ÉXODO 17:6 - Enhlit Bible

⁶ Olaylhic sat lhip mataymong acvinatem (inquilhe) Horeb, moc acvisay Sinaí. Iticpong sat lhip mataymong acvinatem, cotyapoc sat yingmin, elyinamcoc sat enlhitaoc — nic nat aptomjac Dios Apyimtalhnamo. Apyiplovcasquic nic nat Moisés napatavo ningayo apquilvanyam.

ÉXODO 17:6 Iomraidhean Croise

NEHEMÍAS 9:15

Apcamquic nic nat lhip aptoycaoc ayinyema netin, apmascosa mayic ataoc, najan maa yingmin apyinaycaoc, apmascosa acnim alnapma. Apcanayquic nat ellhovamcoc yoclhilhma aplhanma lhip siclho mepqui apyeycajascaoc.,,

SALMOS 105:41

Innec nic nat acpalhcata mataymong acvinatem. Intipquic nic nat yingmin elyinamcoc. Malha vatsam nic nat intomjac ayinyem yoclhilhma actamopeycaoc.

SALMOS 114:8

Mataymong alvinatem altomjayclho nic nat acyitnamaclha yingmin. Mataymong ayitcoc altomjayclho nic nat actiyapmaclha yingmin.

SALMOS 46:4

Lhama vatsam actomja acjalhyincayam tingma apvanyam, apmaclha Visqui ingac apyimtalhnamo. Vatsam actingaoc actomja ayitsovasquiscama enlhitaoc.

SALMOS 74:15

Lhip nic nat ayinyema actiyapmaclha yingmin najan vatsam. Lhip nic nat ayinyema acyamasomalhca alvata mepqui lha yingmin.

SALMOS 78:18

Apquilyipconquic nic nat Dios, memyovejec sat lhaja nintom. Apquilanayquic nic nat nintom actamila yoyam elyacyecsic.

SALMOS 78:20

Ningvitac alhta inyicje aptipquiscama yingmin ayinyema mataymong acyivey. Malha yingmin ayinyem alhta intomjac. ¿Apvanqui ya jingamcoc nintom pan najan apitic ontovamcoc ningyovoclhojo? — nic nat apquiltomjac.

SALMOS 81:7

Acjalhnoc coo apquilmalhnancama quellhip. Alvomcasquic tap quellhip. Ayatingmavoc alhta naysicsa ayilhtingyavoyam yipjopay (sicyilhanmeycam). Alyipconquic alhta quellhip acyitnamaclha yingmin Meriba.

ÉXODO 14:16

Iyasquis sat netin yamit ayitcoc tacjalhit yingmin acvanyam. Iyitipquis sat nalhit yingmin yoyam coymac nalhit. Elmilanic sat maa enlhitaoc Israel.

ÉXODO 16:10

Apquiltimnasquic nic nat Aarón aplhamoclhojo enlhitaoc. Apquililyajavoc nic nat yoclhilhma actamopeycaoc. Pilapcasquic nic nat apquilvita naysicsa yipjopay ayitsayolhma ayinyema Dios Apyimtalhnamo.

ISAÍAS 48:21

Innec nic nat acnalaclho yoclhilhma actamopeycaoc, mepqui acnim alnapma. Appalhcatquic nic nat mataymong acvinatem. Intipquic nic nat yingmin acyivey.

NÚMEROS 20:8

Ilic sat yamit pac apqueleneycam. Aplhalhma sat apipma Aarón. Ingyansiclha sat apyovoclhojo apnaymacoc, yoyam elaylhojo. Itne sat ingyanic mataymong acvinatem, yoyam cotyapoc yingmin. Cotlapsic sat elvita actiyapma yingmin. Elyinamcoc sat maa najan apnatoscama.

SAN JUAN 4:10

Apcatingmavoc alhta Jesús: —¿Inyasamco ya lhca Dios Ingyapam apcaycaoc? ¿Jeyicpilco ya coo siyanya lhac jeyacvesic yingmin? Ayanayc coo am jeyicpilcac lhiya. Jeyicpilcoc sat ancoc lhiya, quilhvoc sat jeyanic, yoyam omquesic lhiya yingmin actemaclha mongitsepma —alhta aptomjac.

SAN JUAN 4:14

Mejingajiclhejec sat mataa acnim ningiltomja ningyam yingmin ayinyema sicmescama coo. Eycaso yingmin sicmescama coo cotnejic sat actiyapmaclha mataa yingmin ingvalhoc ingac. Yoyam colhic sat acyimnatem ingnenyaoc cotmongvoycamlha nelha —alhta aptomjac.

1 CORINTIOS 10:4

Apquilyinamquic nic nat ningyam ayinyema Dios. Apquilyinamquic nic nat mataa yingmin ayinyema actiyapma mataymong ayinyema Dios. Apquillhalhma ilhnic nat apquiltomjac as mataymong. Eyca as mataymong aptomja ilhnic nat Cristo.

DEUTERONOMIO 1:2

Yitnec nic nat amyaa inquilhe acvisay Seir, ajolhec nic nat amay. Colhojoc sat ninlhingam once acnim, nintiyapma inlhojo Horeb acvaycmo Cades-barnea.

DEUTERONOMIO 8:15

Apnalaclhec nat quellhip Dios Apyimtalhnamo yoclhilhma actamopeycaoc, apquiltajanyaa quellhip yamacyeyva najan setaja. Am nic nat elvitayac yingmin yoyam elyinamcoc. Aptipcasquic nat Dios yingmin actiyapma avalhoc mataymong acyimnatem, yoyam elyinamcoc quellhip.

EL APOCALIPSIS 22:17

Aptomjac Espíritu Santo najan Nipquesic Apquitcoc apponcanma: —Ingyilhyim —aptomjac mataa. Itne sat lhip lha aptomja aplingay: —Ingyilhyim —sat itne. Acnim sat ancoc incajac lhip, ingyilhyim. Apquiltamjoc sat ancoc eyinic, iyin sat yingmin actomja acyimnatescama ingnenyic mepqui acyanmongam.