ÉXODO 2:24 - Enhlit Bible

²⁴ Aplingac nic nat Dios actemaclha apquiliclhangvoycam. Apyasingveclhoc nic nat Dios asoc monquinatquiscama actemaclha apmayjayoclha apvitay nic nat Abraham najan Isaac najan Jacob.

ÉXODO 2:24 Iomraidhean Croise

GÉNESIS 15:13

Aptomjac nic nat Dios apcanya Abram: —Iyasamcojo sat lhip. Elhnam sat lhip aptovana yoclhilhma cotnajaclha apquilaoclha. Eltimjic sat apquiltimesaycam poc. Colhic sat alasquisa apyimpeoc acvaycmo 400 años.

GÉNESIS 16:11

Inlovsoc intomjac lhiya, cotimsic sat ayitca. Coltime sat apvisay Ismael. Ayinyemaclha aplingac Dios actemaclha aclingaycamco acyimtalhnama lhiya.

GÉNESIS 17:7

Eycaso actemaclha monquinatquiscama sicmayjayoclha coo napato lhip najan aplhamoclhojo aptovana niptamin lhalhma anco: Otnejic sat mataa Dios lhip Visqui pac. Otnejic sat mataa Dios Visqui apancaoc aptovana niptamin lhalhma anco.

GÉNESIS 18:18

Ayinyemaclha Abraham etnejic sat apquilyap aplhamoclhojo apquilmolhama apquilyimnatem. Pac olhamascasiclhac sat coo apquinyema Abraham aplhamoclhojo enlhitaoc lhalhma anco.

GÉNESIS 26:2

Apvitac nic nat Isaac actemaclha ningaat. Aplingac nic nat Visqui netin appayvam: —Noyas nasa yoclhilhma Egipto. Ilha sat yoclhilhma siltimnasaclha elhic.

GÉNESIS 26:24

Apvitac nic nat actemaclha ningaat alhtaa. Aplingac nic nat Dios appayvam: Coo nac Dios Visqui pac lhip apyap Abraham. Nojeya nasa. Coo nac sicpasmom mataa lhip. Opasmoc sat lhip, olhamasiclhac sat lhip aptovana ayinyema Abraham, aptomja nat selancam— nic nat intomjac aplingay.

GÉNESIS 26:3

Ilinlhanmojo sat mocjam aptiyascam as yoclhilhma. Coo sat mataa opasmoc najan ongvimlimojo. Lhip sat elhcac aclhamoclhojo yoclhilhma najan aptovana niptamin. Osavojoc sat siclhanma alhta actomja nasoc anco napatoc lhip apyap Abraham.

GÉNESIS 32:28

Aptomjac nic nat as enlhit apcanya: —Inmasquec lhip apvisay Jacob. Israel intomjac lhip apvisay quilhvo. Ayinyemaclha apquilnapacpec lhac lhip Dios najan enlhitaoc. Apyimnatem nac lhip— nic nat aptomjac.

GÉNESIS 35:11

Aptomjac nic nat Dios apcanya Jacob: Coo nac Dios sictomja Sicyimtalhnamo. Elhamiclhac sat lhip apquitquic najan aptovana. Eltimjic sat aplhamoclhojo apquilmolhama lhalhma anco. Eltimjic sat apquilviscaa nipyesicsa aptovana.

GÉNESIS 35:12

Acmasquic alhta siclhoc anco Abraham najan Isaac as yoclhilhma. Lhip sat najan omquecsic as yoclhilhma. Niptamin lhip omquecsic sat aptovana lhip as yoclhilhma— nic nat aptomjac Dios Apyimtalhnamo.

GÉNESIS 8:1

Inlhanvocmec nic nat apvalhoc Dios Apyimtalhnamo apmolhama Noé najan aclhamoclhojo asoc alyinatem congne barca yamit aysicsic. Aptimescasquic nic nat alhcajayam Dios Apyimtalhnamo. Invayventac nic nat netin yingmin.

