ÉXODO 20:15 - Enhlit Bible

¹⁵ Mongvanquic ongminyilhic.

ÉXODO 20:15 Iomraidhean Croise

ÉXODO 21:16

Incaymalhquic ematong enlhit, aptomja appatjitma poc, yoyam eyinyoc acyanmongam solyayem. Innoc moc: yicpintama apyamasma acyanmongam, najan natamin apyamasma acyanmongam solyayem.

PROVERBIOS 11:1

Apyispaquic mataa Visqui ingac balanza ingac mepqui ningyinimquiscama poc. Aptanovquic mataa balanza ingac, acyiplomo ningyinimquiscama poc.

LEVÍTICO 19:11

Mongvanquejec ongminyilhic. Mongvanquejec ontimjic ningmovan amyaa. Mongvanquejec ongilyinimsic poc.,

LEVÍTICO 19:13

Noelyimtalhnes nasa apvalhoc poc enlhit. Noellatim nasa asoc apanco poc. Noelmiyov nasa acyanmongam aptimesaycam enlhit elmesic secaseclha.

AMÓS 3:10

Aptomjac alhta Dios Apyimtalhnamo: Am elyasamcoc nintemaclha nimpeyvescasquiclha amyaa. Asoc alminyilhamalhca acnaycaoc tingma apancaoc — alhta aptomjac.

MIQUEAS 7:3

Apquilvascapquic mataa ellana nintemaclha acmasom. Apquiltingyac mataa acyanmongam enlhit ningayo, najan enlhit apquilyicpilquemo. Yitnec apquiltemaclha apancaoc enlhit apquilyimtalhnamo, apquilsilhnanimquisa apnaymacoc tingma apvanyam.

SAN MATEO 15:19

Eyca ayinyema ingvalhoc alquitamsama ingvalhoc almasomcaa, ningajem ingmoc, nintovascama singilyimjapma, ningilanatama, ayajemo nintipquiscama apvisay ingmoc, ningmovan amyaa (ningyinimquiscama).

SAN MATEO 19:18

Aptomjac alhta enlhit apquitcoc apcanya Jesús: —¿Soc lha singanamaclha yi? —alhta aptomjac. Apcatingmavoc alhta Jesús: —Nongyaa nasa poc. Notvas nasa alyimjapma. Nominyilh nasa. Notipquis nasa apvisay poc.

SAN MATEO 21:13

Aptomjac alhta Jesús apquilanya: —Yitnec actalhesomalhca Dios appayvam: “Coo tingma ajac cotnejic sat apquilmalhnancamaclha enlhit” —nic nat intomjac appayvam. Apquiltimescasquic quellhip as tingma apquilyilhanmomaclha apquilminyilhma —alhta aptomjac.

SAN JUAN 12:6

Aptime apanco alhta Judas. Am alhta colhenac apvalhoc enlhit mepqui apquilnatam. Aptamilcasquic mataa Judas solyayem acninquinomalhca. Apyilhacpoc mataa apquilma nicja solyayem. Ayinyemaclha Judas aptomja enlhit apminyilhma.

ROMANOS 13:9

Eycaso actemaclha singanamaclha: “Notvas nasa actemaclha singilyimjapma. Nongyaa nasa poc. Nominyilh nasa. Notne nasa apmopvan amyaa. Nocotsip nasa apnenyic cotnaja asoc apác” —intomjac singanamaclha. Lhama eyca actomja ayimja amamyi, actomja acsovjomo acyovoclhojo singanamaclha. Eycaso actomja ayimja amamyi: “Ingyasicjojo sat poc acno apcasicjamacpo apanco” —intomjac singanamaclha.

EFESIOS 4:28

Apminyilhquic alhta lhip, ilvates sat apminyilhma. Incaymalhquic etnajam, yoyam coymalhquejec lhama asoc. Yoyam ingyimlimojoc sat lhip poc aptomja ayaymomalhca asoc.

DEUTERONOMIO 24:7

Apmacpec sat ancoc enlhit israelita, malha apminyilhomap yoyam eyinyovacpoc sat acyanmongam solyayem. Incaymalhquic ematong as enlhit apminyilhma. Elmascos sat acmasom, acyitna inlhojo nipyesicsa quellhip.,

DEUTERONOMIO 5:19

Mongvanquejec ongminyilhic.

1 TESALONICENSES 4:6

Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa.