ÉXODO 20:13 - Enhlit Bible

¹³ Mongvanquic ongajic ingmoc.

ÉXODO 20:13 Iomraidhean Croise

2 REYES 21:16

Avanjec nic nat apsilhnanoncama apvisqui Manasés nipyesicsa co Judá. Avanjec nic nat aptanoncama Dios aptemaclha apanco. Apcapajasquic nic nat eticyoc apnaymacoc mepqui apquilmapsomcaa natingma Jerusalén. Invitalhquic nic nat ayinyem ema apancaoc apticyovam.

2 CRÓNICAS 24:22

Inquilvoncacmec nic nat apvisqui Joás aptemaclha aptamila siclho Joiada, Zacarías apyap. Apcanama alhta yoyam ematong Zacarías, apyimnatesa appayvam naysicsa apmatnam: ¡Apvita inyicje Dios apquiltemaclha quellhip, ellingamcojoc sat quellhip apyanmongsayclha apquiltemaclha — nic nat aptomjac!

ÉXODO 21:12

Incaymalhquic ematong enlhit aptomjac apcajem poc.

ÉXODO 21:14

Incaymalhquic ematong enlhit aptomja apcajem poc naysicsa aplom. Copvanquejec emyovacpoc napato Dios Apyimtalhnamo.

ÉXODO 21:20

Apmatnec sat ancoc enlhit apmomap najan quilvana acmomalhca. Ayinyema apyimsascama yamit. Apquitsepquic sat ancoc, colhic sat acyanmongseclho aptemaclha apanco (apsilhnanomap apanco).

ÉXODO 21:29

Apyasamcoc sat ancoc enlhit actemaclha aclom vayqui. Najan apquillhanma apnaymacoc actemaclha aclom, yoyam etjetic aptoscama. Apmatnec sat ancoc enlhit, inlhojo laa quilvana, vayqui aclom actovascama. Comatong sat vayqui. Ematong sat najan aptomja aptoscama.

ÉXODO 23:7

Noelpasim nasa enlhit apquilyinimquiscama. Noelyitnocjas nasa amyaa mepqui apsilhnanomap apanco, yoyam etanovacpoc. Momyovejec sat coo enlhit apsilhnanomap apanco etnesacpoc appeyvomo.

PROVERBIOS 1:11

Apquiltomjac as apnaymacoc apquilanya lhip: Noc, ontimjic nimpasmeyquiclha. Ongilsilhnanac sat poc enlhit mepqui apsilhnanomap apanco, yoyam ematong mepqui acvisay.

PROVERBIOS 1:18

Elmacpoc apanco as trampa enlhit, ellingamcojoc sat apquilmomap apanco.

ISAÍAS 26:21

Visqui ingac etyapoc sat tingma pac, eyanmongsiclha apquiltemaclha apancaoc enlhitaoc as nalhpop. Elvitacpoc sat apticyovam nano, malha macpiquinayclha ayalhnaclhojo sat cotnejic, elvitacpoc apticyovam nano.

JEREMÍAS 26:15

Nasoc anco, elyasamcojo quellhip: Acmatnec sat ancoc coo, eltimjic sat apquilsilhnanomap apanco quellhip najan apnaycam natingma. Mepqui eyca coo sicsilhnanomalhca ajanco. Nasoc anco seyapajascama Dios Apyimtalhnamo, olngacsic as amyaa, yoyam covac sat nipyesicsa quellhip — nic nat aptomjac profeta.

LEVÍTICO 24:17

Apcajac sat ancoc poc enlhit, ematong sat aptomja apcajem.

LEVÍTICO 24:21

Apcajac sat ancoc enlhit aptoscama poc enlhit, incaymalhquic etajicsojoc aptoscama alhnancoc acyanmongam apcajem. Enlhit aptomja apcajem poc, ematong sat.

