia. Acvamlha acvinatem dos metros y veinticinco centímetros moclhama nicja, najan acvamlha nitno un metro y veinticinco centímetros.

ISAÍAS 64:5

Lhip aptomja singasicjayo, apvita inlhojo ningyiplovquiscama actemaclha actamila, najan ningyiplovquiscama singanamaclha. Aplovqui inyicje lhip, apvita inlhojo ningilsilhnanomalhca inganco, ayinyema nintemaclha ningvennéycam lhip.

LEVÍTICO 17:9

Am sat ancoc ingyajac aptoscama enlhit payjoc apatong carpa apponquinomap, actemaclha macmescama Dios, najan actemaclha holocausto etvasacpoc sat nipyesicsa apnaymacoc, ematong sat maa — nic nat aptomjac.

MALAQUÍAS 1:11

Innec seyaco coo nipyesicsa enlhitaoc lhalhma anco. Innec seyaco coo lhalhma anco ayinyema apquilvatnama talha asoc masis. Najan ayinyema selmescama asoc altamila sicyisponcama coo.

SAN MATEO 18:20

Apquillhenquic sat ancoc sicvisay apcanito enlhit apcanayclha, olhic sat coo lha nipyesicsa —alhta aptomjac.

SAN MATEO 28:20

Ellhicmos sat enlhitaoc, yoyam elyiplovcasojo aclhamoclhojo asoc silanya eltimjic quellhip. Quip elanojo, molyinyovejec sat mataa quellhip acvocmo actamongvomlha nelha acnim as nalhpop —alhta aptomjac Jesús. Amén.

DEUTERONOMIO 12:11

Cotnejic sat Dios apquilyacyescama acmaclha apvisay apanco, quellhip sat conyemac ofrendas macmescama Dios: apnatoscama apticyovam malvatnama talha, yoyam colhic ayaco Dios, najan macmescama Dios lhama asoc acyitna inlhojo diez asoc (diezmo), najan contribuciones acyanmongam apquilyamasma, najan apquillhanma napato Dios mepqui apquilyeycajascaoc.

DEUTERONOMIO 12:21

Apnec sat ancoc enlhit tingma apyitnama mocjay carpa apponquinomap, apvanquic elnapoc apnatoscama vayqui najan nipquesic payjoc apmaclha mocjay, acno apcanama siclho Dios.

DEUTERONOMIO 12:5

Dios Apyimtalhnamo elyacyecsic sat mayayoclha nipyesicsa apquilmolhama tribus enlhitaoc, apvamlha pac lhama carpa apponquinomap, yoyam eltingya quellhip.

DEUTERONOMIO 14:23

Cotnejic sat décima parte trigo apactic, najan uva ayingmenic, najan aceite, najan apnatoscama apvitay apmamyi vayqui ayitcoc najan nipquesic apquitcoc. Ingyaniclha sat quellhip, yoyam eltovamcoc sat napato Dios payjoc carpa apponquinomap, elyasingvomoc sat quellhip actemaclha apquilayo najan apquilyajayquiclho Dios.

DEUTERONOMIO 16:11

Ellana sat quellhip fiesta napato Dios, payjoc carpa apponquinomap, apquilpasmeyquiclha apquitquic, najan enlhit apquilmomap, najan apnaymacoc levitas, najan metnaja israelitas, najan apquilyeyjeycam, najan lhintampaa nipyesicsa quellhip.

DEUTERONOMIO 26:2

Elvitac sat quellhip acyilhna ayinyema amyip. Noeltovaoc nasa acyilhna apquilvitay siclhoc anco. Apquilanyacpec moclhama quellhip elsaclhesic as acyilhna tingma ningilmalhnancamaclha, apvisay carpa apponquinomap.

DEUTERONOMIO 7:13

Etnejic sat Dios singilasicjayo, jingilmecsic asoc altamila, jingillhamasiclhac sat ninlhamoclhojo. Elasicjacpoc sat apquitquic quellhip, ellhovamcoc sat acyilhna najan actic, najan uva ayingmenic, najan aceite. Elhamasiclhac sat apnatoscama vayqui najan nipquesic. Aplhanma alhta Dios actomja nasoc anco napatavo ningilyeyjamcaa, yoyam ellhovamcoc as asoc yoclhilhma apquilvoycamlha.

1 TIMOTEO 2:8

Quellhip elyalhinga. Altamjoc coo yoyam elilmalhna quellhip moclhama apnaycamcaclha, acyiplomo ayalhnayo apquilvalhoc mepqui apquilnatjemo najan mepqui moc aclhanma apquilvalhoc.