ÉXODO 19:18 - Enhlit Bible

¹⁸ Intipquic nic nat etin acyovoclhojo inquilhe Sinaí. Ayinyema ilhnic nat Dios Apyimtalhnamo apvayveyquinta naysicsa talha ayitsicsic inquilhe. Intipquic nic nat etin acyivey, malha ayinyema malhic acyivey. Inyovjam nic nat acyovoclhojo inquilhe.

ÉXODO 19:18 Iomraidhean Croise

GÉNESIS 11:5

Apvayventac nic nat Dios Apyimtalhnamo yoyam elanojo tingma apvanyam najan tingma nitno enlhit apquillanay.

GÉNESIS 15:17

Intalhnec nic nat acnim. Inyatasquic nic nat ilhma. Pilapcasquic nic nat acvitalhco malhic. Yiplovcoc nic nat actiyapma etin. Intipquic nic nat talha alayvom acyivey. Intalhnec nic nat naysicsa acnamcolha apitic.

GÉNESIS 19:28

Apquilyajavoc nic nat tingma Sodoma najan Gomorra najan yoclhilhma maa. Apvitac nic nat actepa etin acyivey. Malha paat apaoc acmeyasma nic nat intomjac etin.

NEHEMÍAS 9:13

Apvayventac nic nat lhip ayitsicsic inquilhe acvinatem Sinai. Appamejitquiscama nic nat lhip ayinyema netin, moclhama singanamaclha najan singascamaclha alpeyvomo najan altamila.

SALMOS 104:32

Inyovjam mataa as nalhpop naysicsa apquilaneyo Visqui ingac. Intipquic etin inquilhe acvinatem naysicsa apmongvoyam Visqui ingac.

SALMOS 114:4

Malha alnilhtingaycam ninatoscama nic nat intomjac inquilhe alvinatem.

SALMOS 114:7

Coyovjam sat as nalhpop napato Visqui ingac. Napato Visqui apancaoc Jacob apquilmolhama.

SALMOS 144:5

Visqui apna netin. Ityipvota, ivayventa as nalhpop. Ipacningvojo mataymong alvinatem, yoyam cotyapoc maa etin.

SALMOS 18:9

Aptipquic alhta netin apvayventa. Yipjopay alhta coning apmancoc.

SALMOS 68:9

Dios Visqui ingac. Avanjec nic nat acmamay acpaliyam. Apyesiscama nic nat lhip yoclhilhma acyamay lhopactic.

SALMOS 77:18

Inlingalhquic nic nat ayilhtingyavoyam nipyesicsa piyam. Invitalhquic nic nat alyinmayam (tacja) najan acyovjeycam nalhpop.

SALMOS 77:19

Apmilanquic nic nat lhip yingmin acvanyam, malha lhip amay pac. Am nic nat cotalhcac apminic apquillhingam.

ÉXODO 19:13

Noelpatningvomjo nasa, coyiplovjoc sat apquilyicnamap mataymong, inlhojo eyca laa elyiplhacpoc sat aptomja appatningvoyam. Comatong sat nintoscama, ematong sat najan enlhit. Apquillingac sat ancoc acvoncaclhojo appayvascama inquipetic malha trompeta, elquinamit sat netin inquilhe — nic nat aptomjac Dios.

ÉXODO 19:17

Apnalaclhec nic nat Moisés aplhamoclhojo enlhitaoc yoyam elamyilhamcoc Dios Apyimtalhnamo. Apcanvocmec nic nat enlhitaoc nicja inquilhe.

ÉXODO 20:18

Pilapcasquic nic nat enlhitaoc apquilvita quilyinmayam najan quilhtingyavoyam najan acpayvascama trompeta najan actiyapma etin inquilhe. Mocjay nic nat apquicjingvocmoc. Apquilpilhyinimquic nic nat apquilvita.

ÉXODO 24:17

Malha talha acmeyasma nic nat intomjac gloria apcapongmatem netin inquilhe. Apquilvitac nic nat aplhamoclhojo enlhitaoc Israel.

ÉXODO 3:2

Pilapcasquic nic nat apvitacpo lhama ángel apquinyema Dios Apyimtalhnamo. Apvitacpec nic nat ángel naysicsa talha alayvom yamit acmeta. Apquilanam nic nat Moisés. Apvitac nic nat yamit naysicsa talha alayvom. Am nic nat comyetac yamit.

ÉXODO 34:2

Ipenacsojo sat lhip secaseclha alhtoo. Ingyinamitvota sat ayitsicsic inquilhe acvisay Sinaí. Jeyota (jeyavota) sat coo.

ISAÍAS 6:4

Inquilyovjac'ac alhta molanquiscama tingma apatnaoc ayinyema apquilminaycmascama ángeles. Intalhnec alhta etin apyovoclhojo congne tingma.

ISAÍAS 64:1

Aptomjac nic nat mocjam profeta: Imayes sat lhip netin, ivayventa sat nalhpop. Colpilhyinamoc sat inquilhe.