SAN MATEO 19:18

Aptomjac alhta enlhit apquitcoc apcanya Jesús: —¿Soc lha singanamaclha yi? —alhta aptomjac. Apcatingmavoc alhta Jesús: —Nongyaa nasa poc. Notvas nasa alyimjapma. Nominyilh nasa. Notipquis nasa apvisay poc.

SAN MARCOS 10:19

Apyasamcoc lhip singanamaclha acnatalhesomalhca: “Nongyaa nasa poc. Notvas nasa alyimjapma. Nominyilh nasa. Notipquis nasa apvisay poc. Noyinimquis nasa. Ilyejiclhojo apyap najan inquin” —alhta aptomjac.

SAN LUCAS 18:20

Apyasamcoc lhip singanamaclha acnatalhesomalhca: “Notvas nasa alyimjapma. Nongyaa nasa poc. Nominyilh nasa. Notipquis nasa apvisay poc. Ilyejiclhojo apyap najan inquin” —alhta aptomjac.

LOS HECHOS 16:28

Yejemoc alhta apquilpalhamamcaa Pablo: —¡Nani! Nongyajap nasa. Ningilanalhco nincoo aso —alhta aptomjac.

LOS HECHOS 28:4

Lhama alhta acvitalhco acyeyva acyiplovsacmo apmic Pablo. Apquilpamejitsacpec alhta enlhit aptomja apquilaoclha apanco: —Eyca as enlhit (Pablo) aptomja ticyovam inyap. Apvocmec alhta inyicje tap naysicsa yingmin acvanyam. Metyisamejec sat mocjam as enlhit ayinyema Dios Actemaclha Acpeyvomo —alhta apquiltomjac.

ROMANOS 13:9

Eycaso actemaclha singanamaclha: “Notvas nasa actemaclha singilyimjapma. Nongyaa nasa poc. Nominyilh nasa. Notne nasa apmopvan amyaa. Nocotsip nasa apnenyic cotnaja asoc apác” —intomjac singanamaclha. Lhama eyca actomja ayimja amamyi, actomja acsovjomo acyovoclhojo singanamaclha. Eycaso actomja ayimja amamyi: “Ingyasicjojo sat poc acno apcasicjamacpo apanco” —intomjac singanamaclha.

GALATAS 5:21

Najan actemaclha ningyasipquiscama najan actemaclha mongascama ongyinic anmin najan mongascama ontoc nintom najan acno moc aclhamoclhojo asoc. Altimnasquic alhta siclhoc quellhip, pac oltimnasiclhoc mocjam: Ningilvajanamquic sat ancoc as asoc, mongvanquejec ongilpalhavomoc Dios apquilnancascama.

DEUTERONOMIO 5:17

Mongvanquejec ongajic poc.

1 TIMOTEO 1:9

Ningyasamcoc nincoo apquillhenamap apquilmapsomcaa ayinyema singanamaclha. Eyca acyitna singanamaclha Dios apquillhenamap: enlhit melilyajayquiclho najan enlhit apquilyasquiyam najan enlhit apquilmapsomcaa najan enlhit melyascalhma najan enlhit apquilajayclha apyap najan inquin najan ticyovam yapmayc.

SANTIAGO 2:11

Intomjac nic nat Dios appayvam actalhesomalhca: “Notvas nasa actemaclha alyimjapma”. Intomjac najan moc: “Nongyaa nasa poc” —nic nat intomjac. Am inyicje etvasac lhip actemaclha alyimjapma, acyitna inlhojo apcajem poc. Eycaso ayinyema aptovascama lhip actemaclha singanamaclha.

SANTIAGO 2:13

Am sat ancoc ongimlacmoc ingmoc, coyimtilhojoc sat ningyicpilcomalhca mepqui singamliyam. Yitnec sat ancoc ningamliyam ingmoc, ongilmiyovalhcac sat naysicsa ningyicpilcomalhca actemaclha acpayjayclha ingvalhoc.