ÉXODO 18:21 - Enhlit Bible

²¹ Ilyacyes sat nipyesicsa apnaymacoc enlhit apquilvascapma, apquiltomja apquilayo Dios Apyimtalhnamo. Apquiltomja apquilpeyvomo mepqui apquilyeycajascaoc apquillhanma. Itnimquis sat mataa apmamyi elapajacsic 1000 apnaymacoc. Poc mataa elapajacsic 100 apnaymacoc. Poc mataa elapajacsic 50 apnaymacoc. Poc mataa elapajacsic 10 apnaymacoc.

ÉXODO 18:21 Iomraidhean Croise

GÉNESIS 22:12

Aptomjac nic nat ángel apcanya: —Nongyaa nasa apquitca. Ayinyemaclha apquilyajaclhoc lhip Dios appayvam. Am lhac emyavac lhip apquitca apvamlha pac lhama— nic nat aptomjac.

GÉNESIS 42:18

Invocmec nic nat natqui acnim. Aptomjac nic nat José apquilanya apquilpipma: —Actimec coo siyayo Dios Apyimtalhnamo. Elilyejiclhojo sat actomjaclha sicpayvam yoyam elvomoc sat tap. (Pac ongvasicjiclhojoc mocjam quellhip).

GÉNESIS 47:6

Lhip sat ilyacyes actamilaclho yoclhilhma. Ingyane sat elhnam yoclhilhma actamila anco acvisay Gosén. ¿Apnam ya nipyesicsa apquilpipma apmopvan eltamilsic sicnatoscama? Iltimesquis sat apquilimja apmamyi eltamilsic sicnatoscama— nic nat aptomjac.

2 SAMUEL 18:1

Apquilyipsatquic nic nat David singilpilhtetemo. Apquilyacyesquic nic nat apquilviscaa. Moclhama grupo mil enlhitaoc, enaliclha apquilviscaa. Moclhama grupo cien enlhitaoc, enaliclha apquilviscaa.

2 SAMUEL 23:3

Dios Apvisqui apancaoc Israel aptomja apmasma apnaymacoc Israel, aptomja seyanya: Apvisqui appeyvomo nipyesicsa enlhitaoc, aptomja apcayo Dios naysicsa apcanamaclha.

1 REYES 18:12

Evonquepoc sat lhip naysicsa siltimnascayclha amyaa. Dios Espíritu apanco sat eyantamac. Am sat ancoc ectamacpoc lhip, jeyajic sat apvisqui. Coo sictomja siyayo Dios Apyimtalhnamo ayenmo sictemaclha eyitcoc.

1 REYES 18:3

Apcapajasquic nic nat apvisqui Acab eltimnasquiclha mayordomo Abdías. Apcayo Dios nic nat Abdías.

ESDRAS 7:25

Lhip Esdras, apyascamco nac lhip ayinyema Dios. Itingyasquis sat lhip enlhit apquilyicpilquemo najan yatapquilviscaa, colhic acyiplovquisa nintemaclha acpeyvomo nipyesicsa enlhitaoc apquileyvam yoclhilhma nicja vatsam Éufrates, nipyesicsa enlhitaoc apquilyascamco singanamaclha Dios. Elyascasingvom sat enlhitaoc melyascamco singanamaclha Dios.

NEHEMÍAS 5:9

Actomjac alhta mocjam silanya: Somcoc quellhip apquiltemaclha apancaoc. Incaymalhquic quellhip eltimjic apquilayo Dios Visqui ingac, elvatsamcoc sat singilasmescama cotnaja ingmoc.

NEHEMÍAS 7:2

Aptamilquiscama tingma Jerusalén apcanyacpo alhta eyalhing Hanani. Apcanyacpec alhta Hananías etnejic sat apvisqui comandante tingma Jerusalén. Aptomja mataa apcayo Dios, am elhno apnaymacoc.

