ÉXODO 19:9 - Enhlit Bible

⁹ Aptomjac nic nat Dios Apyimtalhnamo apcanya Moisés: —Quip ingyeylhojo. Opamejitsic sat mataa lhip naysicsa yipjopay acpasyam. Elaylhojoc sat enlhitaoc actemaclha sicpamejitquiscama lhip. Melyascamejec sat mataa enlhitaoc siyapajascama lhip cotmongvoycamlha nelha — nic nat aptomjac Dios.

ÉXODO 19:9 Iomraidhean Croise

1 REYES 8:12

Aptomjac nic nat apvisqui Salomón apcanya Dios: Lhip Dios Apyimtalhnamo. Inlhenquic lhip apvalhoc elhic acyinatesaclhilhma.

2 CRÓNICAS 20:20

Secaseclha ilhnic nat intomjac. Apnalhaticjac nic nat alhtoo elmiyaclha sat yoclhilhma actamopeycaoc Tecoa. Yicpintama apquillhingam apquinmaclho netin Josafat, aptomja apquilanya: Quip elaylhojo quellhip co Jerusalén najan co Judá: noelyasquim nasa Dios Visqui ingac, melacyejec sat mataa. Noelyasquim nasa profetas apquilpayvam, elmiyovacpoc sat quellhip — nic nat aptomjac.

2 CRÓNICAS 6:1

Eycaso ilhnic nat Salomón appayvam: Lhip Visqui ingac aptomja appayvam, acvisay yatescamalhma lhip apmaclha.

SALMOS 97:2

Invitalhquic yipjopay alpasyam nipyava Visqui ingac. Payjoc apvisqui aptajanem acyitna actemaclha acpeyvomo.

SALMOS 99:7

Appamejitcasquic nic nat Dios, ayinyema appayvam yipjopay ayimja. Apquililyajaclhoc nic nat apcanamaclha Dios, yoyam elyiplovcasjo.

ÉXODO 14:31

Apquilvitac nic nat actemaclha apmopvan Dios Apyimtalhnamo naysicsa apquilinmelhma co Egipto. Apquilacoc nic nat Dios Apyimtalhnamo enlhitaoc Israel. Am nic nat elyascacmoc apmopvan Dios Apyimtalhnamo najan Moisés aptomja apquilancam.

ÉXODO 19:16

Invocmec nic nat natqui acnim. Secaseclha ilhnic nat intomjac. Inquilhtingyavocmec nic nat. Inquilyinmacmec nic nat. Apquilvitac nic nat yipjopay acpasyam ayitsicsic inquilhe. Inpayvasquic nic nat trompeta acyimnatem acpayvam. Apquilpilhyinimquic nic nat enlhitaoc apquicjingvamlha.

ÉXODO 20:21

Mocjay nic nat apquicjingvocmoc enlhitaoc. Naysicsa yipjopay acpasyam apnac nic nat Dios Apyimtalhnamo. Apyoclhec nic nat Moisés.

ÉXODO 34:5

Apvayventac nic nat Dios naysicsa yipjopay apquinmamcaclha Moisés. Aplhenquic nic nat Dios apvisay apanco.

ÉXODO 4:31

Am nic nat elyascacmoc israelitas apquillinga appayvam. Nasoc anco apyascamco Dios Visqui apancaoc actemaclha apquillingaycamco siclho acyimtalhnama. Apquiljalhec nic nat alticlhicvocmo payjaclha napataa nalhpop, apquilayo Visqui apyimtalhnamo.

ÉXODO 4:5

Melyascamejec sat enlhitaoc Israel apvitay lhip Dios Apyimtalhnamo aptomja apquilyeyjamcaa Apvisqui apancaoc najan Abraham Apvisqui pac najan Isaac Apvisqui pac najan Jacob Apvisqui pac — nic nat aptomjac.

ISAÍAS 19:1

Apquillhenacpec co Egipto yavamlha cotnejic: Quip elanojo Visqui ingac quellhip: Apquilhyacmec Visqui ingac apna netin yipjopay. Inquilpilhyinimquic maa quilaycmasquiscama apancaoc co Egipto napato Dios, apquilacac apyovoclhojo.

ISAÍAS 7:9

Tingma apvanyam apancaoc co Efraín apvisay Samaria. Apvisqui tingma Samaria apvisay Remalías apquitca. Am sat ancoc elyascacmoc quellhip, elmiyovacpoc sat. Apquilyascacmec sat ancoc quellhip, enatovasacpoc sat — alhta aptomjac.

NÚMEROS 12:5

Apvayventac nic nat Dios naysicsa yipjopay, apnaclho nicja carpa apatong. Apquilanyacpec nic nat Aarón najan María, yoyam elaylhojo.

SAN MATEO 17:5

Pilapcasquic alhta ayajapvaa yipjopay alyinmom naysicsa appamejitquiscama Pedro. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.,

SAN MARCOS 9:7

Yejemoc alhta ayajapvaa lhama yipjopay. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.

SAN LUCAS 10:16

“Injalhnalhcoc ancoc apquilpayvam quellhip, acno acjalhnomalhco coo lha sicpayvam. Apquilvanacpec ancoc quellhip, acno sicvanamalhca coo lha. Acvanalhquic ancoc coo, apvanacpec najan Ingyapam aptomja seyapajascama coo —alhta aptomjac.

DEUTERONOMIO 4:10

Aptomjac nic nat Moisés: —Apnam alhta quellhip napato Dios Apyimtalhnamo payjoc inquilhe acvinatem Horeb. Aptomjac alhta Dios seyanya coo: Ingyansiclha sat apyovoclhojo enlhitaoc Israel, yoyam elaylhojo sicpayvam. Elyasingvomoc sat actemaclha selayo aclhamoclhojo acnim apquileyvam. Elyascasingvomoc sat apquitquic, yoyam elvajanamcoc najan eltamsacpoc maa — alhta aptomjac Dios.

DEUTERONOMIO 4:36

Apquillingac alhta quellhip Dios appayvam ayinyema netin, yoyam elyiplovcasojo. Apquilvitac alhta quellhip talha acvanyam as nalhpop. Apquiljalhnoc alhta quellhip appayvam apanco Dios ayinyema talha.

EL APOCALIPSIS 1:7

Quip elanojo. Evotac sat Cristo naysicsa yipjopay. Elvitac sat aplhamoclhojo enlhitaoc apquilhyam. Elvitac sat najan enlhitaoc apquiltomja alhta apquilajem Cristo. Elyipcalhic sat aplhamoclhojo enlhitaoc lhalhma anco apquilvita sat apquilhyam. Nasoc sat cotnejic.