ÉXODO 19:2 - Enhlit Bible

² Apquilquimpaclhec nic nat siclho acvisay Refidim. Natamin apquilvoctac nic nat yoclhilhma actamopeycaoc Sinaí. Apquicjingvoctac nic nat as yoclhilhma nicja inquilhe Sinaí.

ÉXODO 19:2 Iomraidhean Croise

ÉXODO 17:1

Apquilyinyovquic nic nat enlhitaoc Israel yoclhilhma actamopeycaoc acvisay Jape Inyelpa, hebreo appayvam Sin. Apquilimpaclhec nic nat mataa moc acnim actemaclha apcanama Dios Apyimtalhnamo. Apquilnaclhec nic nat payjoc Lovquiscama Ningilyampay, hebreo appayvam Refidim. Mepqui ilhnic nat yingmin maa.

ÉXODO 17:8

Apquilpeyvoc nic nat amalecitas yoclhilhma Lovquiscama Ningilyampay, acvisay Refidim. Yoyam elnapacpoc enlhitaoc Israel.

ÉXODO 18:5

Apnec nic nat Moisés yoclhilhma actamopeycaoc nicja inquilhe acvisay Dios apanco (mataymong acvinatem). Aptiyaningvocmec nic nat Jetro. Aclhalhma ilhnic nat Moisés aptava najan dos apquitquic.

ÉXODO 3:1

Aptamilcasquic nic nat Moisés apnatoscama apipyata. Jetro ilhnic nat apvisay apipyata, aptomjac sacerdote yoclhilhma Madián. Apnalaclhec nic nat apnatoscama tap yoclhilhma actamopeycaoc. Apvoclhec nic nat inquilhe apvitamacpilha Dios acvisay Horeb.

ÉXODO 3:12

Aptomjac nic nat Dios Apyimtalhnamo apcanya: —Coo sat otnejic siclhalhma. Etac sat lhip asoc monquinatquiscama actomja siyapajascama lhip. Enalovsingvoclhac sat lhip enlhitaoc Israel yoclhilhma Egipto. Enalantac sat as inquilhe yoyam jelpayicsojo coo — nic nat aptomjac Dios Apyimtalhnamo.

NÚMEROS 1:1

Vocmec nic nat lhama acnim (primer día), najan piltin segundo, najan año segundo. Vocmec nic nat lhama año tap apquilantiyapma israelitas yoclhilhma Egipto. Dios Visqui ingac appamejitquiscama nic nat Moisés, payjoc inquilhe Sinaí yoclhilhma actamopeycaoc, congne carpa apponquinomap. Aptomjac nic nat Dios apcanya:

NÚMEROS 33:15

Apquilyinyovquic nic nat Refidim, apquilvocmo yoclhilhma Sinaí.

LOS HECHOS 7:30

“Invocmec nic nat mocjam cuarenta años. Apnec nic nat Moisés yoclhilhma actamopeycaoc. Ningatoc nic nat inquilhe acvisay Sinaí. Naysicsa ayaleyvom yamit acmeta ilhnic nat apvitacpoc ángel Dios apcasinancama.

LOS HECHOS 7:38

Apnec nic nat Moisés nipyesicsa apnaymacoc yoclhilhma actamopeycaoc. Aplhalhma ilhnic nat ángel Dios apcasinancama. Appamejitcasquic nic nat netin inquilhe Sinaí. Apquillhalhmaa ilhnic nat ningilyeyjamcaa. Aplhocac nic nat Dios appayvam acyimnatem ingnenyic, yoyam jingilmesic nincoo.

GALATAS 4:24

Eycaso actomja acyitsomalhca singillhicmoscama amyaa. Acyitsomalhca anit quilvanaa actomja anit actemaclha monquinatquiscama apmayjayoclha Dios aplhanma actomja nasoc anco. Lhama actemaclha monquinatquiscama apmayjayoclha Dios ayinyema netin inquilhe acvisay Sinaí. Eycaso acyitsomalhca quilvana acvisay Agar. Aplhamoclhojo ayitquic apquiltomja apquilancam apquilmomap.