JOB 1:1

Apnec nic nat lhama enlhit apvisay Job, payjoc yoclhilhma Uz. Aptemaclha ilhnic nat appeyvomo napato Dios, mepqui apsilhnanomap apanco. Am nic nat ingyinmelham mataa poc.

JOB 29:16

Sictomja apquilyap nipyesicsa mepqui apquilnatam, sicpeyvescasquiclha amyaa nipyesicsa metnaja sicmolhama.

JOB 31:13

Elyavectac alhta ancoc selancam. Acjalhnoc coo mataa selmalhnaycam asoc.

SALMOS 15:1

Visqui ingac. ¿Soc enlhit etnejic sat maycaa lhip tingma pac? ¿Soc enlhit ellanac sat tingma pac netin inquilhe acponquinomalhca?

SALMOS 15:5

Aptomja mepqui acyanmongvoyam tap solyayem macmaycaoc. Aptomja melyajayquiclho apcanyomap epjescomoc apmapsom poc. Emyovacpoc sat cotmongvoycamlha nelha aptomja apyiplovquiscama as asoc.

ÉXODO 17:9

Aptomjac nic nat Moisés apcanya Josué: —Ilyacyes sat napocja apnaymacoc elnapacpoc amalecitas. Secaseclha olhic sat ayitsicsic inquilhe (mataymong) acvinatem. Sicmaycam sat yamit ayinyema Dios Apyimtalhnamo — nic nat aptomjac Moisés.

ÉXODO 18:25

Apquilyacyesquic nic nat apnaymacoc apquilvascapma. Apquinimcasquic nic nat mataa apmamyi elapajacsic 1000 apnaymacoc; poc mataa elapajacsic 100 apnaymacoc. Poc mataa elapajacsic 50 apnaymacoc. Poc mataa 10 apnaymacoc.

PROVERBIOS 28:2

Aplhameclhec mataa apquilviscaa, acyitna inlhojo apquilinmelhamap enlhit. Apnec sat ancoc apvisqui rey apyascamco, emascocsic sat apquilnapomacpilha.

ECLESIASTÉS 12:13

Nelha quilhvo nac jay, ningiltomja ningyasingvoyam: Incaymalhquic nincoo ninlhamoclhojo ongilavojo Dios Visqui ingac, incaymalhquic ongyiplovcasojo singanamaclha.

ISAÍAS 16:5

Etnesacpoc sat apvisqui David aptavin niptamin. Cotalhcac sat actemaclha singamliyam. Etnejic sat singyicpilquemo mayayo, eyiplovcasojoc sat actemaclha acpeyvomo nipyesicsa enlhitaoc.

ISAÍAS 33:15

Elmiyovacpoc sat apquiltomja apquilpeyvomo, apquillhanma actomja nasoc anco. Apquiltomja mepqui apquilansayclha apquilnatam, ayinyema apquilyimtalhnescama apquiltimesaycam enlhit. Apquiltomja mepqui apquilyinyovmap apanco ayinyema apquilmescama nasa poc. Apquiltomja mepqui apquilpasmeyquiclha ticyovam yapmayc apquilpamejitsomap. Apquiltomja mepqui apquilaneyo apquiltemaclha apancaoc apquilmapsomcaa.

ISAÍAS 59:4

Mepqui apquilpeyvescasquiclha acpeyvomo quellhip. Yitnec apquilmopvan amyaa najan apquilyinimquiscama quellhip. Malha apquillovso quellhip asoc acmasom, eltimsic apquiltemaclha acmasom.

JEREMÍAS 5:1

Aptomjac alhta Visqui ingac: Eltingya sat quellhip enlhit appeyvomo, elsovjam sat tingma apvanyam Jerusalén, elsovjam sat amay najan apvalhoc tingma. apquilvitac sat ancoc quellhip lhama enlhit appeyvomo, motvacsejec sat tingma, ongvasicjiclhojoc sat mocjam quellhip.