2 REYES 13:23

Aptomjac nic nat Dios Visqui ingac apquilmasma israelitas, ayinyema aptemaclha apcasicjayo najan apcamliyam. Najan ayinyema apquillanay nic nat pacto ningmiyovmalhca napatavo ningilyeyjamcaa Abraham, najan Isaac, najan Jacob. Apmiyovquic nic nat Dios, yoyam melnatovasacpejec sat israelitas, acvaycmo as ningvamlha nac jay.

SALMOS 102:2

Noyilhanim nasa lhip, acyitna inlhojo aclingaycamco evalhoc coo. Ingyeylhojo siyevoycam. Jeyatingmojo coo quilhvo nac jay silmalhna asoc.

SALMOS 102:20

Apquiljalhnoc mataa apquilmalhnancama apquilmomap. Apquilvomcasquic mataa tap apquilanyomap eticyo.

SALMOS 105:42

Inyasingveclhec nic nat apvalhoc Dios aplhanma nic nat actomja nasoc anco. Aplhanma napatavo apquilancam (apcasinancama) Abraham.

SALMOS 106:45

Inyitnam nic nat apatic Dios, aplhanma ilhnic nat mepqui apyeycajascaoc. Ayovsec nic nat apvalhoc apquilano, ayinyema acyivey apcasicjayo Dios.

SALMOS 138:3

Apjalhnoc lhip silmalhnancama, siyevoycam alhta lhip. Eyimnatasquic alhta coo najan apyimnatescama evalhoc coo.

SALMOS 22:24

Am jingvennam mataa Visqui ingac naysicsa ninlingaycamco acyimtalhnama. Ingilanam mataa Visqui ingac. Apjalhnoc mataa naysicsa ningvíneycam.

SALMOS 22:5

Apquililpalhamam nic nat ningilyeyjamcaa. Inyiplovcoc nic nat lhip apmasma. Apquiltimec nic nat apquilayo, am nic nat eyinyavac lhip.

SALMOS 79:11

Ingyeylhojo lhip apquiliclhangveycam ingnaymacoc apquilmomap. Imyov sat lhip ingnaymacoc apquilanyomap eticyo.

ÉXODO 6:5

Aclingac alhta apquiliclhangvoycam enlhitaoc Israel, naysicsa apquilanyomap eltamjam ayinyema co Egipto. Inlhanvocmec evalhoc actemaclha asoc monquinatquiscama sicmayjayoclha.

NÚMEROS 20:16

Ningilmalhnaquic alhta Dios yoyam jingilpasmoc. Aplingac alhta ningilmalhnancama ningiliclhangveycam. Apcapajasquic nic nat Dios lhama ángel apcasinancama. Ingilyinyovcasquic alhta yoclhilhma Egipto. Ningvaac as tingma Cades, nicja yoclhilhma.

LOS HECHOS 7:34

Acvitac coo enlhitaoc selancam apnatovasomap yoclhilhma Egipto. Aclingac coo apquiliclhangveycam. Acvayventac coo, yoyam olvomsic tap as enlhitaoc. Ingva, ongvapajacsic sat lhip yoclhilhma Egipto” —nic nat aptomjac apcanya.

JUECES 2:18

Dios nic nat apquilyacyescama enlhit mayayo, appasmec nic nat mataa, yoyam elvomsic tap apnaymacoc israelitas nipyesicsa cotnaja ingmoc. Apquimjapasquic nic nat apvalhoc Dios apvita inlhojo apquillingaycamco acyimtalhnama.

1 SAMUEL 9:16

—Ongvapajacsic sat lhama enlhit apnaclha lhip, secaseclha acvamlha hora nac jay. Ingyinyemac sat Benjamín apcaoclha. Itnesquis sat apvisqui nipyesicsa enlhitaoc Israel. Iyilhvatas sat olivo ayingmenic actemaclha monquinatquiscama aptimesomap apvisqui. Elvomsic sat tap enlhitaoc ajancaoc nipyesicsa enlhitaoc filisteos. Acvitac coo actemaclha apquillingaycamco enlhitaoc ajancaoc. Aclingac coo apquililpalhamaycam — nic nat aptomjac Dios.