ÉXODO 20:12 - Enhlit Bible

¹² Incaymalhquic ongilyejiclhojo mataa appayvam tata ingac najan meme ingac. Ajolhec sat nintiyascam as nalhpop ayinyema Dios Visqui ingac.

ÉXODO 20:12 Iomraidhean Croise

GÉNESIS 48:12

Apnam nic nat José apquitquic acpayjo aptapnaoc apquilyata. Apquinimcasquic nic nat apquitquic tap José. Yejemoc nic nat apjalhaja José napato apyap. Inticlhicvocmec nic nat napaat nalhpop.

GÉNESIS 50:12

Apquilvajanamquic nic nat Jacob apquitquic actemaclha apcanama apquilyap.

1 REYES 2:19

Inmiyaclhec nic nat Betsabé copamejitsic apvisqui Salomón, aclhanma apvalhoc Adonías. Apquinmaclhec nic nat netin apvisqui emoc tacja inquin. Apjalhec nic nat acnaclha inquin. Apnaclhec nic nat mocjam apvisqui aptajanem. Apcanama ilhnic nat colhic acsantimquisa nintajanem yoyam colhic inquin. Innaclhec nic nat napocja apvisqui payjoc derecha.

2 REYES 2:12

Apvitac nic nat Eliseo, apquevam nic nat: —¡Visqui ajac, Elías! ¡Visqui ajac, Elías! ¡Eycaso carro pac Israel najan nolhing apcapaoc! — nic nat aptomjac. Inmasquec nic nat apvitangveclho. Yejemoc nic nat apyapta aptalhnama, niplhit nic nat apyaptac.

ÉXODO 21:15

Incaymalhquic ematong enlhit, aptomja apcajem apyap najan inquin (apyimsascama).

ÉXODO 21:17

Incaymalhquic ematong enlhit, aptomja aplom apquinmelhaycam apyap najan inquin.

PROVERBIOS 15:5

Ningiltanovquic singiltamescama tata ingac, acyitna inlhojo acyeyjamelhma ingvalhoc. Ningyispaquic mataa singiltamescama tata ingac, acyitna inlhojo acyascamco ingvalhoc.

PROVERBIOS 17:6

Ningilinyejemo nincoo ningilvanyam, ningvita inlhojo intovana. Apquilinyejemo mataa apquitcavoc, apquilvita inlhojo incanayc.

PROVERBIOS 20:20

Ninlovquic sat ancoc ningilyamnamcaa tata ingac najan meme ingac, ongitsapoc sat naysicsa yatescamalhma.

PROVERBIOS 28:24

Yitnec sat ancoc ningminyilhma asoc apanco tata ingac najan meme ingac, ninganem mepqui ningilsilhnanomalhca inganco, onlhojoc sat enlhit apminyilhma.

PROVERBIOS 3:16

Colhic sat mataa singaco, najan ningilnatam, najan nintiyascam acvoncaclhojo, acyitna inlhojo acyascamco ingvalhoc.

PROVERBIOS 30:11

Apquiltemaclha enlhit: apquilyamnam apquilyap, mepqui apquilayo inquin.

PROVERBIOS 30:17

Yitnec sat ancoc ningvenéycam tata ingac najan meme ingac acvanyam, onlingamcojoc sat acmasom: eltaclhamcoc sat ingataoc mama apquitcoc, jingiltovcamcoc sat mama apyivey.

JEREMÍAS 35:18

Aptomjac nic nat Jeremías apquilanya recabitas: Eycaso appayvam Dios Visqui apyimtalhnamo nipyesicsa israelitas: Apquilyajaclhoc quellhip apcanamaclha apquilyeyjamcaa Jonadab, najan apquilyiplovcasquic mataa quellhip apcanama, yavamlha eltimjic.

JEREMÍAS 35:7

Singascama mocjam ongillana tingma apquiltamila, ontingya ayimjaclha ninganma, najan ningilquinayclha uva avjac. Singanama alhta ongillana carpa tingma amyip, ongileyoc sat aclhamoclhojo años as nalhpop, malha cotnajaclha ningaoclha.

EZEQUIEL 22:7

Am eltomjac apquilayo apyapmayc najan incanayc, ayinyema apquitquic. Apquiltovasquic mataa metnaja israelitas, yoyam elvenacpoc. Am elpasmac mataa apquilyeyjeycam najan lhintampaa.

LEVÍTICO 19:3

Elasicjojo sat mataa apyap najan inquin. Elasicjojo sat mataa silanya quellhip acnim ninnayclha. Coo sicvisay Dios Visqui apancaoc quellhip.,

LEVÍTICO 19:32

Eltime sat apquilayo apquilvanyam, noelvennam nasa. Elpasim sat mataa. Eltime selayo sicvisay Dios Visqui apancaoc quellhip.

MALAQUÍAS 1:6

Aptomjac alhta Dios Apyimtalhnamo: Apquilyajaclhoc mataa apquitcavoc apquilanama apyapmayc. Apquilyajaclhoc mataa apquiltimesaycam appayvam apvisqui apancaoc. Coo sicvisay Apquilyap quellhip, ¿so actomja yi meltomja selayo quellhip? Coo sicvisay Apvisqui apancaoc, ¿so actomja yi meljalhenmo sicpayvam quellhip? Nasoc anco sevennéycam quellhip naysicsa apquillhanma: ¿Co laa ayinyema ningvennéycam Dios? — apquiltomjac quellhip.