EZEQUIEL 18:8

Memejec mataa intereses ayinyema apmaycaoc nasa poc. Impeyvoc mataa apyicpilquemo naysicsa apquilpeyvescasquiclha amyaa.

EZEQUIEL 22:12

Yitnec apquilnapma poc acyanmongam solyayem. Yitnec apquilmaycaoc solyayem acyamongvoyam tap acvisay interés. Am elmiyavac mataa apnaymacoc, apquiltemaclha selvoncayam coo. Eycaso sicpayvam sicvisay Visqui apancaoc — alhta aptomjac.

ZACARÍAS 7:9

Eycaso siyanama coo: Elyiplovcasojo quellhip actemaclha acpeyvomo najan actemaclha ningapeycam. Elasicjacpojo mataa nipyesicsa quellhip.

ZACARÍAS 8:16

Elyiplovcasojo mataa siyanamaclha: Noeltime nasa apquilmopvan amyaa nipyesicsa quellhip, eltime sat mataa apquilpeyvomo, coyit actamilaycam apquilvalhoc napatavo apquilyicpilquemo.

NÚMEROS 1:16

Eycaso ilhnic nat apquilvisay malyacyescama moclhama apquilmolhama tribus de Israel. Apquilvisay apquilmolhama apquilyap moclhama clan.

NÚMEROS 1:4

Epasmoc sat mataa apquilyap familia moclhama apquilmolhama tribu.

NÚMEROS 10:4

Ingyaniclhac sat apquilvamlha apquilviscaa apquilmolhama tribus, apquillinga inlhojo appayvascama lhama trompeta.

SAN LUCAS 18:2

Aptomjac alhta: —Apnec nic nat tingma lhama singyicpilquemo. Am nic nat ingyacac Dios Ingyapam, am nic nat ingyacac apnaymacoc.

SAN LUCAS 18:4

Am nic nat eltamjoc mataa epeyvasiclha singyicpilquemo. Natamin aclhena ilhnic nat apvalhoc: “Mongvacyic coo Dios, mongvacyic najan enaymacoc.

LOS HECHOS 20:33

Am alhta ongvanayc jelmesic solyayem (oro najan plata) najan apava.

LOS HECHOS 6:3

Ingilyalhinga, elyacyes sat nipyesicsa quellhip siete enlhit apquilpeyvomo. Apquiltomja acma apquilvalhoc Espíritu Santo najan apquilyascamco. Ongilasinac sat etnejic apquiltamjaycam.

DEUTERONOMIO 22:18

Elanic sat apquilvanyam elyicpilhquetacpoc enlhit quilhva alyimjapma.

1 TIMOTEO 3:3

Incaymalhquic etnejic mepqui ayajem anmin. Etnejic najan mepqui apquilatingmomap. Etnejic najan mepqui ayitsepma apnenyic solyayem. Incaymalhquic etnejic aptamila, coytic najan actamilaycam apvalhoc.

JOSUÉ 22:14

Apquillhalhma ilhnic nat diez apquilvanyam apquilayo israelitas, apquilyapmayc moclhama clanes apquilmolhama tribu maa.

1 SAMUEL 8:12

Napocja sat eltimjic mataa yatapquilviscaa moclhama mil singilpilhtetemo. Napocja sat mataa moclhama cincuenta singilpilhtetemo. Ingyanic sat apvisqui elcacsic amyip apanco singilpilhtetemo. Elsavojoc sat apquilansayclha acyilhna ayinyema amyip apanco. Ellanac sat apquilmaycam yoyam elnapacpoc najan asoc apquilsoycam netin carros.

1 SAMUEL 8:3

Am nic nat elyiplovcasac aptemaclha apyap. Avanjec nic nat apquiltemo eyeycajasacpojo solyayem. Apquillhocac nic nat mataa asoc yatapquilviscaa ayinyema apquilyinimquiscama. Apquilyitnocjasquic nic nat actemaclha acpeyvomo.