JEREMÍAS 4:24

Acvitac alhta inquilhe, inquilpilhyinimquic alhta acyovoclhojo, najan maa colinas inquilhe.

HABACUC 3:6

Inyovjam as nalhpop, aptacmo inlhojo Dios. Elangvomoc sat enlhitaoc, apquilano inlhojo Dios. Colpalhic sat mataymong alvinatem. Colvayvamcoc sat inquilhe alvinatem alimja nano. Cotningvomejec sat nelha ongvita amay pac Dios.

ZACARÍAS 14:5

Elinyajamcoc sat quellhip, acno apquinyajaycoc nic nat apquilyeyjamcaa quellhip. Ayinyema ilhnic nat acyovjeycam lhopactic (nalhpop) naysicsa aptimem apvisqui Uzías yoclhilhma Judá. Evotac sat Visqui ingac, apquillhalhmaa sat appintalhnama enlhit netin.

SAN MATEO 24:7

Elnapacpoc sat enlhitaoc. Elnapacpoc sat najan apquilviscaa. Coyovjam sat lhop (nalhpop) lhalhma anco. Mayc sat colnapoc enlhitaoc.

DEUTERONOMIO 33:2

altamila ilhnic nat appayvam: Apquinyemac inquilhe Sinaí Dios Apyimtalhnamo. Apquilsasquiscama olhma ayinyema Seir (Edom), ayinyema inquilhe alvinatem Parán. Apquinyemac Meriba-cades. Apmic actamilaclha ayinyema talha, ayinyema singanamaclha.

DEUTERONOMIO 4:36

Apquillingac alhta quellhip Dios appayvam ayinyema netin, yoyam elyiplovcasojo. Apquilvitac alhta quellhip talha acvanyam as nalhpop. Apquiljalhnoc alhta quellhip appayvam apanco Dios ayinyema talha.

DEUTERONOMIO 5:22

Aptomjac nic nat Moisés apquilanya enlhitaoc: —Eycaso appayvam apanco Dios Apyimtalhnamo apquiljalhenmo alhta quellhip apcanamcaa nicja inquilhe acvinatem. Naysicsa talha alhta ayinyema appayvam najan naysicsa yipjopay. Vamlha alhta intomjac appayvam. Aptalhesquic alhta Dios appayvam apanco anit mataymong nicjaa. Emcasquic alhta coo.

DEUTERONOMIO 5:4

Appamejitcasquic alhta Dios napatavo quellhip, naysicsa talha ayinyema alhta appayvam.

2 TESALONICENSES 1:7

Apquiltamjoc Dios yoyam casilhtangvomoc apquillingaycamco acmasca quellhip acno nincoo lha acvocmo sat apvoyctamlha Visqui ingac Jesús. Ingyinyemac sat netin Jesús malha naysicsa alayvom talha. Angeles apquilyimtalhnamo sat apquillhalhmaa.

2 TESALONICENSES 1:8

Elyanmongsiclhac sat apquiltemaclha enlhitaoc apquiltomja melyicpilquemo Dios najan apquiltomja melilyajayquiclho tasic amyaa ayinyema Visqui ingac Jesús.

HEBREOS 12:18

Apquilyipitcangveclhoc nic nat enlhitaoc Israel inquilhe acvinatem Sinaí. Apvancaac nic nat elpatningvomjo inquilhe acvinatem. Inmetquic nic nat as inquilhe. Incapquic nic nat yipjopay. Jalh olhma ilhnic nat intomjac. Inquilhtingyovquic nic nat.

HEBREOS 12:26

Inyovjam nic nat nalhpop ayinyema appayvam Dios. Aptomjac mocjam quilhvo nac jay: “Oyovjesam sat mocjam lhama nalhpop. Oyovjesam sat najan netin” —intomjac appayvam.

2 SAN PEDRO 3:10

Cotlapsic sat covac acnim apác Visqui ingac, malha enlhit apminyilhma yoyam evac alhtaa, sat cotnejic. Comascoc sat netin, malha ayilhtingyovam acyiviy sat cotnejic. Colmetic sat asoc netin najan asoc as nalhpop. Comyetic sat acyovoclhojo.

EL APOCALIPSIS 15:8

Intipquic alhta etin ayinyema Dios aptomja apyimtalhnamo najan apmopvan. Inlanoc alhta etin tingma apponquinomap. Paj lhama enlhit apmopvan etlhic congne tingma apponquinomap. Incaymalhquic siclho siete ángeles yoyam elsavojo siete altemaclha alasquiscama apyimpeoc enlhitaoc.

EL APOCALIPSIS 9:2

Yejemoc alhta aplica atong as malhic congno. Intipquic alhta etin acyiviy acpanma, malha acmesma paat. Inpaysacmec alhta acnim. Jalh olhma alhta intomjac lhalhma anco ayinyema etin acpanma actiyapma malhic congno.

JUECES 5:5

Lhip nac Dios Visqui apancaoc enlhitaoc Israel. Inquilyovjam alhta inquilhe napato lhip najan inquilhe Sinaí.