SAN MATEO 19:19

Ilyejiclhojo apyap najan inquin. Ingyasicjojo ingmoc, acno apcasicjamacpo apanco —alhta aptomjac.

SAN MARCOS 10:19

Apyasamcoc lhip singanamaclha acnatalhesomalhca: “Nongyaa nasa poc. Notvas nasa alyimjapma. Nominyilh nasa. Notipquis nasa apvisay poc. Noyinimquis nasa. Ilyejiclhojo apyap najan inquin” —alhta aptomjac.

SAN MARCOS 7:10

Aptomjac nic nat apcanya Moisés: “Elyejiclhojo apyap najan inquin.” Najan moc: “Ningyamnam sat ancoc ingyap inlhoyqui laa meme ingac, ongmatong sat” —nic nat aptomjac.

SAN LUCAS 18:20

Apyasamcoc lhip singanamaclha acnatalhesomalhca: “Notvas nasa alyimjapma. Nongyaa nasa poc. Nominyilh nasa. Notipquis nasa apvisay poc. Ilyejiclhojo apyap najan inquin” —alhta aptomjac.

EFESIOS 5:21

Noelyeycajas nasa moc apquilvalhoc yoyam colhic ayaco Cristo.

DEUTERONOMIO 11:8

Aptomjac nic nat Moisés: —Elyiplovcasojo mataa quellhip singanamaclha Dios, siltimnascama quellhip as acnim nac jay. Eltimjic sat apquilyimnatem quellhip, elvascapoc sat yoclhilhma apquilvoycamlha.

DEUTERONOMIO 11:9

Eleyoc sat aclhamoclhojo años as yoclhilhma, aplhanma ilhnic nat Dios napatavo apquilyeyjamcaa najan aptovana. Cotnejic sat yoclhilhma acyitnamaclha leche najan apquimjaclha yovjan.

DEUTERONOMIO 21:18

Apnec sat ancoc enlhit apquitca melyajayquiclho najan apquinmelhaycam apyap appayvam najan inquin acpayvam. Paj elyajaclhoc mataa, aplingamco inlhojo acyanmongayclha aptemaclha apanco.

DEUTERONOMIO 25:15

Ajolhec sat cotnejic apquileyvam quellhip yoclhilhma macmescama quellhip ayinyema Dios, apvita inlhojo apquiltemaclha apquilpeyvomo quellhip.

DEUTERONOMIO 27:16

Etvasacpoc sat enlhit apvennéycam apyap najan inquin: ¡Naso! — sat eltimjic.

DEUTERONOMIO 32:47

Jave acmovan amyaa singanamaclha Dios. Actomja acyimnatescama mataa ingnenyaoc. Covoncac sat apquileyvam quellhip as yoclhilhma alhnancoc, payjoc moc nicja vatsam Jordán, apquilvoycamlha sat quellhip — nic nat aptomjac Moisés.

DEUTERONOMIO 4:26

Olhenic sat coo acvisay netin najan as nalhpop, actomja alvitaycamco. Melhnamejec sat quellhip acvoncaclhojo yoclhilhma alhnancoc tap vatsam. Comascoc sat apquileyvam quellhip, eticyoc sat apyovoclhojo quellhip.

DEUTERONOMIO 4:40

Elyiplovcasojo apcanamaclha najan apcascamaclha siltimnascama quellhip quilhvo nac jay. Colhic sat actamilaycam apquilvalhoc quellhip najan aptovana as yoclhilhma apquileyvomaclha quellhip aclhamoclhojo años, ayinyema Dios — nic nat aptomjac Moisés.

DEUTERONOMIO 5:16

Incaymalhquic ongilyejiclhojo mataa appayvam tata ingac najan meme ingac, acno ningilanyomalhca ontimjic. Ajolhec sat nintiyascam as nalhpop ayinyema singmescama Dios.,

DEUTERONOMIO 5:33

Elyiplovcasojo quellhip, malha ningyiplayclha amay singillhicmoscama Dios. Colhic sat actamilaycam apquilvalhoc najan actamilaycam apquileyvam aclhamoclhojo años as yoclhilhma Dios apmescama yoyam ellhovamcoc quellhip.

DEUTERONOMIO 6:2

Eltimjic sat apquilayo Dios Apyimtalhnamo. Elyiplovcasojoc sat singanamaclha najan singascamaclha, siltimnascama mataa quellhip najan apquitquic najan aptovana. Eleyoc sat quellhip aclhamoclhojo años.

COLOSENSES 3:20

Quellhip apquitcaoc najan ayitcaoc. Elilyejiclhojo sat mataa apquilyap najan incanayc. Eycaso actomja apmayjayoclha Visqui ingac.

RUT 3:6

Inmiyaclhec nic nat amyip Rut. Inyiplovcasquic nic nat acpayvam inyipyamong.

1 SAMUEL 22:3

Apquilmiyaclhec nic nat tingma Mizpa, yoclhilhma Moab. Aptomjac nic nat David apcanya apvisqui co Moab: —Altamjoc memyovejec lhip, elhic tata coo najan meme nipyesicsa quellhip. Oyasamcojoc sat coo apmayjayoclha Dios, jeyanic sat yavamlha otnejic — nic nat aptomjac.